AMOS 4:4 - Cho Bible Common Language 2016

⁴ Uktu BAWIPA naw, “Israel chang gui, Bethela khaw theingciim ciah hmun ah hteit ne, shetkat nak bi vä! Kikal ah hteit ne shetkat nak bi pi k’hteh vä! Ma ne hteit ne khawihnah nak vai ah seime cu a ngawi tä sei law püi vä, a hnüüp thum päng ung nami bum gha bum ät cu law püi vä.

AMOS 4:4 Referans Kwoze

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

EZEKIEL 20:39

Uktu Bawipa naw pyen ci, “Tuhbäi, Israel gui nami van, nami mät! Hteit u ne nami a gup gui cu khawihnah vä! Cun ung phi kei naw ka ning k’bäi gui cu, cun kawn ah nangmi naw kei nami na ngaih vai, nami agup gui am m’cümhnah nak douthak ne, kei ah ming theing ah thang nami m’shet nak cu nami ng’düm vai.

MATTHE 23:32

Nami pughi pa gui naw tün ne ami bi ah katnak cu, ang pyii ung khüt khai ah nami bi vai nei.

AMOS 5:5

Beersheba khawihnah vai ah kä nami hteh vai, Bethela ung kei nami na hmuh vai ah kä nami tha nak vai, Bethela cu akholä ah kia lawk khai. Kikal ah kä nami hteh vai — ani ah chang gui cu omktu ah ng’yiin khai gui.”

HOSEA 12:11

Cun ung phi Kilead ung a gup khawihnah ci gui, Cun ah khawihnah ci gui cu sik khai gui. Kilead ung vantang gui awn khawihnah ne bik ci gui, A cun ung sonkyang gui cu khongpyäu ung lung pum ah kya lawk khai gui.”

HOSEA 9:15

Bawipa naw pyen ci, “Ngami naw akshe ami bi nak avan cu Kikal ung ng’tün ci, Acu ah tün ne kei naw ngami cu ka thüi na gui ci. Ngami naw shetkat nak ami bi ah phäh ah kyak ci. Kei naw ka khaw ungka naw ka k’täm gui khai, kei naw kä ka m’hni ba gui khai. Ami ng’vai gui ami van naw na hnungtuk püi ci gui.

MAKUH 14:41

Bawipa Jesuh cu ak thum vei nak ah taigü ne law ba netah, “Nangmi cu tuhgüt ip ne, ng’te ne, nami om ci ma? Bä khai nei, akhin gawk lawk ci nei, chang ah Htapa cu changshe gui ah kut ung ap lawk khai gui nei.

MAKUH 5:5

Ani cu ng’cim hmun gui ah ng’lung la khomhtung yung ah, amü ak hnüüp viik ne m’lau ne, amät ah sa amät naw lung awn shudeng ne om ci.

AMOS 3:14

“Israel chang gui ami katnak ah phäh ah ka m’kyuk gui hnüüp ung, Kei naw Bethela ah mang kyang cu ka m’di khai. Mang kyang ah akit gui päng cu ng’gäi ne m’dek ung ng’yän yawp khai.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

MATTHE 26:45

Cun kawn ah ang düihpüi gui ah om nak ah law ba netah, “Nangmi cu ip ne ng’düm ne nami om ci ma? Chang ah Htapa cu chang she gui ah kut ung ap vai ah akhin gawk lawk ci nei.

THULÄÄN NAK 26:12

“A kum thum nak päng ung bumgha gum ät nami pek vai, Nami geit a gha ungka aät, Levit gui, khuihei chang gui, hmei hta gui la hmei nu gui am nami pek gui vai. Cun ah kyasei chang bum päng ung am ei vai hlü cicu avan gah khai gui. Shin ah nami bi kawn ah,