AMOS 2:11 - Cho Bible Common Language 2016

¹¹ Kei naw nami hta gui am shah cu prophet ah ka ghü gui ci, chang nong am shah cu Nazirit ah ka ghü gui ci. Israel chang gui aw, shin cu kä hman ne ang? Kei, Bawipa naw ng’thu ka pyen ci nei.

AMOS 2:11 Referans Kwoze

JEREMIAH 7:25

Nami pupa gui Egypt kho ungka ami law ba ungka naw tuhbäi ung khüt ciah, kei ne ka changshäm gui, prophet gui nangmi am ka tüih law nak cu ka pang lä ci.

MIKHAH 2:6

Chang gui naw kei ah ma ah ng’thu ami pyen cu, “Keimi ah khan ah thu kä pyen ä, cun ah amawng gui kä pyen en ä. Khanpughi naw keimi cu kä na m’thüi gui khai nei.

NG’ÄI KYAH 4:7

Keimi ah mang hta gui cu kä lelawi u ne khüi ah mäih ah theing ci gui, M’htung khong u ne, khüighat u ne, theek haih ne gaigawng ci gui.

JEREMIAH 26:11

Taigü gui la prophet gui naw ami ng’vai gui la chang gui ami pyen nak gui cu, “Shin ah chang cu mi mang gaw hnungtuk ne ng’thu pyen ci kyasei ngawn vai nei, ani ah pyen cu nami hnga awn nami ng’yak ci nei.”

JEREMIAH 11:21

Anathoth chang gui naw kei cu na ngawn hlük ci gui, kei naw Bawipa ah ng’thu k’pang ne ka ng’shäu ah a kyak ung, na ngawn khai gui ah pyen ci gui.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

JEREMIAH 2:5

Bawipa naw pyen ci: “A i bün phei nak awn nami pupa gui naw kei ami na hnungtuk püi ang?” A i naw ang kei ungka a ning ng’hlah sak gui. A phuma kä om ciah agup gui khawihnah u ne, ami mät phi aphuma kä om ciah kya lawk ci gui.

2 SHONTÄP NAK 36:15

Ami pupa gui ah Khanpughi Bawipa naw a chang gui m’hting gui khai ah prophet gui cu tüi law gäk ci, a i ah kyasei ci ung ani naw ngami la Taigüim cu gun gui vai ah ng’ya hlük ci.

2 GHANGPUGHANG GUI 17:13

Bawipa naw a changshäm gui la prophet cu kä ngai ci gui. Judah ung m’cäi gui khai ah tüi law ne; “Nami shetkat nak gui cu nawng ne kei ah ka ng’thu cu ngai vä, cun gui cu kei naw nami pupa gui am ka pek ah thukhän ung om ci nei, cun gui cu kei naw ka changshäm prophet gui ung ka ning pek gui nei.”

2 GHANGPUGHANG GUI 6:1

Hnüüp ät ung Elisha ah aka ung om ciah prophet gui naw ami pyen law cu, “Kami om nak ah hmun cu yaw hta aih ci!

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

1 GHANGPUGHANG GUI 20:41

Prophet naw a hmai a hlawp nak cu k’phyan khäta, ghangpughang naw prophet tumat ah hmat hläp ci.

1 GHANGPUGHANG GUI 20:35

Bawipa ah thumkhän ah kyasei prophet ng’bung ungka prophet tumat naw a prophet paw am a thah vai ah pyen ci. Cun ung phi ani mak ci,

1 GHANGPUGHANG GUI 20:13

Cun yah ung prophet tumat naw ghangpughang Ahab ah law ne a pyen law cu, “Bawipa naw pyen ci, shin ah gakap gui cu kä na kyih en vai! Tuhngawi kei naw nang am ngami ah khan ah näng nak ka ning pek khai, cun ung kei cu Bawipa ah ka kyak ciah nang naw na hmat khai.”

1 GHANGPUGHANG GUI 19:16

Nimshi ah hta Jehu cu Israel ghangpughang ah hmoh ä, Abel Mehola ungka Shaphat ah hta Elisha cu nang ah hnün ung prophet ah kya ba khai ah hmoh ä.

1 GHANGPUGHANG GUI 18:4

Jezebela naw Bawipa ah prophet gui a ngawn gui yah ung Obadiah naw prophet phia cu la gui neta, hma kip ciah hnih ah k’pai gui ne, khui ung thup gui ci, tui ei phi pe gui ci.)

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

1 SAMUEL 19:20

Cun ah kyasei ani phak khai chang gui tüi gui ci. Ngami naw Samuel ng’vai pi ciah prophet ng’bum cu ng’lam ne m’lau u sei hmuk ci gui. Cun ung Khanpughi ah mümcha naw Saul ah chang gui cu k’pang gui sei, ngami cu tün ne ng’lam ne, m’lau tuk ci gui.

1 SAMUEL 3:20

Cun ah kyasei Israel chang avan, khaw tumat ah akcawi ungka naw vang ak cawi ung khüt ci naw, Samuel cu Bawipa ah prophet akcang ah hmat lawk ci gui.

THULÄÄN NAK 18:18

Kei naw nang ah mäih ah prophet cu ami mät ah chang ungka ka tüi khai. Kei naw a i a pyen vai cu ka m’thein khai. Kei naw ka thumkhän päng cu ani naw chang gui am thein gui khai.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

LAMKTU 5:28

“A cun ah chang ah ng’ming awn kä na mi m’theithang en ba vai ah, keimi naw ak khengah kami ning maa nah gui pyi ci, Cun ung phi nangmi naw Jerusalem khaw avan ung na mi m’theithang gui pyi ci. Ani ah sih phi keimi ah om ah nami pyein law hlü pyi ci nei” ci ne kyak nah gui ci gui.

LAMKTU 4:18

Cun kawn ah ang düihpüi gui cu khü ba gui u ne tah Jesuh ang ming awn a i phi kä ami pyein sak, m’thei thang ba gui vai ah khen neh m’cäi gui ci gui.