AMOS 1:7 - Cho Bible Common Language 2016

⁷ Cun ah kyasei kei naw Kaza mang gaw paang ah khan ah mei yuk chah ne a mang paang cu ka m’khih khai.

AMOS 1:7 Referans Kwoze

ZEPHANIAH 2:4

Kaza gawnu cu a u naw kä om na ba khai, Ashakelon cu khaw chawng ah kyak khai, Ashdod ung chang gui cu hnüüp m’cawt ung k’täm gui khai, Ekron ung chang gui phi ami mang gaw ungka k’täm gui khai.

JEREMIAH 47:1

Egypt ghangpughang naw Kazak ä atuk pha ung Philistia ah mawng Bawipa naw na ng’thu püi ci.

2 GHANGPUGHANG GUI 18:8

Ani naw Philistin gui cu hnim gui ne, Kaza la a pei yung ah khopäng gui mah mah ah mang gawnu, pigawhta avan ami om nak cu tu ne guttep gui ci.

ROMAN 12:19

Teihpüi gui aw, phu kä nami tuk nüng nüng vai, Khanpughi amät naw katnak cu m’htei khai nei. Cacim theing ung, “Kei naw phu ka tuk khai, katnak ah ciah kei naw ka thung khai,” ci ne Bawipa naw pyein ci.

AMOS 1:4

Cun ah kyasei kei naw ghangpughang Hazela ah cawh ah mang im ah khan ah mei ka yuk chah khai. Ghangpughang Benhadad ah mang paang cu ka m’khih khai.

2 SHONTÄP NAK 26:6

Uzziah naw hteit ne Philistin gui cu tu gui ci. Ani naw Kath, Jamnia, la Ashdod mang gaw k’pang gui cu phye neta Ashdod ah pei la pawih ba ciah Philistin avan ung khäng htet ciah mang gaw gui co ci.

THULÄÄN NAK 32:35

Bawipa naw phu tu ne ngami cu m’kyuk gui khai, Ngami ami yung kyak nak ah khin gawk lawk khai. Ami ng’yiin nak vai ah hnüüp cu ng’et lawk ci.

JEREMIAH 47:5

Kaza chang gui ah khan ah dämduh ciah azä nak gawk lawk ci, Ashkelon chang gui cu kä ship deep ci gui. Om ba ciah Philistia gui cu a i güt thüi kyap khai gui ang?

EZEKIEL 30:8

Kei naw Egypt cu mei awn m’khih ne, ani shungvong ci gui avan ngawn ah a kyak ung, ngami naw kei cu Bawipa ah na hmat khai gui.

EZEKIEL 39:6

Kei naw Makok ah khaw la a i naw kä tüihtok sei chang gui naw ami om nak ah tuikem avan cu mei awn ka m’khih khai, cun ung chang nü naw kei cu Bawipa ah na hmat khai.

AMOS 1:6

Bawipa naw, “Kaya chang gui cu leng ba ba ne shekak ci gui, a cun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom chang gui ah khleihtein ah yoi ci gui.

AMOS 1:8

Kei naw Ashdod la Ashkelon mang gaw uktu gui cu ka m’hnawn gui khai. Kei naw Akron mang gaw cu ka m’kyuk khai, ami k’pawih nak gui ah Philistin gui ami van sik khai gui.”