AMOS 4:12 - Cho Bible Common Language 2016

¹² “Cun ah kyasei Israel chang gui, kei naw nangmi cu ka ning m’kyuk law gui khai, A i kyasei ci ung kei naw cun cu ka bi law ge khai, kei ah ka m’khoicha nak nami awt ge khai ah om vä!”

AMOS 4:12 Referans Kwoze

EZEKIEL 13:5

Ngami naw ng’äi ciah gaw pang gui kä teng khen ci gui, gaw pang gui phi kä co ba ci gui, cun ah kyasei Bawipa ah hnüüp ung ng’tuk nak a gawk law ung Israel cu kä shungvong hlawt khai gui.

ISAIAH 47:3

Chang gui naw nang cu k’plui ci sei ning hmuk khai gui; Zungkia ne lü ng’aa ci sei ning hmuk khai gui. Kei naw phu ka tuk khai, a u naw kä na ma na hlawt khai.

MATTHE 24:44

Chang ah Htapa cu nangmi naw kä nami ngaih yah ah akhin ung kyum lawk khai kyasei, nangmi cun phi angtäi yah ngaih nah ne nami om vai.

MATTHE 5:25

‘Chang naw yung ah a ning chaak ah a kyak ung, ani awn a täng ah lam ung nani ng’gui yah ung, ani awn akyä ah nani ng’gei ba vai ah na bi vai. Cun ah kä na bi ung ani naw yung bawi ah ning ap sei, yungbawi naw mä thawngbawi ah ning ap ba khätah, thawng ung ning chum khai gui.

HOSEA 13:8

Ahta maih ciah khawm ah mäih ah kya ne nang cu ning tu ne, ka ning phyit khai. Phongkawng ah mäih ah kya ne ka ning hmuh nak ung ning lo ne, acun ung sak kyung ah mäih ah kya ne akhui akpi ah ka ning k’teek khai.

EZEKIEL 22:30

Kei naw chang ka shui ci. K’pang gui ang gai ung co ba khai, k’paung gui ang thüng law ung acun ung ng’düi ne m’htei khai, kei ah ka m’lungshe nak naw khonglei amdi law ung shungvong hning khai, cun ung phi a u phi kä ka hmuh hning ci.

THU PHLAAN 3:3

Nami ng’thei tu la nami ng’yak tu gui cu shüm ba ne läk u ne, nami katnak ungka ng’yu ba vä. Kä na thawh law ah a kyak ung m’gui-ei ah mäih ah na om nak ah kei ka lawk khai nei, kei ka law nak vai ah a khin cu nang naw kä na hmat khai.

AMOS 2:14

Dawng ah gai ci gui phi kä phyawng khai gui, chang thamah gui phi ami ktha maih khai, gakap gui naw phi ami mät ah hnun gui kä hun hlawt khai gui.

ISAIAH 32:11

Nangmi cu, a yäi ah nami ghing om ci, ng’ä ai nak kä om ci; Cun ung phi tuh bäi, kyi ne ng’hlet vä! Nami sui sak gui sut u ne, pyonshe awn nami khei k’htün vä.

ISAIAH 64:2

Ngami cu mei ng’ling ah khan ung ng’kiah ciah tui ah mäih ah ng’hlet khai gui nei. Na ga gui ah ma ah law ne na huham cu m’than law sak ä, chang pakhui gui cu nama ah ng’hlet sak gui ä!

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.