AMOS 3:10 - Cho Bible Common Language 2016

¹⁰ Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.

AMOS 3:10 Referans Kwoze

ZEPHANIAH 1:9

Khawshe khawihnah ci gui, m’gu ne, ngawn ne ami bawi ah im khawh be sak ci gui phi ka m’shet gui khai.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

SAM 14:4

Bawipa naw, ng’shi gui ne, akshe bik ci gui ami van cu ang laam u ne ang? A i kä hmat uu ne ang?” Ngami cu ka chang gui gut tep ne om ci gui, Kei ah kä taigü phung ci gui.

2 PETER 3:5

Khanpughi naw khan mawpi la khomdek cu ang thu küi awn atüi pian la khomdek cu tui ungka tui awn apian ah mawng,

AMOS 6:12

Ng’se cu lungpou ah khan ah dawng man ne ang? Chang naw tuinu ah khui ah seipat awn lai thawn man ne ang? Cun ung phi nangmi naw taga nak cu m’äm tui ah nami lat ci, gei cicu nami chei sak ci.

AMOS 5:7

Nangmi cu nami ng’yiin ci, taga nak cu nami k’phiui ci, chang gui ah ami chaw cu nami m’hleei ci.

JEREMIAH 5:4

Kei naw ka ngai ci, “Shin gui cu dukhaih ci la a i kä hmat ciah kyak ci gui. Ngami cu akgu k’ang ah om ci gui; Ami Khanpughi naw a i athäh, ami Bawipa naw a i ami bi vai angyak hlü cu ngami naw kä hmat ci gui.

EZEKIEL 8:17

Bawipa naw nap yen nak ci, “Hnicim Chang, cän cu nah mu ne ang? Judah Chang gui cu shin ung nang naw na hmuh ah mäih ah shemshai ci gui avan ami awn kä ng’büh u ne, khopäng avan ung kiawi m’saa nak cu püi sak ci gui nei. Cun bäng ah kä kyak ciah ngami cu Taigüim mät ung law u ne, shin gui bi u ne, kei cu na m’lungshe sak pi ci gui nei. Ngami naw akshe pi ah bilo ne kei ami na khedam nak cu teng ä!

EZEKIEL 18:7

Ani cu kä thuvi khai, Chang ah kaa kä gut tep khai. Ani naw ami kyän law phi pe ba gui ci; cawi ci am ei m’bei ci, k’plui ciam sui m’sui ci.

EZEKIEL 22:29

Mang ci gui naw hleei hlak nak la guttep nak bik ci gui. Ngami naw duhkhaih ci gui cu akshe ah om püi u ne, khohei chang gui cu lei ei ci gui.

AMOS 6:3

Nangmi naw leigai a gawk law nak ah hnüüp cu nami maa nak ci, cun ung phi nami bi bäng naw cun ah hnüüp cu law püi ge ci nei.

AMOS 6:8

Uk ne m’gäi ciah Bawipa ah bä ciah ang cäi nak cu: “Israel gui chang ah ami ng’shei cu kei naw ka thüi nak ci, ami ng’päi im gui cu kei naw ka päipih ci. Kei naw ami mang gaw la akyong ah om ci nü cu ga am ka ap khai” cik ci.

MIKHAH 6:10

Changshe gui ah im kyong ah ami khawh cu kä akni ah ami gah ah kyak ci. Ngami naw kä hman ciah nütnak cu mang ci gui, cun cu kei naw ka m’thüi nak ci.

JOB 20:21

Ani cu a ei aw kung a i kä pawih nak ci, cun ah kya ne tuhbäi ani ah khawh cu ng’pyi lawk ci.

NG'THU K'THUUK~ 1:13

Mikmi naw khawhcham avan mi hmuk khai, mi gut tep ah khawh awn mi im mi be sak khai.

NG'THU K'THUUK~ 11:16

Bä ciah hnumi cu chang m’sui nak om ci, Nikiom nak kä om ciah hnumi cu thui ng’aa nak om ci. Dam ciah chang naw ngui kä gah ci, Cun ung phi ng’khän ciah chang cu bühmang ci.

NG'THU K'THUUK~ 28:5

Changshe gui naw taga nak ah mawng kä hmat ci gui, Cun ung phi Bawipa kawihnah ci gui naw, akni ah hmat ci gui.

THUSHÄUTU 4:1

Cun kawn ah khomdek khan ung om ciah kä taga nak gui avan cu kei naw ka teng ba mä ci. Ami shedam nak gui cu thüi kyap ci gui, ngami m’htei tu gui khai a u kä om ci. Ngami m’htei gui khai a u kä om ci, a i ah kyasei ci ung, ngami shedam na gui ci gui ung huham om ci.

HOSEA 7:1

“Kei naw ka chang Israel gui ka gai sak hlü gui laka bühmang ba sak hlü gui päng ung kei naw ami cheishoh nak la akshe ami gui avan ka hmuk ci. Ngami cu tumat la tumat ng’hleeihlak tuk ci gui. Ngami im gäi ne lut ne m’guk ci gui. Ngami naw lam ung chang guttep ci gui.

AMOS 4:1

Shin cu ngai vä, Samaria hnumi gui, Bashan seipat nu ah plan ah mäih ah plan ciah chang gui, ak tha ken ci k’she nak ci gui, dukhaih ci yaw ynak ci gui, nami cei ah yuu nami thäh ci gui!