AMOS 5:10 - Cho Bible Common Language 2016

¹⁰ Nangmi chang gui naw kä taga ci m’taga ne, mang ah m’kawt ung düng sei ng’thu cicu nami thüi nak ci.

AMOS 5:10 Referans Kwoze

ISAIAH 29:21

M’thüi ciah chang, ngawnphak ci m’kyuk nak vai shungvong ciah cang, düng ciah chang naw taga nak kä gah khai ah hleei hlak ne pyen ciah chang gui cu khanpughi naw m’di gui khai.

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

THU PHLAAN 11:10

Cun ah purofet goi ani sih ah hmawk ah khomdek chang gui cu, yeikyai u ne, khawhchaam ng’khih ng’bah tu u ne, näng nak bik khai gui nei. A i ah kyasei ci ung cun ah purofet goi naw, chang ah hta gui cu ang htei ah ani geinvai sak ah hmawk ah kyak ci.

JOHAN 15:19

M’dek khan ng’yak hlü cu nami khäm ah a kyak ung m’dek khan naw khäm ne ning m’hni gui khai. Cun ung phi shin ah m’dek khan ung kaa kei naw ka ning ghü gui ci, nangmi naw m’dek khan kä nami k’chaw na ba ci; cun ah kyasei m’dek chang naw nangmi cu ning gen gui ci.

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

JOHAN 3:20

Akshe ah om ciah chang phung naw, akshe abi ang dang vai kyi ne, akdei cu kä ng’ya hlük ci.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

1 GHANGPUGHANG GUI 18:17

Ahab naw ani cu hmu law neta, “Shi ah nang na om ci maw — Israel khaw khüikha vai ah bi pikbäih ciah chang!” cik ci.”

KALATIAN 4:16

Tuhbäi kei naw düng ci ka pyein ah hmawk ah, nami gaa ah ka kyai law bawk khai ang?

NG'THU K'THUUK~ 15:12

Amlung m’dam ci naw chang ah m’shung dung ka ng’ya hlük ci, cuivai pi ci naw m’shumthein vai ka thah ci.

ISAIAH 59:15

A cun ung düng nakcu aphihta bäng om ci kya sei, akshe bi nak nawng ci gui amät naw amät cheishoh ciah hmuk ci. Bawipa naw shin cu hmu neta, cung cu kä taga ciah kyasei ani cu kä yei ci.

JEREMIAH 38:7

Ehtiopian chang, Ebedmelek, bawi mang im ung hnumi uk ci naw, kei tuishawk ung ami na yuk chak cu ng’yak ci. Cun ah akhin ung ghangpughang cu Benjamin m’kawt ung yung bii bi ne om ci.

HOSEA 4:4

Bawipa naw pyen ci, “A u naw phi chang gui cu kä phuih bun en gui u sä — Taigü gui, kei naw ka ning hnungtuk püi gui vai om ci nei,

AMOS 5:15

Akshe gen vai, akni m’hni vai, man m’kawt ung dangh ciah taga nak nami hmuh vai. Pawih ba ne ghing ne ciah pakhui chang gui cu Bawipa naw chimgein nei gui hman khai nei.

TAIGÜTHUM 13:10

Ani cu taigü naw ang shi thäh vai. Acun ah khan ah ak khei cu bawk ne, mu gui phi bawk ne, hnai tui be ciah a kyak ung,