AMOS 3:12 - Cho Bible Common Language 2016

¹² Bawipa naw, “Htoshäm naw phongkawng ah shai ungka, htome ah a khaw hnih, käcung a hnga vang, a guh ba ah mäih ah Samaria ah om ciah chang apihta pawih khai gui, ngami cu tuhbäi ih phak aknep ung om ci gui.

AMOS 3:12 Referans Kwoze

ISAIAH 31:4

Bawipa naw a na pyen nak cu, “htoshäm gui naw a i ah ng’hawh ne ami m’lau ung phi, sa lou ne ei ciah phongkawng cu kä k’täm hlawt ci gui, a cunah mäih ah migäi ciah kei Bawipa cu zim khomhtung ka shung vong nak ung ka a u naw kä nak pang m’khüt khai.

2 GHANGPUGHANG GUI 16:9

Tiklath Pileser naw Ahaz ah khü cu k’cang na ne, a gakap gui awn law ne, Damaskas cu tu ne khäm ne, Ghangpughang Rezin cu ngawn ne, chang gui cu Kir ah hteh püi gui ne thawng chum gui ci.

1 GHANGPUGHANG GUI 22:25

Mikaiah naw, “Nang cu a hnu täng a khan kyong ah na ng’thup khai ah na hteh law ung na hmuk khai nei” cik ci.

1 GHANGPUGHANG GUI 20:34

Benhadad naw pyen nak ci, “Napa ah kaate, kapa naw a lak ah gawnu gui cu ka ning pe ba khai, kapa naw Samaria ung abi ah mäih ah nang naw Damaskas ung sumlei nak cu na bi vai nei!” cik ci. Ahab naw, “Cun ah a kyak ung nang cu ka ning k’phyawn khai” cik ci. Cun kawn ah ani awn ng’khawtsheng nak bi ni neta tüi ba ci.

1 GHANGPUGHANG GUI 20:30

K’pawih ba ci gui cu Aphek mang gaw kyong ah lut ne im tumat ah a hnu täng a khan kyong ung ng’yii ci.

AMOS 6:4

Ih phak ak hnip ung ng’yän ne, sei hta la htome hta ah sa ei ne na om cu, a i hlawk ah kyih vai ah kyak ci ang?

ISAIAH 8:4

Ak hmaw cu “Nunu papa ah kä ang khü pha ung, Damaskas ung khawh gui avan la Samaria ung ami guh-gui avan cu Assiria ghangpughang naw hteh pui yawp khai nei” cikci. Assiria Ghangpughang lawk ci.”

ESTA 1:6

Duum ah akyong ah ngui lawi awn ak hnga ami pyan ah toulung k’tung gui ung, yidung amkim la a bawk gui cu, linen pyai akni awn khawng ne tai ne cüiche ci gui. Ghui la ngui awn ami pyan ah ngoh ng’yän nak vai gui phi, cun ah duum ung tha ci gui. Cun ung toulung, lungsen vai, kikong lung la lung m’kim gui cu phah ci gui.

ESTA 7:8

Ani cu Esther ah yihphak ung ng’yän ne ng’tat ne, Esther ung ng’pa khai ah a kyak yah ung, ghangpughang cu duum ah kaa kyong ah lut law ba ci. Cun cu hmu law neta ghangpughang naw m’lau ne, “Shin ung, ka mät ah mang im ung, ka ma ge ah, shin ah chang naw ghangpughangnu cu akshe ah om püi hlü ne ang?” cik ci. Ghangpughang naw acun a ci vai am hnumi uk gui naw Haman ah hmai cu shung ci gui.

SAM 132:3

“Kei cu im ah kä ka htei ba khai, ih phak ung kä ka ng’zän khai,

AMOS 9:8

Kei, Uktu Bawipa naw, shin ah cheishoh ciah Israel Uktu khaw cu ka ngäng cinei. M’dek ah khan ung kei naw ka maih sak khai nei. Cun ung phi Jakob ah hta ng’shon avan cu kä ka m’di gui khai nei.

ISAIAH 17:7

Cun ah hnüüp a gar klaw ung chang gui cu tüisho gui ci naw am htei gui vai ah ng’hlat law ba khai gui. Israel gui ah theingcim ciah khanpughi.