AMOS 2:10 - Cho Bible Common Language 2016

¹⁰ Kei naw Egypt khaw ah kaa ka ning law püi ba gui ci, khokum phlikip ung bung puk ka ning kaan sak gui ci, Amorit gui ah khaw cu nami kaa vai ah ka ning pe gui ci.

AMOS 2:10 Referans Kwoze

THULÄÄN NAK 2:7

“Nami bi nak päng ung Bawipa nami Khanpughi naw a i hlawk ah hriham a ning pek gui cu nami shüm ba vai. Shin ah ng’shawng ciah bung ung nami ng’vah yah ung ani naw ning m’htei gui ci. Shin ah khawkum phlikip ung ani naw ning om püi gui ci, nangmi naw nami ng’yak hlü päng nami gah ci.

PHYAWN NAK 12:51

Cun ah hnüüp ung Bawipa naw, Israel pakhui gui cu Egypt khaw ungka k’plawk ba gui ci.

AMOS 3:1

Israel chang gui, shin ah ng’thu cui ngai vä, nangmi ah mawng Bawipa ah thu pyen nei. Khih pawn nak ungka k’phian ah pakhui, Egypt khaw ah kaa a ning law püi ba gui ah kyak ci nei.

LAMKTU 13:18

k’pya lün nu ah khokum phli-kip pum ung hnimgei ne khah püi gui ci.

LAMKTU 7:42

Cun ah kyasei Khanpughi naw ng’hlah tah gui neh, khankho ah aisi gui ah k’taigü sak gui ci. Cun ah mawng Profet gui ah ca guk cu; Israel chang gui aw, nang mi naw ‘Pya lün nu ah khaw kum phli-kip ah kyawng ung m’ghu ng’tha neh nami tumbei cu,

MIKHAH 6:4

Egypt khaw ungka ka ning law püi ba gui ci, khleihtein ungka ka ning gung gui ci, ning chuisaw gui khai ah Moses, Aaron la Miriam ka ning tüih law gui ci.”

AMOS 9:7

Bawipa naw, “Israel chang gui, nangmi ah khan ah ka ngaih ah mäih ah Sudan chang gui phi ka ngai gui ci nei. Nangmi Egypt khaw ah kaa ka ning law püi ba gui ah mäih ah, Krete ah kaa Philistin gui, Kira ah kaa Sirian gui ka law püi ba gui ci.

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

EZEKIEL 20:10

“Cun ah kyasei kei naw ngami cu Egypt ungka naw bung ah ka hteh püi gui ci.

SAM 95:10

Kho kum phli kip ung cun ah chang gui naw na m’shemshai ci gui nei. Kei naw, ‘Ngami cu kä bekhüt aih ci gui nei! Ngami naw kei ah thumkhän cu kä läk hlük ci gui nei.’

NEHEMIAH 9:21

Kum phlikip ung bungpuk ah ami ng’yak hlü avan na pe gui ci; ami sui kä kheei phung ci, ami khaw kä na phung ci.

THULÄÄN NAK 1:39

“Cun kawn ah Bawipa naw mi van am, ‘Nami htanau gui akni ak kaa ng’thumcha vai ah hmaw aih ci gui cu cun ah khaw ung lut khai gui. Nangmi naw nami pyen ah ak hmaw gui cu nami ga gui naw pha gui khai gui. Kei naw ngami am khaw cu ka pe gui khai, ngami naw khäm khai gui.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

KHEI NAK 21:25

Cun ah kyasei Israel chang gui naw Amorit mang gaw avan khäm ci gui. Heshbon mang gaw la a pei yung ah gawnu gui avan khäm u ne, a cun ung om ci gui.

JOSHUA 13:4

Cun kawn ah Kanaanit gui ah khaw avan, la Mearah (Sidonian gui ah päng), Amirit khawgii Aphek ung khüt ci;

KHEI NAK 13:32

Cun ah kyasei ngami naw ami däät ah khaw ah a mawng cu Israel chang gui ah ma ah hleei ne pyen ba ci gui. Ngami naw, “A cu ah om ciah chang gui ah ei awk büh vai ah acun ah khaw naw kä m’thawk sak ci nei. Kami hmuh ah chang gui phung ng’ghaw shäi ci gui nei.

KHEI NAK 32:13

Bawipa cu chang gui ah khan ah m’lung she neta, khaw kum phli kip ung bung hmu ah ng’vah shüi sak gui ci, cun cu Bawipa täng ung akshe bik ci gui avan a maih güt ah kyak ci.

JOSHUA 24:8

Cun kawn ah kei naw Amorit khaw ungka ka ning law püi gui ci, ngami cu Jordan ah a kiangtäng ung om ci gui. Ngami naw ning tu gui ci gui, Cun ung phi ngami ah khan ah näng nak ka ning pe gui ci. Nangmio naw ami khaw nami lak ci, kei naw ngami cu nami ma ung ka m’di gui ci.

JEREMIAH 2:6

Ngami naw kei a i ah kä na sui ci gui, kei naw Egypt ungka ka gung gui ci, kho ng’gau bung hmu ka kan sak gui ci; Ng’gau ne laigin ah kyak ciah kho, chang naw kyih vai ah kho, a u naw kä a om nak hteh hton ah phi a u naw kä hteh hton nak khai.