AMOS 4:1 - Cho Bible Common Language 2016

¹ Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

AMOS 4:1 Referans Kwoze

SAM 22:12

Gaa akda naw sei gui ah mäih ah kya ne na koi ci gui; ngami ami van naw Bashan sei nget ah mäih ah kya ne na k’fi ci gui.

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

EZEKIEL 39:18

Ngami naw gakap gui ah ami pumsa gui cu ei u ne, khomdek khan ung uktu gui ah si cu awk khai gui. Cun gui ami van cu htomehta, htome hla, me, plan ciah vantang gui ah mäih ah ami ngawn gui ah kyak khai.

THUSHÄUTU 4:1

Cun kawn ah khomdek khan ung om ciah kä taga nak gui avan cu kei naw ka teng ba mä ci. Ami shedam nak gui cu thüi kyap ci gui, ngami m’htei tu gui khai a u kä om ci. Ngami m’htei gui khai a u kä om ci, a i ah kyasei ci ung, ngami shedam na gui ci gui ung huham om ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JOEL 3:3

Ngami naw htung ng’yuk u ne, a u ami pha ah k’bäi ci gui. Ngami naw hnumi hta, pami hta gui cu, khleihtein vai ah m’guk plet nak la yu ah yoi ci gui.

EZEKIEL 22:29

Mang ci gui naw hleei hlak nak la guttep nak bik ci gui. Ngami naw duhkhaih ci gui cu akshe ah om püi u ne, khohei chang gui cu lei ei ci gui.

EZEKIEL 22:27

Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

EZEKIEL 22:7

Mang gui ung a u naw phi a nupa kä m’tamkhah ci. Nangmi naw khohei chang gui m’hleei gui ne hmeinu hmeihta gui nami shedam

JEREMIAH 51:34

Babilonia ghangpughang naw Jerusalem cu tu pit ne ei ci. Ani naw mang im cu hlüng ah mäih ah ghawng sak ne; k’phyu ng’ghaw ah mäih ah m’zawih ci. Ani naw ang zak hlü gui cu la neta, k’pawih ci gui cu ghawt ci.

JEREMIAH 50:27

Ami gakap gui avan ngawn vä! ngawn gui yawp vä! Babilonia Chang gui cu ng’ziin pyi ci gui nei!

JEREMIAH 7:6

Chang hei gui, hmei hta gui, hmei ne gui ah khan ah kä nami ei hlü mang k’phya vai. A hei khanpughi gui khawihnah nak cu nami m’düm vai, a i ah kyasei ci ung acun naw nung m’di gui khai.

JEREMIAH 6:6

M’gäi ciah Bawipa naw ghangpughang gui am Jerusalem ge nak vai ah singdung gui chuk tawn sak gui ne m’dek m’htung gui phluu sak gui ci. Ani aw pyen ci, “Hnungtuk püi nak da aih sei Kei naw shin ah mang gaw cu ka m’di khai.”

ISAIAH 58:6

“Kei naw ka ng’yak hlü ah ei hlawi cu shin ah kyak ci: khih pawn nak gui nami hen vai, kä taga ciah puih gih nami nawt hen vai, nami yawshe nak gui nami luat sak vai.

ISAIAH 5:8

Nami khaw mü ci nei! Nangmi naw nami mät ung om pyi ci nami m’khah nak vai ah im gui la lo gui nami hleih ci kä shou pha sei chang a hei gui ami om nak tu vai kä om law ba khai, nangmi nami mät bäng shin ah khaw ung nami om lank khai.

THUSHÄUTU 5:8

Acoyah naw dukhaih ci shedam ah ne, taga nak la ami chaw cu ma na gui sei, nami hmuh ung kä nami cäicat vai. Bawi päng cu amät ah khan ung om ci naw shung vong ci, a cun goi cun phi ani khan ung om ciah bawi naw shungvong ba goi ci.

SAM 140:12

Bawipa, geinvai ci gui ah mawng shung ne, dukhaih ci gui ah lam na m’htei cu ka hmat ci nei.

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

JOB 20:19

A i ah kyasei ci ung ani naw dukhaih ci gui shedam na ne chang ah im cawh phi gut ci.

1 GHANGPUGHANG GUI 16:24

cun kawn ah ani naw Shemer ming nak ciah chang ah Samaria khogui cu ngui phia chuk kip awn hleih ci. Omri naw khogui cu vongpang ne, gawnu sa ne, aming cu Samaria ah sui ci, Shemer cu cun ah khawmah ah kya man te ci.

THULÄÄN NAK 28:33

Nang naw tha na ne bi ne na geit kaw cu a khaw hei pakhui naw avan lak khai. Cun yah ung nang naw a i kä na gah tuk khai. Angtäi sei shedam nak la akaa ah om püi nak na gah khai.

JEREMIAH 50:11

Bawipa naw pyen ci, “Babilonia chang gui, kei ah ka pakhui cu nami na gut ci nei. Nangmi cu htang leh ciah seipat ah mäih, hi ciah ng’se ah mäih ah nami yeikyai ci,

THULÄÄN NAK 24:14

Dukhaih ne gein vai ciah ng’vah changshäm cu kä nami she nak vai, nami Israel chang paw ah a kyak ung phi, nami gawnu tumat mat ung om tuk ciah khaw hei chang ah a kyak ung phi.

EZEKIEL 18:12

Ani naw dukhaih ci gui m’hleei gui ci, guttep cik, ami kyän ah khawh phi kaa nak ci. Ani cu khogam khawih kiang ah hteit ci, shemshai ciah a gup gui khawihnah ci,

AMOS 6:6

Nang cu sapyit tui k’am ung be ci aw ne, tui ng’ui akni pi na mang ci, cun ung phi Israel ah dishum ah phäh ah kä na thüisei ci.

KHEI NAK 21:33

Cun kawn ah Israel gui cu ng’hlat ba u ne, Bashan lam ung ng’hlat ci gui. Bashan Ghangpughang Og naw a gakap m’tho ne Israel gui tu gui khai ah Edrei ung gawk lawk ci.

JOB 24:4

Du khaih ci gui naw ami gah tu vaisü phi m’chei pek ci gui, pramtham ci gui phi dawng sak ne ng’thuh sak ci gui.

NG'THU K'THUUK~ 22:7

Dukhaih ci gui cu bühmang ciah changshäm ah kyak ci gui, ngui na pu ung nang cu ngui ng’pu ciah changshäm ah na kyak ci.

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

ISAIAH 56:12

Shin ah awktat ci gui naw, “Sapyit tui cu la ne, aknui ah mi awk khai nei? Ngawi ng cu thungawi ah ta bä tuba khai nei” cik ci gui!

EZEKIEL 34:16

Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.

AMOS 3:1

Israel chang gui, shin ah ng’thu cui ngai vä, nangmi ah mawng Bawipa ah thu pyen nei. Khih pawn nak ungka k’phian ah pakhui, Egypt khaw ah kaa a ning law püi ba gui ah kyak ci nei.

AMOS 3:3

Chang hnih cu kä ani ng’ge ung atäng ah ng’gui ne hteit man ni ne ang?