AMOS 4:13 - Cho Bible Common Language 2016

¹³ Khanpughi cu khomhtung gui piang ne, khokhi tüisho ciah kyak ci. Ani naw a m’lung ngaih cu chang gui am hmat sak ci; ani naw khaw hnüüp cu mü ah ng’lat sak ci. Ani cu m’dek khan ahlüng nak pi ung hteit ci. Ani ah ming cu Bawipa, m’Gäi ciah Khanpughi ah kyak ci.

AMOS 4:13 Referans Kwoze

AMOS 5:8

Bawipa naw aisi gui pyang ci, müke la thaihke phi pyang ci. Ani naw mühmüp cu hnüüpdei ah ng’lat sak ci hnüüp cu mü ah ng’lat sak ci. Ani naw tuinu tui cu khä ne khomdek khan ah lon sak ci. Ani ah ming cu Bawipa nei.

MIKHAH 1:3

Bawipa cu a hmun theing ungka naw lawk ci nei; Ani cu law ne khomhtung lai gui ung hteit hton khai nei.

AMOS 9:6

Bawipa naw Khankho ah a im co ci, khomdek khan cu khomik awn küm ci. Ani naw tuinu tui gui cu khü ne, khomdek khan ah yuk chah ci. Ani ah ming cu Bawipa nei!

ISAIAH 47:4

Theingcim ciah Israel khanpughi naw na m’hlaut gui ci nei Ani ah ming cu m’gäi ciah Bawipa nei.

DANIEL 2:28

Cun ung phi ak thuuk pi m’dang hning ciah khankho Khanpughi om ci nei. Ani naw nang ghangpughang am ngawi ah a i ah kya lawk khai ci cu, ning hmuh sak pyi ci nei. Tubäi kei naw nang na ih yah ung na muimang nak ah ng’mang cu ka ning m’thein khai nei.

JEREMIAH 13:16

Ani naw khaw hmüp nak kä a law püi pha ung, Ngami m’htung khan ah ng’vawn ne kä nami ng’tän phaung ani naw hmüp khui nu ah kyak khai ah kä a m’hlah pha ung, Bawipa nami Khanpughi cu m’tam khah vä.

SAM 65:6

Nang naw na thagui awn khomhtung gui cu k’süm ne, na hlüngtai nak cu na dang sak ci.

THULÄÄN NAK 33:29

Israel gui, a i hlawk ah nami yei ci ang? Nang mi ah mäih ah Bawipa naw a hun ah pakhui a u kä om ci nei. Bawipa amät cu nami shawi la nami khim ah kyak ci. Acun naw ning shungvong gui ne, näng nak ning pe gui ci. Nami ga gui law u ne, nami chimgein gui vai ah ng’pa lawk khai gui. Nangmi naw nami kai na gui khai.

ZEKHARIAH 12:1

Shin cu Israel gui ah mawng Bawipa ah ng’thu ah kyak ci. Cun ah Bawipa cu khawmik küm ne, khomdek tüi sho ne, chang am ghin nak pek ciah kyak ci. Ani naw,

AMOS 8:9

Hnüüp lung ung khohni hang kyak khai, k’awi nu ung khomdek mü khai ah ka bi nak vai ah akhin cu gawk lawk ci nei. Kei Uktu Bawipa naw ng’thu ka pyen nei.

JEREMIAH 51:19

Jakob ah khanpughi cu ngami ah mäih ah kä kyak ci; ani cu apäng tüipiang ciah tumat ah kyak ci, ani naw Israel gui cu amät ah chang akcang ah ghü gui ci. M’gäi ciah Bawipa cu ani ah ming ah kyak ci.

JEREMIAH 10:16

Jakob ah Khanpughi cu cun gui ah mäih ah kä kyak ci; ani cu apäng tüipyang ciah tumat nei, ani naw Israel gui cu amät ah chang tu k’cang ah ghü gui ci, m’gäi ciah Bawipa cu ani ah ming nei.

ISAIAH 40:12

Tuinu a kut awn shum ne nüt ne, khomik a kut awn khap ne nüt hning ciah chang om ne ang? Khomdek ng’cü khap ung nän ne, khomhtung khogui khin nak awn khin hning ciah chang om ne ang?

THULÄÄN NAK 32:13

Ani naw khongyuung khaw-gui cu uk sak gui ci, Nami naw khaw ungka tho cicu ei ci gui. Ngami naw lungsheng ung khoishing hmuk ci gui, Ami oliv-sing naw lung la m’dek cu cüiche ci.

PHYAWN NAK 14:20

Egypt gui la Israel gui ah ng’lak ah ng’düm ci. Khaw ng’mei naw Egypt gui cu mü shi gui ci, cun ung phi Israel gui täng ah dei khang ci. Cun ah kyasei mü pum ung gakap gui cu tumat la tumat kä ng’et hlawt ci gui.

PHYAWN NAK 10:22

Moses naw a kut cu khomik ah han shäng sei, Egypt khaw avan ung hnüüp thum ung khaw mü ne hmüp ci.

JOHAN 3:8

Khokhi cu akhi nak hlü lam ah khi ci, kho akhi hmat ung phi a hawi täng ah tün ne, a hawi täng ah khi khai ah kä hmat hlawt ah mäih ah Mumcha Theing awn ng’tüi cicu kyak ci,” ci ne m’thein ci.

HABAKKUK 3:19

Uktu Bawipa naw thagui na pek ci. Kigang ah mäih ah ka khaw na yaang sak ci. Khomhtung gui ah khan ah k’pang ne nak phyawn ci.

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

AMOS 5:27

Kei naw omktu khaw, Damaskas ah hnun täng khaw ung ka ning hteh püi gui yah ung” cine m’gäi ciah Khanpughi ming nak ciah Bawipa naw pyen ci.

AMOS 3:13

Tuhbäi ngai ne Jakob ah hta ng’shon gui cu m’cäi gui ä,” cine uktu hlüngtai Bawipa naw pyen ci.

JEREMIAH 51:16

Ani ah ang thumkhän awn khomik ah khan ah tui gui m’hnawk ci; khomdek ah ak cawi ah ka khongmei gui ani naw law püi ci. Ani naw khok’aa ung lailüp pyang ci, cun kawn ah ak khei im kyong ah kaa khokhi cu tüi lawk ci.

JEREMIAH 10:13

Ani ah ang thukhän awn khankho ah akhan ung tui cu gai ne; ani naw khocawi ah ka khongmei gui cu law püi ci. Ani naw khaw k’aa ung khaw lailäp sak ne, akhei ung ka khokhi cu tüi lawk ci.

ISAIAH 48:2

Nangmi naw nami mät cu theing cim ciah mang gaw chang gui ah nami pyen ci, m’gäi ciah Bawipa ming nak ciah Israel khanpughi nami ngaih u ciah pyen ne nami khäh ghah ci.

ISAIAH 5:30

Cun ah hnüüp a gawk law ung, ngami cu Israel ah khan ah tuinu ah ng’güüt hlawk ah m’lau khai gui. Shinah khaw cu teng vä! Mü hmüp la geinvai nak ah kya ci! Akdei cu mü hmüp naw m’zaw ci nei.

SAM 147:18

Cun kawn ah thumkhän bi ne, tui m’kiang gui cu piawn sak ci; Ani naw kho cu khi sak sei, tui cu long thei ci.

SAM 139:2

Nang naw ka bi phung cu na hmat ci; Kei ah ka ngaih-tüh avan cu a shou nak ah om ne na hmat yawp ci.

SAM 135:7

Ani naw khomdek ah kem ah ka khomei gui ci kai law sak ci; kho phi lailäp ne ng’hmum kyeek sak ci, a im khei ungka khokhi phi luh law sak ci.

JOHAN 2:25

Ani naw ngami ah m’lung ngaih hmat gui yawp ci kya ne, ngami ah mawng cu a u naw am thein vai kä hlü ci.

MATTHE 9:4

Bawipa Jesuh naw, ngami ah ngaih cu hmat netah, “Nangmi a i ah kiasei cän ah akshe ah nami ngaih-tüh ang?

DANIEL 2:30

Tuhbäi cun ah akthuuk gui cu kei ung dang sak ci nei, Cun cu a hei gui ah ta kei, ka cüivai pi su ah kä kyak ci, nang ghangpughang naw na mang ah mawng na hmat nak vai la nang ung gawk lawk khai ah ngaih-tüh nak gui na hmuhmat nak vai ah kyak ci.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

JOB 9:7

Ani naw khohni cu kä a luh law vai la, aisi gui cu khomü ah kä mi khang vai ah m’khit näng ci.

ISAIAH 45:7

Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

JEREMIAH 46:18

Kei cu m’gäi ciah Bawipa, ghangpughang. Kei cu ghing ciah khanpughi. Tabor m’htung cu m’htung gui ah khan ah ang tai ah mäih, Karmela m’htung cu tuinu ah khan ah a hlüng ah mäih ah, tumat ah k’tha mah nak naw ning tuk gui khai.

HOSEA 12:6

Cun ah kyasei tuhbäi, Jakob ah htangshon gui, Nami Khanpughi ung ng’ap u ne, nami law ba vai nei. Bekhüt ne taga ne, nami Khanpughi ah hnün thawh cun “lung na ne ngäng vä.