AMOS 4:8 - Cho Bible Common Language 2016

⁸ Tui ah gha ci gui, mang gaw akda ung chang gui cu, tui om khai ah ami ngaih nak ah mang gaw ah hteit ci gui. Cun ung phi awk ng’büh vai tui kä om ci. Cun güt ung nangmi kei ah kä nami law ba ci.

AMOS 4:8 Referans Kwoze

AMOS 4:6

“Kei cu nami mang gaw gui avan ah khan ah leigai ka law püi ciah kyak ci. Cun ung phi nangmi cu kei ah kä nami law ba ci.

HAKKAI 1:6

Nangmi cu akda geit u ne phi api hta nami khäm ci. Nami ei vai om sei phi kä nami phü ci, nami awk vai om sei phi kä nami ng’büh ci. Nami sui vai om sei phi oh khai ah kä nami sui ci. Bii bik ci naw ang cheng awn a hnun a m’ghin nak vai ah kä ng’büh ci.

1 GHANGPUGHANG GUI 18:5

Ahab naw Obadiah a pyen nak cu, “Ng’se lah la gui ami ghin nak vai ah khu ah lim nak mi hmuh vai ah khaw akyong ung tuinu tuihta phung cu hteit ne mi teng khai nei. Cung mi ng’sela api phi kä mi sih sak khai.”

MIKHAH 6:14

Nami ei ung phi kä nami phü khai, akcang ah nami cawi lä khai. Nami khawh nami m’kawn khai, cun ung phi kä nami phiawn püi khai. Nami phiawn püi ung phi ng’tuk nak ung kei naw ka m’di khai.

HOSEA 7:10

Israel chang gui ah chang ah ami ng’shei nak awn gami cu m’lau ne hnungtuk püi gui ci. Ngami ung shin gui nü kia law sei phi ngami cu ami Khanpughi Bawipa kei ah kä ng’hlat law ba ci gui.

JEREMIAH 23:14

Cun ung phi Jerusalem ah prophet gui cu sheka pi u sei ka hmu gui ci: ngami cu plet u ne ami hleei pyen ci gui; ngami naw chang gui phi cheishoh sak ci gui, cun ah kyasei a u chang naw phi akshe bi cu kä ng’düm ci gui. Kei ah phäh läi ah ngami ami van cu Sodom la Komorrah chang gui mäih ah shekak ci gui.

JEREMIAH 3:7

Ani naw shin gui avan abi kawn ah ani cu akang ah kei ah law ba khai nei. Cung ung phi ani kä ng’hlat law ba ci, ani ah kä bekhüt ciah abe Judah naw avan cu hmuk ci nei,

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

JEREMIAH 3:3

Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

HOSEA 11:5

“Ngami cu kei ah ami ng’hlah law ba vai ah mak ci gui. Cun ah kyasei ngami cu Egypt khaw ah ng’hlat ba khai gui. Assiria naw uk gui khai.

HAKKAI 2:17

Kei naw ng’liing ciah khokhi, kho k’aa awn nami geit phung m’di ne, ka ning m’di gui ci. Cun ung phi nangmi kä nami ng’yuu ba ci.