AMOS 3:11 - Cho Bible Common Language 2016

¹¹ Cun ah kyasei ga naw ami khaw cu koi khai, ami gaw shungvong nak cu m’di khai, ami im nu gui ungka cu guttep gui yawp khai gui.”

AMOS 3:11 Referans Kwoze

AMOS 6:14

M’gäi ciah Bawipa Khanpughi cu amät ng’htau ne, “Israel chang gui, kei naw nami khonglei tuk khai ah akhohei gakap gui cu ka tüi lawk khai. A cun naw asiip täng Hamath lam ung, ahtum täng Arabath tui ung khüt sei, ning khüt sei ning yawshe na gui khai.”

AMOS 2:5

Cun ah kyasei kei naw Judah ah khan ah mei ka yuk chah khai, Jerusalem ah mang paang cu ka m’khih khai.”

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

AMOS 3:15

Kei naw cingkhaw im gui la chakhaw im gui cu ka m’di khai. M’vui ha awn ami pyan ah im gui cu she ne di khai, im am kawm gui phung cu m’di yawp vai.”

AMOS 3:10

Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.

2 SHONTÄP NAK 36:19

Ani naw Taigüim, mang gaw la mang im gui avan, khawhcham gui avan mei awn m’khih ne mang pang phi phyek ci.

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

2 GHANGPUGHANG GUI 15:19

Tiklath Pileser, Assiria uktu naw Israel cu tu lawk ci, Menahem naw ani ah k’püi nak a gah vai la Menahem ah huham naw khaw avan a uk vai ah ngui phia thumkip lei phli kilogram cu pek ci.

ATÜNNAK 34:27

Cun kawn ah Jakob ah hta gui cu ami bee ami m’thüi ah phäh ah phu tuk khai gui ah law ba mä ci gui.

JOB 20:21

Ani cu a ei aw kung a i kä pawih nak ci, cun ah kya ne tuhbäi ani ah khawh cu ng’pyi lawk ci.