AMOS 5:1 - Cho Bible Common Language 2016

¹ Ngai vä, Israel chang gui, shin cu kei naw ka ning ng’äi gui ah gook kyah ng’äi ah kyak ci.

AMOS 5:1 Referans Kwoze

EZEKIEL 19:1

Israel manghta hnih ah phäh ah shin ah ng’äi kyah cu m’cu vai ah Bawipa naw na m’thein ci:

JEREMIAH 9:17

M’gäi ciah Bawipa naw pyen ci, “A i ah kya lawk khai cicu ngaih-tüh vä! Thüi kyap khai, gook kyah ng’äi kyap ciah hnumi gui khü gui vä.”

JEREMIAH 9:10

Kei naw ka pyen ci, “Khomhtung gui ah phäh ah kei ka thui kyap khai, khulim gui ah phäh ah ka kyap m’lau khai, a i ah kyasei ci ung ngami cu chawng u sei, cun gui cu kan ne a u kä hteit ba khai. Khiksa gui ah ng’ging gui cu a u naw kä ng’yak ba ci; kha gui la khisa gui phi dawng yawp ci gui.”

JEREMIAH 7:29

“Jerusalem chang gui thüi kyap vä; Nami lu k’tei u ne a hei ah ghawt vä, m’htung lai ah gook kyah ng’äi mi cu vä, a i ah kyasei ci ung kei, Bawipa cu m’lungshe ne, ka chang gui ka hnungtuk gui ci nei.

MIKHAH 2:4

Cun ah khin a gawk law ung chang gui naw nangmi ah mawng cu di nak ah mang khai gui. Ngami naw nang ah bui awt ah mawng shin ah ng’äi m’cu khai gui; Keimi cu kami di yawp ci nei! Kami khaw phi Bawipa naw la ne tuh ne na näng gui ci gui am pe gui ci nei.”

AMOS 5:16

Cun ah kyasei m’gäi ciah Uktu Bawipa naw, “Mang gaw lam gui ung m’lau ne thüikyah nak om khai nei. Sih nak ng’län sei thüikyap ci gui awn, thüikyap tuk khai ah lai bik ci gui phi khü gui khai gui nei.

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

AMOS 3:1

Israel chang gui, shin ah ng’thu cui ngai vä, nangmi ah mawng Bawipa ah thu pyen nei. Khih pawn nak ungka k’phian ah pakhui, Egypt khaw ah kaa a ning law püi ba gui ah kyak ci nei.

EZEKIEL 32:16

Shin ah ng’cet ciah k’bäi nak cu ng’äi kyah ah kya lawk khai. Chang pakhui ung hnumi gui naw Egypt la a chang avan ah phäh ah thüisei ne m’cu khai gui. Kei, uktu Bawipa naw ka pyen nei.”

EZEKIEL 32:2

Ani naw pyen ci, “Hnicim chang, Egypt ghangpughang am ng’cet ciah thukbäi na pek vai nei. Kei ungka shin ah ng’thu cu na pek vai: Nang cu changpakhui gui ah ng’lung ah phongkawng ah mäih ah na hnüntho ci. Cun ung phi nang awn tuinu ung ng’väk ciah k’saam awn natäng pi ci. Nang naw na kho awn tui cu ng’nai sak ne na m’naw sak ci.

EZEKIEL 28:12

Ani naw pyen ci, “Hnicim chang, Taia ghangpughang ah bui awt law vai ah amawng ah phäh ah thüisei ä: Kei, uktu Bawipa naw ka pyen cu m’thein ä: Nang cu kümbe nak ah thei bang vai ah na kya man ci. Nang cu a i hlawk ah cüivai ne, na kyom sang ci ang?

EZEKIEL 27:2

“Hnicim chang, Tire ah phäh ah ng’äi kyah m’cu ä,

EZEKIEL 26:17

Ngami naw shin ah ng’äi kyah cu nang ah phäh ah m’cu khai gui: Mingthang ciah mang gaw di ci nei! Ani ah htinpaw cu tuinu ungka nawt heng pyi ci nei. Shin ah mang gaw ung om ciah chang gui naw tuinu cu uk ci gui. Tuinu kem ah om ci gui ami van cu kyi kyawk ci gui.

EZEKIEL 19:14

Sapyit ah a ghing cu mei naw ui ne, angban gui la am theih gui cu mei naw ui ne. Ang ban gui cu kä ghaam ba hlawt ci, mang ah ng’shopawng ah kä kia ba hlawt ci. Shin cu ng’äi kyak ah kyak ci; shin cu m’cu ba gäk gäk vai kyak ci.

JEREMIAH 9:20

Kei naw ka pyen ci, “Nangmi hnumi gui, Bawipa cu ngai vä, ani ah ng’thu cu ngaih na kheng vä. Nami hta hnumi gui a i cha ah ami thüi kyah vai, 1 nami teipüi gui naw a i cha ah gook kyah ng’äi ami m’cu vai cu m’thei gui vä.

JEREMIAH 9:9

Shin gui ah phäh ah kei naw kä m’kyuk gui ne ka om khai ma? Shin ah mäih pakhui ah khan ah kei naw phu kä tuk ah ka om khai ma? Kei, Bawipa naw ka pyen ci.

JEREMIAH 18:13

Bawipa naw pyen ci, “Shin ah mäih cu a cau kya man ne ang ci ne changpakhui päng cu ng’shi vä. Israel chang gui naw kyihkyawk vai cu bi pyi ci gui nei!

AMOS 8:14

Samaria ah agup gui awn ng’phyun ciah chang gui, ‘Dan khanpughi ung, Beersheba khanpughi ung’ cik ciah chang gui cu — kiuk khai gui, kä tho ba khai gui.”