AMOS 4:9 - Cho Bible Common Language 2016

⁹ “Kei naw nami geit chawng sak khai ah ng’hüüt ciah khokhi cu ka tüi lawk ci. Khanpeh gui naw nami loma avan, nami geit a vuipai avan, nami thei ghing gui, olive sing gui ei yawp ci gui. Cun güt ung nangmi kei ah kä nami law ba ci.

AMOS 4:9 Referans Kwoze

HAKKAI 2:17

Kei naw ng’liing ciah khokhi, kho k’aa awn nami geit phung m’di ne, ka ning m’di gui ci. Cun ung phi nangmi kä nami ng’yuu ba ci.

THULÄÄN NAK 28:22

Bawipa naw nangmi cu ng’pek ciah natnak, ng’plin nak la gaw nak awn ning dep gui khai. Ani naw chawng ne ng’gau sak ciah khawkhi tüi law ne, Nami geit gui cu m’di khai. Cun ah leigai gui cu kä nami sih pha ah chuih nangmi ung om khai.

JOEL 1:4

Khagek gui cu geit gui ung ng’hlom ne ng’hlom ne ngok ci gui; Ng’hlom ät ayon ba ung, hlom ät ngo law ba ci.

AMOS 4:6

“Kei cu nami mang gaw gui avan ah khan ah leigai ka law püi ciah kyak ci. Cun ung phi nangmi cu kei ah kä nami law ba ci.

AMOS 4:8

Tui ah gha ci gui, mang gaw akda ung chang gui cu, tui om khai ah ami ngaih nak ah mang gaw ah hteit ci gui. Cun ung phi awk ng’büh vai tui kä om ci. Cun güt ung nangmi kei ah kä nami law ba ci.

JOEL 2:25

Na shum nak gui cu ka ning pe ba khai ng’hlom ciah khanpeh gui naw na geit gui ami ei ah kum ung ka ah kyak ci. Shin ah gakap cu nang ning hnungtuk püi khai ah ka tüih law ah kyak ci nei.

JOEL 1:7

Ngami naw mi sapyit gui m’di ci gui mi thei ghing gui phi ei yawp ci gui. Ngami naw a hnawk gui m’neeit u sei, angban gui phi bawk yawp ci.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

JEREMIAH 3:10

Shing gui avan ah kawn ah Israel ah kä bekhüt ciah anau Jodah cu ng’she ne kei ah law ba ci, ani cu amlung kä theing ci, kei Bawipa naw ka pyen nei.”

ISAIAH 1:5

A i ah kyasei nangmi naw nami hnu ng’tuk püi lä ang? Nangmi naw m’kyuk nak nami ng’ya ba hlü mä ne ma? Israel gui, nami lu cu hmaleim bäng ah kyak ci, nami m’lung la ngaih cu gaw pai pyi ci nei.

2 SHONTÄP NAK 6:28

“Shin ah khaw ung khaw yaw ne baw, leigai kiung ne baw, khawkhi aa, käcung khanpeh naw baw geit gui m’di ne baw, käcung na chang gui cu ami ga gui naw tu gui ne baw, käcung ami ng’lung ah gaw nak nat nak gawk law khäta,

1 GHANGPUGHANG GUI 8:37

Kho ng’lei ung ei kho ayaw ung phi kia, leigai acun yah ung phi kia, geitkaw gui cu khawkhi ng’ling naw a plawh ung, Khanpeh naw a ei ung, käcung na chang gui cu ami ga gui naw atuk law gui ung, käcung ami ng’lung ah gawnak nat nak a om law ung,

THULÄÄN NAK 28:42

Nami sing ghing gui la nami geit gui avan cu m’kyiit yoop gui naw ei yawp khai gui.

ISAIAH 50:11

Chang m’zih ne m’di ci gui nami van, nami mät ah m’zih naw ning m’di ba gui khai nei. Bawipa amät naw shin gui cu kyak khai ah bik khai nei; nangmi cu shin ah ginvai nak awn nami yaica khai nei.

HABAKKUK 3:17

Thei gui kä a m’theih ba ung phi, Sapyit gui kä a ng’shun ba ung phi, Olive sing theih a kyawi yawp ung phi, lolai ung geit kä a thawh ba ung phi, htome gui avan a sih yawp ung phi, sei ng’vong gui a ghawng yawp ung phi.

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

HOSEA 11:5

“Ngami cu kei ah ami ng’hlah law ba vai ah mak ci gui. Cun ah kyasei ngami cu Egypt khaw ah ng’hlat ba khai gui. Assiria naw uk gui khai.

MALAKHI 3:11

Nami geitkaw gui cu m’kyiit awn kä ka m’di sak khai, nami sapyit ng’shun gui cu akda ah m’theih khai.