AMOS 2:15 - Cho Bible Common Language 2016

¹⁵ Likaap gui cu ami ng’lei ung kä ng’düi hlawt khai gui, dawngah gai ci gui cu kä dawng hlawt khai gui. Ng’se cuum ciah chang gui naw ami hnun gui kä phyawn hlawt khai gui.

AMOS 2:15 Referans Kwoze

EZEKIEL 39:3

Kei naw ak eng täng kut ung a li la akpat täng kut ung amla cu ka ci pe hlit khai.

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

ISAIAH 31:3

Egypt gui cu khanpughi ah kä kyak ci gui-hnicim chang ah kyak ci gui. Ami ng’se gui cu khaw ah kä kyak ci gui. Bawipa a hnün thawh law ah a kyak ung thamah ciah pakhui cu khui ne ng’deng khai, thaken ci, ami m’htei htang cu kyu ne ng’täng khai. Ani nik hnih cu di khai goi.

JEREMIAH 51:56

Ngami cu Babilon m’di khai gui ah lawk ci gui nei; ami gakap gui cu tu ne khäm gui ci gui, ami li gui cu hnget yawp ci nei. Kei cu akshe m’kyuk ciah khanpughi ah ka kyak ci, Babilon cu amät ah bi awn kyä khai ah kei naw ka bik khai.

HAKKAI 2:22

uknak khaw gui avan lat ne, ami huham ka ng’pyi sak khai. Ng’hlee gui la kaih ci gui ka lat gui khai, ami ng’se gui sik khai gui, ng’cuum ci gui ng’ngawn tuk khai gui.

ZEKHARIAH 10:5

Judah chang gui cu lam ng’nai hmu ah ami ga gui leh dep dep ciah gakap gui ah mäih ah m’gäi khai gui nei. Ngami cu Bawipa naw om püi gui ci kyasei, ng’tuk bik khai gui, ngami naw ng’se ng’cuum ciah ga gui phi hnim khai gui nei.

AMOS 9:1

Kei naw Bawipa cu mangkyang pei ah ng’düi sei ka hmuk ci. Ani naw thumkhän a pek cu, “Taigüim tung gui ah apaam gui cu na khläng vai, ang nei phi na thüng sak vai. Cun gui cu hnget sak ne, chang gui ah lu ah khan ah yuk kyak sak ä. K’pawih ba ci gui cu ng’tuk nak ung kei naw ka ngawn gui khai. A u kä dawng hlawt khai, a u kä phyawng khai.