AMOS 2:9 - Cho Bible Common Language 2016

⁹ “Cun ung ka chang gui aw, nangmi ah hmawk ah Amorit chang gui cu ng’pyi khai gui ah ka m’di gui khai nei, ngami cu ceda sing güt law u ne, m’htai ghing hlawk ah khüi ci gui.

AMOS 2:9 Referans Kwoze

MALAKHI 4:1

Hlüngtai ciah Bawipa naw, “Chang ah ng’shei ci gui la changshe gui cu khu chawng mei naw a uih ah mäih ah a uih sak gui vai ah hnüüp gawk lawk ci nei. Cun ah hnüüp ung ngami gui cu ui gui yawp khai, a i phi kä k’pawih ba khai.

JOB 18:16

Ani ah apya gui la ang ban gui cu ng’yai ne chawng ci gui.

THULÄÄN NAK 3:11

(Ghangpughang Og cu Rephain ung ak hnu bäih ah kyak ci. Ani ah ih phak nak cu lung awn ami pyan, ayun dawng 9, akdang dawng 4, akcang ah ami nüt nak ung lawk ci. Cun cu Ammonit mang gaw Rabbah ung tuh güt om ci.)

PHYAWN NAK 34:11

Tuhngawi kei naw ka ning pek ah thukhän cu na läk vai, Amorit gui, Kanaanit gui, Hittit gui, Perizzit gui, Hivit gui la Jebusit gui cu nang ah ma ah ka k’täm gui khai nei.

ATÜNNAK 15:16

Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.

EZEKIEL 17:9

“Cun ah kyasei kei uktu Bawipa naw ka ng’shi cu, “shinah Sapyit ghing ne däm hlawt khai ang? Ak htük bäih ah zangzung naw shin cu ang yung ah mawi ne, ak theih gui ci hlit ne, ang ban gui kaih hnet ne ng’yai sak khai ah kä kya ne ang? Shin mawih nak hning vai ah thagui ak da, m’gäi ciah pakhui kä hlü hnga khai nei.

JOSHUA 10:12

Bawipa naw Israel gui am, Amorit gui näng nak a pek gui ah hnüüp ung, Joshua naw Bawipa ah ma ah thu pyen ci. Israel chang gui ah ma ah ani naw, “Nu hni aw, Kibeon gui ah khan ah ng’düi lä ä! Pa cha aw, Aijalon khaw nawi ah khan ah ng’düm lä ä” cik ci.

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

THULÄÄN NAK 1:28

A i ah kyasei cau ah mi hteh vai ang? Keimi kami kyik ci. Mi tüih ah chang gui naw ami na m’thein law ba gui cu aca ah om ciah chang gui cu mikmi ah ta ng’gho sau pi u ne, gai pi ci gui, ngami cu khawmik han pha sei vong pang ah mang gaw gui ung om ci gui. Ngami cu chang ah pughi gui ah kyak ci gui.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

ISAIAH 10:33

M’gäi ciah Bawipa naw ngami cu sing ghing ungka sing ban tupit ne chuk ah mäih ah ci hlit gui khai. Chang k’om pikbäih ci la hlüngtai pikbäih ci gui cu tupit ne yuk chah gui khai.

KHEI NAK 32:13

Bawipa cu chang gui ah khan ah m’lung she neta, khaw kum phli kip ung bung hmu ah ng’vah shüi sak gui ci, cun cu Bawipa täng ung akshe bik ci gui avan a maih güt ah kyak ci.

1 SHONTÄP NAK 1:14

Kanaan cun phi Jebusit gui, Amorit gui, Kirkashit gui,