AMOS 4:7 - Cho Bible Common Language 2016

⁷ Nami geit naw khawtui ang yak hlü yah pi ung kei naw khaw aa ka m’hlat ci. Mang gaw tumat ah khan ah khaw ka aa sak ci, ahei ah khan ah kä ka aa sak ci. Lo tumat ah khan ah khaw yuk aa ci, ahei tumat cu chawng ne ket ci.

AMOS 4:7 Referans Kwoze

JEREMIAH 3:3

Cun ah kyak sei khaw aa ng’düm ne, khaw kä a aa ba ah kyak ci. Nang cu pawmya ciah mäih ah na kyak ci, nang ung lüng aa nak kä om ci.

PHYAWN NAK 9:26

Koshen khaw hmun, Israel gui ah om nak bäng ung gääi nu kä kya law tuk ci.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

JAMES 5:17

Elijah cu mikmi ah mäih ah chang ah hta ah kyak ci. Ani naw kho kä ah aa vai ah ak küikyang ah taigü khätah, khomdek khan ung kho kum thum la avang ung kho kä aa ci.

JOEL 2:23

Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

PHYAWN NAK 10:23

Egypt chang gui cu tumat la tumat kä ng’hmu tuba ci gui, Cun sang ung a u phi a im ungka kä lut lawk ci. Cun ung phi Israel gui ah om nak phung ung khaw cu dei ci.

PHYAWN NAK 9:4

Israel gui ah seime gui la Egypt gui ah seime gui ah ng’lak ung ng’lakmah khai ah kei naw ka bik khai. Israel gui ah seime phung cu kä si tuk khai.

THU PHLAAN 11:6

Khanpughi ah ng’thu ami pyein sangung khaw kä a aa vai ah khankho khai nak hning ah huham ngami ung om ci, tui cu si ah ami lat nak hning ah huham phi ngami ung om ci, ami ng’yak hlü ah khomdek khan ah khaw yaw tui shek khai ah ami bi nak hning ah huham phi ngami ung om ci.

JOHAN 4:35

Nangmi naw, chaa-phli a om ba ung, geit khäm khin gawk lawk khai nami cik ci, cun ung phi geit ko gui cu, khäm ge vai ah hmin pyi ci gui nei,

ZEKHARIAH 14:17

Pakhui tumat naw, Hlüngtai ciah Bawipa cu ghangpughang ah khawihnah vai ah amaa ah a kyak ung ngami ah khaw ung khaw kä aa khai.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

JEREMIAH 14:4

A i ah kyasei ci ung khaw kä aa ci, khomdek chawng yawp ci, lo mah gui ami m’lung nak ci; ngami ami hmai thup ci gui.

THULÄÄN NAK 11:17

Cun ah nami bi ung Bawipa naw ning m’lungshe na gui khai. Ani naw khaw k’pang ei ba sei, nami m’dek cu chawng ne geit kaw nak vai hu aih khai. Cun ung ani ah ning pek gui cu nik ciah khaw ah a kyak ung phi nangmi cu shin ung nami si ga khai.

PHYAWN NAK 8:22

Cun ung phi ka chang gui ah om nak Koshen khaw hmun cu kei naw ka m’htei khai, cun ah khaw ah pikying kä om tuk khai. Cun ah ka bi ung shin ah khaw ung Kei, Bawipa naw bii ka bik ciah nang naw na hmat khai.

1 KORIN 4:7

A u naw nangmi cu chang hei ah nami hang tai pi khai ah ning piang gui khai ang? Nangmi ung om ci phung avan cu Khanpughi ah ning peit tui ah kä kya na ang! Nami gah taang gui avan Khanpughi ah kä ning peit gui ah ngaih vai ah nami khähghah nak cu, a i hawkchaa ah ang?

PHYAWN NAK 10:22

Moses naw a kut cu khomik ah han shäng sei, Egypt khaw avan ung hnüüp thum ung khaw mü ne hmüp ci.

JEREMIAH 14:3

Bühmang chang gui naw ami changshäm gui cu tui than khai gui ah tüi gui ci gui; ngami cu tukan gui ah hteit ci gui, cun ung phi tui kä hmuk ci gui; ami tui um a ghawng ah ng’hlat law ba ci gui. Ami k’tha ken sei, ng’gogan u ne, ami hmai thup ci gui.