AMOS 5:11 - Cho Bible Common Language 2016

¹¹ Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

AMOS 5:11 Referans Kwoze

ZEPHANIAH 1:13

Ami khawh phi maih yawp khai, ami im phi di yawp khai. Ngami cu ami cawh ah im ung kä om ba khai gui, ami geit ah sapyit ah a tui phi kä aw ba khai gui.”

MIKHAH 6:15

Htang nami phu khai, cun ung phi kä nami khäm ba khai. Olive situi nami neen khai, kä nami mang khai. Sapyit tui nami piang khai, kä nami awk khai.

THULÄÄN NAK 28:30

“Nang naw htangla na be tuk khai. Cun ung phi a hei naw chu nak khai. Nang naw im na co khai, cun ung phi kä na om nak khai. Nang naw sapyit na geit khai, cun ung phi ak theih kä na ei khai.

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

MIKHAH 2:2

Lai ami m’hni ung lai lak ci gui, im ami m’hni ung im lak ci gui, a u ah kyong khui khawh cham phi kä ng’geing ci.

AMOS 3:15

Kei naw cingkhaw im gui la chakhaw im gui cu ka m’di khai. M’vui ha awn ami pyan ah im gui cu she ne di khai, im am kawm gui phung cu m’di yawp vai.”

ISAIAH 16:10

Ang lei k’ni kho ung a u phi tuhbäi kä yeikyai ci nei. Sapyitlo ung a u phi kä kääi ci, kä ngäi ci nei. Sapyit tui vai ah sapyit theih neen ci phi a u kä om ci nei; yeikyai ne m’lau nak cu ng’pyi ci nei.

EZEKIEL 26:12

Nami ga gui naw nami khawh gui, nami khawhcham gui cu lak khai gui. Ngami naw nami paang gui cu buh tawn u ne, nami im kyom gui cu gäi khai gui. Ngami naw lung gui, sing k’peen gui la im ami phyet gui avan cu la ne tuinu ung shum khai gui.

AMOS 2:6

Bawipa naw, “Israel chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami pu kä thung hlawt ciah changnigui la ami phahnak phu phi kä thung hlawt ciah dukhaih ci gui cu, khleihtein vai ah yoi gui ci gui.

AMOS 3:9

Egypt la Ashdod mang im gui ung om ci gui ah ma ah ng’thu nami shäu vai cu, “Samaria koi ciah khawgui gui ung ng’bum vä, a cun ah dämduh ciah ng’gogan nak la cheishoh nak ami bi gui cu teng vä.”

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

AMOS 6:11

Bawipa naw ng’thu a pyen law ung im kawm, im yaw ng’phye ne maih khai.

AMOS 6:12

Ng’se cu lungpou ah khan ah dawng man ne ang? Chang naw tuinu ah khui ah seipat awn lai thawn man ne ang? Cun ung phi nangmi naw taga nak cu m’äm tui ah nami lat ci, gei cicu nami chei sak ci.

AMOS 8:4

Ngai vä, dukhaih ci shedam na ne, pyamtham ciah khaw m’di ciah chang gui.

MIKHAH 1:6

Cun ah kyasei Bawipa naw, “Samaria cu ng’leido ung m’dek ng’plum ah mäih ah shek khai, Sapyit geit nak ah khomdek ah mäih ah ka kyak sak khai. Mang gaw im ng’ki gui cu khaw nawi ah ng’dawn sak gui ne, mang gaw lungtung cu ka auh sak khai nei.

MALAKHI 1:4

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.

TAIGÜTHUM 26:16

kei naw ka ning m’kyuk gui khai. Kei naw nami khan ah leigai ka law püi khai. Kä m’htei hlawt vai ah katnak, gawpai nak gui; a cun gui naw nami mik m’dauh sak khai, nami ghin nak kholä sak khai. Nangmi naw m’shi nami geit khai, cun ung phi cun naw kä ning ni sak gui khai, a i ah kyasei ci ung nami ga gui naw ning näng gui u ne, nami geit phi ei yawp khai gui.

JOB 20:19

A i ah kyasei ci ung ani naw dukhaih ci gui shedam na ne chang ah im cawh phi gut ci.

EZEKIEL 34:21

Nangmi naw gaw ciah htome gui cu buh ne angleng ah k’htät u ne, htome ng’bum ung ka su ne nami k’täm ci.

HOSEA 9:2

Cun ung phi kä shou sei nangmi ung htang la oliv situi akdäm kä om ba khai, sapyit tui phi kä om ba khai.

AMOS 2:7

Ngami naw aktha ken ci la amgein kaa gui cu k’thüng gui u ne, dukhaih ci gui cu lam ungka buh tawn gui ci gui. Apa la ahta naw changshäm hnumi hta cu ng’lak na ne chu nak ci goi. Cun ah kya ne ka ming theing cu m’shet ci gui.

AMOS 9:14

Kei naw ka chang gui cu ami khaw ah ka law püi ba gui khai. Ngami naw di ciah ami mang gaw gui co ba u ne, om ba khai gui. Ngami naw sapyit gui geit u ne, sapyit tui awk khai gui; Ngami naw dum bi u ne a cun ung ami geit ei khai gui.