AMOS 1:8 - Cho Bible Common Language 2016

⁸ Kei naw Ashdod la Ashkelon mang gaw uktu gui cu ka m’hnawn gui khai. Kei naw Akron mang gaw cu ka m’kyuk khai, ami k’pawih nak gui ah Philistin gui ami van sik khai gui.”

AMOS 1:8 Referans Kwoze

EZEKIEL 25:16

Cun ah kyasei kei naw ka ng’shäu ci, kei naw Philistin gui cu tu gui ne ka nawtheng gui khai. Philistin kho dou ung om ci ng’nü cu kei naw ka m’di gui khai.

ZEKHARIAH 9:6

Ashdod mang gaw ung changpakhui gui ng’caw ne om khai gui. Bawipa naw, “Philistin chang gui ah chang ah ng’shei nak avan cu ka hnim khai nei.

ISAIAH 20:1

Sarkon, Assiria ghangpughang, Assirian gabawi — kbäih ah ang thu k’bäi awn philistine mang gaw Ashdod cu khäm ci gui.

SAM 81:14

Kei naw ami ga gui cu ang ghitah tu ne, ami ga avan cu ka näng khai nei.

2 SHONTÄP NAK 26:6

Uzziah naw hteit ne Philistin gui cu tu gui ci. Ani naw Kath, Jamnia, la Ashdod mang gaw k’pang gui cu phye neta Ashdod ah pei la pawih ba ciah Philistin avan ung khäng htet ciah mang gaw gui co ci.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

AMOS 3:9

Egypt la Ashdod mang im gui ung om ci gui ah ma ah ng’thu nami shäu vai cu, “Samaria koi ciah khawgui gui ung ng’bum vä, a cun ah dämduh ciah ng’gogan nak la cheishoh nak ami bi gui cu teng vä.”

ISAIAH 1:25

Nangmi ah khan ah hnu ng’tuk ne bi ka bik khai. M’si ng’eek ngeet ah mäih ah kaning ngeet gui khai, kä nami theingthap nak avan ka nawt heng yawp khai.

JEREMIAH 47:1

Egypt ghangpughang naw Kazak ä atuk pha ung Philistia ah mawng Bawipa naw na ng’thu püi ci.

JOEL 3:4

“Tire, Sidon la Philistia avan, kei ah khan ah a i bi vai ah ang nami tha nak? Kei am a i baw nami na pe ba khai ah nami tha na ne ang? Nami tha nak ah a kyak ung, kei naw ang ghit ah ka ning pe ba gui khai!

AMOS 1:7

Cun ah kyasei kei naw Kaza mang gaw paang ah khan ah mei yuk chah ne a mang paang cu ka m’khih khai.

OBADIAH 1:18

Jakob la Joseph ah chang gui cu mei ah mäih ah kya u ne, Esau ah chang gui cu mei ah uih ah mäih ah m’di khai gui. Esau ah hta ng’shon a u kä pawih khai. Kei, Bawipa naw ka pyen nei.

ZEKHARIAH 9:5

Ashkelon mang gaw naw acun hmu neta kyi kyawk khai. Kaza mang gaw naw acun hmu neta, geinvai ne m’neh khai. Ekron mang gaw la ang ngai u avan phi payak khai. Kaza ghangpughang phi maih khai, Ashkelon mang gaw phi ang gawng ah om khai.

1 SAMUEL 6:17

Phlistin gui naw ghui ang khe hma cu Bawipa m’cümhnah ne, ami kat ami sah nak ah m’khäh ci gui, Ashdod, Gaza, Ashkelon, Gath la Ekron mang gaw gui, tumat ah phäh ah tumat ciah kyak ci.