AMOS 3:6 - Cho Bible Common Language 2016

⁶ Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

AMOS 3:6 Referans Kwoze

ISAIAH 45:7

Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

ZEPHANIAH 1:16

ng’tuk nak phyungheng tum k’aw be ne, gakap gui naw mang küi ami tuk nak la tänghän hlüng ami plawh nak ah k’aw gui ng’shan khai.

2 KORIN 5:11

Keimi cu Khanpughi kami kyih aa ci kya ne, chang gui cu kami m’cäi m’ä gui ci. Khanpughi naw mikmi cu na hmat gui yüm ci; nangmi naw kei ah mawng cu nami m’lung kyong ah, nami hmat yüm khai ah ka ngai ci.

ATÜNNAK 50:20

Nangmi naw kei cu akshe ah nami na kyak nak ci, cun ung phi cun cu Khanpughi naw akni ah m’hlat ci nei, Tuh ngawi om ciah chang akda ah ghin nak vai ah bi pyi ci nei.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

JEREMIAH 4:5

Kho avan ung phyungheng tum vä! Ng’htei khai ah phyungheng tum vä! Judah la Jerusalem chang gui cu m’thein gui vä, khäng htek ciah mang gaw gui ah ami dawng vai nei.

LAMKTU 4:28

Cun ah ami bum cu na hlüng tai nak lah nang yak nak hlü awn nak bäi pyi gui a khüm be nak vai ah kyak ci nei.

EZEKIEL 33:3

Ani naw ga gui ng’et law u sei a hmuh ah a kyak ung, ani naw k’phyung tum ne chang nü cu m’tholet ci.

JEREMIAH 10:7

A u naw kä ning m’tamkhah ne om hlawt khai aw, pakhui avan ah ghangpughang aw? Nang cu m’tamkhah vai ah na khinkha ci nei. Chang pakhui gui, cüivai ci gui avan ung phi kia, ami ghangpughang gui ung phi kia, nang ah mäih tumat phi kä om ci nei.

HOSEA 5:8

Kibeah ung ng’tuk nak phyungheng tum vä, Ramah ung thüngkyüng nak khiing tum vä! Bethaven ung ng’tuk nak m’tho ne ng’hawh vä. Benjamin chang gui ng’tuk nak ah hteit vä.

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

JEREMIAH 4:19

Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

AMOS 3:5

M’hling kä cuun ung kha cu awk man ne ang? A i kä phaa pha ung ng’cuunkhih cu mi look man ne ang?

ZEKHARIAH 8:10

Kä cun pha ung m’khüt hning ci a u kä om ci, chang phi kä om ci, sei saya phi kä om ci. A u phi ami ga gui ah kut ung phyawn sak gui ci kä om ci. Chang gui tumat la tumat ka ng’hnungtuk sak gui ci.

2 GHANGPUGHANG GUI 6:33

Ani cun ah ang thu vai am, ghangpughang gawk law neta, “Shin ah yaica nak mikmi ah khan ah gawk law sak cicu Bawipa ah kyak ci nei! Ani naw a i baw a bi law vai cu a i ah kyasei kei naw ka ngäng lä vai ang?” cik ci.