AMOS 4:10 - Cho Bible Common Language 2016

¹⁰ “Kei naw leigai tumat cu Egypt gui ah khan ah ka chah ah mäih ah ka yuk chah ci. Kei naw nami chang nong gui ng’tuk nak ung ngawn gui ne, nami ng’se gui cu ka k’täm ci. Nami hmun ung sik ciah ak thu gui awn nami hna cu ka be sak ci. Cun güt ung nangmi kei ah kä nami law ba ci.

AMOS 4:10 Referans Kwoze

THULÄÄN NAK 28:60

Ani naw Egypt khaw ung nami bui awt ah mäih kyih aih vai ah natnak cu nami khan ah law püi ba mä khai. Cun cu nangmi naw kä nami näng khai.

JOEL 2:20

Kei naw asiip lam ah ka lawk ciah khanpeh gui cu ka gawt khai am shah cu khong gau khaw ah ka k’täm gui khai. Ma ciah a khawng gui cu tuisi tuinu ung ka täm gui khai, am shah akhawng gui cu Mediteranean tuinu ung lut khai gui. Sik ciah pumsa gui cu hniim khai gui. Nangmi ah khan ah ami bi avan ah phäh ah kei naw ka m’di gui khai.

2 GHANGPUGHANG GUI 13:7

Jehoahaz ung ng’se cum ci hmakip, yatha gha, khaw awn ng’tuk ciah gakap phia phia bäng om ba ci, cun kawn ungka gui cu Siria ghangpughang naw m’di gui ne m’vut ah khui ah a ci gui ah kyak ci.

TAIGÜTHUM 26:25

Mi thukhän nami m’shet ah phäh ah ning m’kyuk gui khai ah ng’tuk nak kei naw ka law püi khai, nangmi cu nami mang gaw kyong ah phyawng ne nami ng’bum ba ah a kyak ung, kei naw nami ng’lung ah kä m’htei hlawt vai ah natnak ka tüi lawk khai. Nami ga gui ah ma ah nami kut nami chah khai ah ning k’ceet gui khai gui.

THULÄÄN NAK 7:15

Bawipa naw nat nak avan ung ning shungvong gui khai. Egypt khaw ah nami bui awt ah mäih ah nui aih ciah nat nak cu nangmi ah khan ah kä law püi khai. Cun ung phi nami ga gui ami van ah khan ah law püi khai.

AMOS 8:3

Cun ah hnüüp ung mang im ah ng’äi gui cu, kyah l’lau nak ah kyak khai. A hmun päng ung chang si gui ng’yaih khai. Cun gui cu chang gui naw a düm ah ghawt gui khai gui.”

AMOS 4:6

“Kei cu nami mang gaw gui avan ah khan ah leigai ka law püi ciah kyak ci. Cun ung phi nangmi cu kei ah kä nami law ba ci.

JEREMIAH 18:21

Cun ung phi tuhbäi Bawipa ami hta nau gui cu ei ah cawi ne sih sak gui ä; ng’tuk nak ung ngawn sak gui ä. Hnumi gui ah ami cei gui la ami hta gui cu maih sak gui ä; pami gui cu natnak awn sih sak gui ä, chang nong gui cu ng’tuk nak ung ngaawn sak gui ä.

JEREMIAH 11:22

Cun ah kyasei m’gäi ciah Bawipa naw pyen ci, “kei naw ka m’kyuk gui khai nei. Ami hta nau gui cu ei ah cawi ne sik khai gui.

2 GHANGPUGHANG GUI 13:3

Cun ah kyasei Bawipa cu Israel gui ah khan ah m’lungshe neta, Siria ghangpughang Hazela la a hta Benhadad am Israel cu leng ba ba ne tuk sak ci.

THULÄÄN NAK 28:22

Bawipa naw nangmi cu ng’pek ciah natnak, ng’plin nak la gaw nak awn ning dep gui khai. Ani naw chawng ne ng’gau sak ciah khawkhi tüi law ne, Nami geit gui cu m’di khai. Cun ah leigai gui cu kä nami sih pha ah chuih nangmi ung om khai.

TAIGÜTHUM 26:16

kei naw ka ning m’kyuk gui khai. Kei naw nami khan ah leigai ka law püi khai. Kä m’htei hlawt vai ah katnak, gawpai nak gui; a cun gui naw nami mik m’dauh sak khai, nami ghin nak kholä sak khai. Nangmi naw m’shi nami geit khai, cun ung phi cun naw kä ning ni sak gui khai, a i ah kyasei ci ung nami ga gui naw ning näng gui u ne, nami geit phi ei yawp khai gui.

PHYAWN NAK 8:19

Cee gui naw ghangpughang am, “Shin cu Khanpughi ah bi nei!” cik ci gui. Cun ung phi ghangpughang cu ling ne, Bawipa ah pyen ah mäih ah Moses la Aaron cu kä ngai goi ci.

JEREMIAH 48:15

Moab la amang gaw gui cu m’di pyi ci gui nei; Ami chang nong kyom gui cu ngawn gui ci gui nei, kei, ghangpughang, m’gai ciah Bawipa naw ka pyen ci.

JEREMIAH 16:4

Ngami cu kyihkyawk vai ah gaw nak ung sik khai gui, ngami ah phäh ah a u kä thüisei khai, a u naw kä phuk gui khai. Ngami ah pumsa gui cu m’dek ung eek ng’pum ah mäih ah ng’zäu khai gui. Ngami cu ng’tuk nak ung ngawn gui khai gui, ei ah cawi ne sik khai gui, ngami ah pumsa gui cu kha gui ah ei, khisa gui ah ei ah kyak khai.

JEREMIAH 15:3

Kei, Bawipa naw ka k’bäi ci, kyih vai ah mawng phli cu ngami ah khan ah kya lawk khai: ngami cu ng’tuk nak ung ngawn gui khai gui; ami pumsa gui cu ui gui naw ng’gut gui khai gui, kha gui naw ei khai gui, k’pawih ba ci gui cu khisa gui naw k’tüi ne ei khai gui.

JEREMIAH 9:22

Aksi pumsa gui cu ng’zaih shüi shüi ci gui nei, cun gui cu lai ung eek ng’pum ah mäih ah ng’püm ne, aat ne ami zaih, a u naw kä a kaw ah htang gong ah mäih ah kyak ci gui nei, Shin cu Bawipa naw ka pyen vai ah ana m’thein ah kyak ci.”

JEREMIAH 6:11

Nang ah m’lungshe nak naw hnungtuk püi gui ne kei phi na ui ci nei. Bawipa, kei naw cun cu kä ka kawt ba hning ci nei.” Cun kawn ah Bawipa naw kei na pyen nak ci, “Kei ah ka m’lungshe nak cä lam gui ung om ciah a hmaw gui la ng’bum ciah chang nong gui ah khan ah yuk huk ä. Ami cei gui la ami chu gui phi la yawp khai gui, a ghipa aih gui phi kä k’pawih nak khai gui.

ISAIAH 9:13

Israel chang gui cu kä ng’yu ba ci gui; m’gäi ciah Bawipa naw m’kyuk gui sei phi ngami cu ani ah kä law ba ci gui.

2 GHANGPUGHANG GUI 10:32

Cun sangung tün ne Bawipa naw Israel khopäng cu ng’kiip sak ci. Siria ghangpughang Hazela naw Israel khopäng, Jordan tui ak kyang täng

2 GHANGPUGHANG GUI 8:12

Elisha naw, “Saya aw, a i ah kyasei na kyah nei?” cik ci. Elisha naw, “Nang naw Israel chang gui hnungtuk püi ne kyih aih vai ah na bi law vai gui cu ka hmat ah phäh ah kyak ci nei” cik ci. Nang naw ami gaw pang gui cu m’khih ne, ami chang nong kyom pi gui cu ngawn ne, ami hmawhta gui cu m’dek teuh na ne ngawn gui ne, m’gäi ciah hnumi gui cu na yawih sak gui khai” cik ci.

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

PHYAWN NAK 14:4

Kei naw ani ka ling sak khai, ghangpughang la a gakap gui ah khan ah ka näng nak naw na m’taam khai. Cun ung Egypt chang gui naw kei cu Bawipa ah na hmat khai gui” ci sei, a pyen nak gui ah mäih ah Israel gui naw bik ci gui.

PHYAWN NAK 10:27

Bawipa naw ghangpughang cu ling sak sei, ani naw kä hteh sak gui ci.

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

PHYAWN NAK 9:17

Cun ung phi nang naw yawshe na gui ne ka chang gui ami hteh vai cu na maa na gui ci.

PHYAWN NAK 9:12

Cun ung phi ghangpughang cu Bawipa naw ling sak khäta, Bawipa ah pyen ah mäih ah ghangpughang naw Moses la Aaron cu kä ngai goi ci.

THULÄÄN NAK 28:21

Nangmi naw nami khäm law vai ah khaw ung nangmi a u kä ak pawih ba güt gaw nak natnak tumat kawn ah tumat tüi lawk khai.

ISAIAH 9:17

Cun ah kyasei Bawipa naw ak hmaw chang a u phi kä luat sak khai, a u hmeinu hmeihta ah khan ah phi m’gein nak kä m’dang khai, a I ah kyasei ci ung chang avan cu khanpughi kaa ah kya ne cheishoh u ne ami ng’thu phung cu akshe ah kyak ci. Cun ah kyasei Bawipa ah m’lungshe nak cu kä ng’pyi khai, ngami m’kyuk nak gui vaiah a kut cu ani naw shäng lä khai.

ISAIAH 34:3

Ngami ah gook gui cu a u naw kä phuh gui khai, awn ung ng’zäu ne thu ne ng’eng khai gui, khomhtung gui cu si bäng ah sen khai gui.

ISAIAH 50:11

Chang m’zih ne m’di ci gui nami van, nami mät ah m’zih naw ning m’di ba gui khai nei. Bawipa amät naw shin gui cu kyak khai ah bik khai nei; nangmi cu shin ah ginvai nak awn nami yaica khai nei.

JEREMIAH 49:26

Cun ah hnüüp ung ani ah chang nong gui cu mang gaw lam gui ung ngawn gui khai gui, ani ah gakap gui ami van m’di gui khai gui.

ISAIAH 9:12

Akyang täng ung Siria, akhei täng ung Philistia gui naw Israel cu läm ge vai ah ami shai m’an ci gui. Cun ung phi Bawipa ah m’lungshe nak cu kä ng’pyi phak ci; ani naw ngami m’kyuk gui vai ah a kut cu shäng lä ci.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

HOSEA 11:5

“Ngami cu kei ah ami ng’hlah law ba vai ah mak ci gui. Cun ah kyasei ngami cu Egypt khaw ah ng’hlat ba khai gui. Assiria naw uk gui khai.

HAKKAI 2:17

Kei naw ng’liing ciah khokhi, kho k’aa awn nami geit phung m’di ne, ka ning m’di gui ci. Cun ung phi nangmi kä nami ng’yuu ba ci.