AMOS 3:9 - Cho Bible Common Language 2016

⁹ Egypt la Ashdod mang im gui ung om ci gui ah ma ah ng’thu nami shäu vai cu, “Samaria koi ciah khawgui gui ung ng’bum vä, a cun ah dämduh ciah ng’gogan nak la cheishoh nak ami bi gui cu teng vä.”

AMOS 3:9 Referans Kwoze

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.

AMOS 1:8

Kei naw Ashdod la Ashkelon mang gaw uktu gui cu ka m’hnawn gui khai. Kei naw Akron mang gaw cu ka m’kyuk khai, ami k’pawih nak gui ah Philistin gui ami van sik khai gui.”

AMOS 8:6

Kä nik ciah htang cu aküi ah kami yoi hning khai. Aphu kä thung hlawt ciah chang pyaam cu keimi naw kami hmuk khai, ani cu a phahnak phi kä thung hlawt ci, cun cu mikmi naw changshäm vai ah mik khleih khai” nami cik ci.

JEREMIAH 50:2

“Chang pakhui gui am ng’thu m’thein vä! Hmat sak gui vä! m’hnüt nak cu pe ne, ng’thu cu ng’shäu vä! Adüm ah kä nami gim vai nei! Babilon cu ng’kia pyi ci nei! A khanpughi Marduk cu ng’pyäuh pyi ci nei! Babilon ah agup gui cu thüi ng’aa ci gui nei, ani ah shemshai ciah agup gui cu deng pyi ci nei!

JEREMIAH 31:5

Nangmi naw Samaria m’htung ah Sapyit nami geit ba khai, cun ah sapyit ah m’theih pai cu geit ci gui naw ei khai gui.

1 SAMUEL 5:1

Philistin gui naw Thukhän M’küm ami guh gui kawn ah, ngami naw Ebenezer ah ka ami mang gaw Ashdod ah hteh püi ci gui,

EZEKIEL 37:22

Kei naw ngami cu Israel khomhtung khan ah, khaw kyong ung pakhui tumat ah ka kawng ät sak gui khai nei. Ngami ami van uk gui khai ah ghangpughang tumat om khai, ngami cu pakhui hnih ah kä ng’pai ba khai gui, uknak khaw hnih kä law ba khai.

EZEKIEL 36:8

Cun ung phi Israel khomhtung gui ah khan ah, ka chang gui Israel gui, nangmi ah phäh ah sing ghing gui cu a hnah lim ne m’theih khai gui nei. Nangmi nami im ah nami law ba ge khai nei.

JEREMIAH 46:14

“Shin cu Egypt gawnu gui, mikdola, Memphis, la Tahpanhes ung ng’shäu vä: “Nami mät naw nami shung vong ge khai ah om vä; Nangmi ung om ci avan ng’tuk nak ung di khai nei!

2 SAMUEL 1:20

Shin ah mawng cu Kath khaw ung la, Ashkelon lam gui ung Kä nami shäu vai. Philistin hnumi gui yei khai ah kä nami bi vai; Khaw ng’yo ah hta hnumi gui kä nami yei sak gui vai.

AMOS 5:11

Nangmi naw dukhaih ci gui nami yawshe na gui ci, ami geit phi nami guh pe gui ci. Cun ah kyasei nangmi cu lung awn nami cawh ah im akni ung kä nami om khai. Nami geit ah sapyit akni ungka a tui phi kä nami awk khai.

NG'THU K'THUUK~ 1:13

Mikmi naw khawhcham avan mi hmuk khai, mi gut tep ah khawh awn mi im mi be sak khai.

NG'THU K'THUUK~ 11:16

Bä ciah hnumi cu chang m’sui nak om ci, Nikiom nak kä om ciah hnumi cu thui ng’aa nak om ci. Dam ciah chang naw ngui kä gah ci, Cun ung phi ng’khän ciah chang cu bühmang ci.

THUSHÄUTU 4:1

Cun kawn ah khomdek khan ung om ciah kä taga nak gui avan cu kei naw ka teng ba mä ci. Ami shedam nak gui cu thüi kyap ci gui, ngami m’htei tu gui khai a u kä om ci. Ngami m’htei gui khai a u kä om ci, a i ah kyasei ci ung, ngami shedam na gui ci gui ung huham om ci.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

AMOS 6:3

Nangmi naw leigai a gawk law nak ah hnüüp cu nami maa nak ci, cun ung phi nami bi bäng naw cun ah hnüüp cu law püi ge ci nei.

MIKHAH 6:10

Changshe gui ah im kyong ah ami khawh cu kä akni ah ami gah ah kyak ci. Ngami naw kä hman ciah nütnak cu mang ci gui, cun cu kei naw ka m’thüi nak ci.