AMOS 3:7 - Cho Bible Common Language 2016

⁷ Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

AMOS 3:7 Referans Kwoze

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

ATÜNNAK 18:17

Bawipa amät naw, “Kei naw ka bi law vai cu, Abraham am ka m’yih ung kä bä khai,

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

ATÜNNAK 6:13

Khanpughi naw Noah am, “Hniciim chang ah ng’pyi nak vai cu ka k’bäi pyi ci nei. Khomdek khan cu cheishoh nak awn be ci kyasei, ka m’dii khai nei.

THU PHLAAN 4:1

Cun kawn ah ka mang ung Khanmawpi ah m’kawt ng’hmawng sei ka hmuk ci.

JEREMIAH 23:22

Ngami naw ng’zih ciah kei ah ngaih-tüh ami hmat ah a kyak vaisü ung, ka chang gui ah ma ah ka thu cu ng’shäu hning khai gui, akshe ah ami ghin nak la akshe ami bi gui cu nawng hning khai sü gui te ah kyak ci.

THU PHLAAN 1:19

Tuhbäi kaa gui la ngawi ah gawk lawk khai gui na hmuh phung avan cu, na guk vai nei.

DANIEL 11:2

“Tuhbäi kei naw ka ning m’thein law vai cu akcang ah kyak ci nei.” Khanchang naw pyen ci, “Persia cu ghangpughang thum naw uk ba khai gui, cun kawn ah ak phli nak naw uk khai. Ani cu ahei gui ami van ah bämang pi khai. Ani cu huham mah pikbäih, bühmang pikbäih ne a kyak law ung Kreece uktu khaw cu ghüh law tuk khai.

2 GHANGPUGHANG GUI 22:13

Shin ah ca uk ah am theithang ah mawng cu kei la Judah chang avan ah hmawk ah Bawipa hteit ne ng’shi thäh vä. Bawipa cu mikmi ah khan ah m’lungshe ci nei, a i ah kyasei ci ung shin ah ca uk naw bi vai a pyen gui cu mi pupa gui naw kä ami bi ah phäh ah kyak ci.”

2 GHANGPUGHANG GUI 6:12

Tumat naw pyen ne, “Ka bawi aw, a u kä kya tuk ci nei” cik ci. Prophet Elisha naw na mät ah kyong ah na pyen gui phi Israel ghangpughang am m’thein ci nei” cik ci.

2 GHANGPUGHANG GUI 22:20

Jerusalem ah khan ah kei naw ka law püi vai ah m’kyuk nak cu nang na sih kawn ah kyak khai. Kei naw nang cu dimdeeih nak awn ka ning sih sak khai.” Chang gui naw shin ah ng’thu law püi ne ghangpughang Josiah ah law ba ci gui.

THU PHLAAN 10:7

akchih nak ah khankho chang naw pyungheng a tum law ung, Khanpughi naw ak chang, purofet gui amcäi gui ah mäih ah, thuuk ciah apawng püi gui cu pyi phleh sak gui khai nei,” ci ne pyein ci.

EZEKIEL 29:21

“Cun gui a kyak law ung, kei naw Israel gui cu thaghat sak gui ne, chang nü naw aning yak nak hning vai ung, nang Ezekiela cu ka ning thu sak khai nei, cun ah kyasei nangmi naw kei cu Bawipa ah ka kyak ciah nami na hmat khai nei.

DANIEL 2:47

Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”

1 SAMUEL 9:15

Tuhbäi acu hnüüp ung Bawipa naw Samuel

ISAIAH 18:4

Bawipa naw nap yen nak ci, “Geit khäm khin ung awh ciah mü ung khüi a bawk ah mäih ah, kholing aiah khohnüüp ung, cine m’leng ciah khohni a sau ah mäih ah kei naw khankhaw ung ka naw adüm ah ka yuk teng lawk khai nei.