AMOS 2:1 - Cho Bible Common Language 2016

¹ Bawipa naw, “Moab chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw Edom ghangpughang ah guh cu m’vut ah kyak khai ah m’khih u ne, kä chang m’sui ci gui.

AMOS 2:1 Referans Kwoze

AMOS 2:4

Bawipa naw, “Judah chang gui cu leng ba ba ne shekak ci gui, acu ah phäh ah kei naw akcang ah ka m’kyuk gui khai. Ngami naw kei ah m’theithang cu päipih ci gui, kei ah thumkhän cu kä kutshum ci gui. Ngami cu ami pupa gui ah khawihnah ah khanpughi she gui läk u ne, lam hma ci gui.

AMOS 1:3

Bawipa naw, “Damaskas chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw Kilead chang gui cu akshekha ah kyak na gui ci gui.

ISAIAH 25:10

Bawipa naw Zion m’htung cu shungvong khai, cun ung phi Moab chang gui cu eek-shin ung htang gongchawng leh m’hnep ah mäih ah the m’hnep gui khai.

AMOS 2:6

Bawipa naw, “Israel chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami pu kä thung hlawt ciah changnigui la ami phahnak phu phi kä thung hlawt ciah dukhaih ci gui cu, khleihtein vai ah yoi gui ci gui.

AMOS 1:13

Bawipa naw, “Ammon chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ami khaw ang shawng vai ah ng’tuk ami bi nak ung Kilead khaw ah käu mah ciah hnumi gui phi ami poi k’päh gui ci gui.

AMOS 1:11

Bawipa naw, “Edom chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami phäi nau Israel gui cu yäi gui ci gui. Israel gui cu Esau ah nau Jakob ah hta ng’shon ah kyak ci gui, ngami cu Edomit gui ah pupa gui ah kyak ci. Israel gui naw m’gein nak kä m’dang ci gui. Ami m’lungshe nak cu kä ng’chüt ci, kä sih sak ci gui.

AMOS 1:9

Bawipa naw, “Tire chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom khaw ah omktu ah hteh püi gui ci gui. Ami ng’khawt püi gui ung phi teihpüi ah kä ngai gui ci gui.

NG'THU K'THUUK~ 15:3

Bawipa naw a hawi, a i ah kyak ci cicu hmuk ci, ani naw na ngang gui ci, akni akaa mi bi cu na teng gui gi.

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

AMOS 1:6

Bawipa naw, “Kaya chang gui cu leng ba ba ne shekak ci gui, a cun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom chang gui ah khleihtein ah yoi ci gui.

ISAIAH 11:14

Ngami naw atäng ah akhei tang ung Philistin gui cu tu gui u ne, ak kyang tang ung om ciah chang gui cu guttep gui khai gui, Ngami naw Edom la Moab chang gui cu tu ne naing khai gui, Ammon chang gui naw ngami cu läk gui khai gui.

2 GHANGPUGHANG GUI 3:9

Cun ah kyasei Joram ghangpughang, Judah la Edom ghangpughang gui cu, pawng ne hteit ci gui. Ami hteh nak hnüüp chih law khäta tui maih sei, chang gui la ng’sela gui ami awk vai kä om ci.

ISAIAH 16:6

Judah chang gui naw pyen u ne, “Moab chang gui a i hlawk ah chang ah ami ng’shei cu mikmi naw mi ng’yak ci nei. Ngami cu m’ghämee, chang k’om u sei mi hmat gui ci, cun ung phi ngami ah khähghah nak cu akholä ah kyak ci.”