AMOS 1:3 - Cho Bible Common Language 2016

³ Bawipa naw, “Damaskas chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw Kilead chang gui cu akshekha ah kyak na gui ci gui.

AMOS 1:3 Referans Kwoze

AMOS 2:6

Bawipa naw, “Israel chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami pu kä thung hlawt ciah changnigui la ami phahnak phu phi kä thung hlawt ciah dukhaih ci gui cu, khleihtein vai ah yoi gui ci gui.

AMOS 1:9

Bawipa naw, “Tire chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom khaw ah omktu ah hteh püi gui ci gui. Ami ng’khawt püi gui ung phi teihpüi ah kä ngai gui ci gui.

ISAIAH 8:4

Ak hmaw cu “Nunu papa ah kä ang khü pha ung, Damaskas ung khawh gui avan la Samaria ung ami guh-gui avan cu Assiria ghangpughang naw hteh pui yawp khai nei” cikci. Assiria Ghangpughang lawk ci.”

2 GHANGPUGHANG GUI 8:12

Elisha naw, “Saya aw, a i ah kyasei na kyah nei?” cik ci. Elisha naw, “Nang naw Israel chang gui hnungtuk püi ne kyih aih vai ah na bi law vai gui cu ka hmat ah phäh ah kyak ci nei” cik ci. Nang naw ami gaw pang gui cu m’khih ne, ami chang nong kyom pi gui cu ngawn ne, ami hmawhta gui cu m’dek teuh na ne ngawn gui ne, m’gäi ciah hnumi gui cu na yawih sak gui khai” cik ci.

AMOS 2:4

Bawipa naw, “Judah chang gui cu leng ba ba ne shekak ci gui, acu ah phäh ah kei naw akcang ah ka m’kyuk gui khai. Ngami naw kei ah m’theithang cu päipih ci gui, kei ah thumkhän cu kä kutshum ci gui. Ngami cu ami pupa gui ah khawihnah ah khanpughi she gui läk u ne, lam hma ci gui.

AMOS 2:1

Bawipa naw, “Moab chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw Edom ghangpughang ah guh cu m’vut ah kyak khai ah m’khih u ne, kä chang m’sui ci gui.

AMOS 1:13

Bawipa naw, “Ammon chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ami khaw ang shawng vai ah ng’tuk ami bi nak ung Kilead khaw ah käu mah ciah hnumi gui phi ami poi k’päh gui ci gui.

AMOS 1:6

Bawipa naw, “Kaya chang gui cu leng ba ba ne shekak ci gui, a cun ah phäh ah kei naw akcang ah ka m’kyuk gui khai. Ngami naw pakhui apum ah yäk u ne, Edom chang gui ah khleihtein ah yoi ci gui.

ZEKHARIAH 9:1

Shin cu Bawipa ah ng’thu ah kyak ci. Ani naw Hadrak khaw la Damaskas mang gaw cu m’kyuk ci. Bawipa naw Israel khaw bäng ah kä kyak ci, Siria mang gaw phi khäm ci.

AMOS 1:11

Bawipa naw, “Edom chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami phäi nau Israel gui cu yäi gui ci gui. Israel gui cu Esau ah nau Jakob ah hta ng’shon ah kyak ci gui, ngami cu Edomit gui ah pupa gui ah kyak ci. Israel gui naw m’gein nak kä m’dang ci gui. Ami m’lungshe nak cu kä ng’chüt ci, kä sih sak ci gui.

ISAIAH 41:15

Kei naw nangmi cu aha akthai, ak ghaat om ciah htang-neen nak ah mäih ah ka ning pyang gui khai. Nangmi naw khomhtung gui cu neen ne nami m’di khai; khogui gui cu m’vut ah khui khai gui.

ISAIAH 7:8

kä kya hlawt phung khai: A i ah kyasei ci ung Siria cu amät ah mang gaw tung ah kya ciah Damaskas ah kä khüi ghat pi ci, Damaskas cu Ghangpughang Rezin ah ta kä khüi ghat pi ci. Israel gui cu khokum chuk-kip lei hma ah kyong ung, aktä ah ng’phye ne ng’gäi u ne pakhui khaw tumat ah kä kya ba khai gui.

THUSHÄUTU 11:2

Khohmun akda ung sumlei nak na bi vai, a i ah kyasei ci ung, shin ah khomdek khan ung a i ah mäih ah ng’yo yaw nak na buitang vai cu nang naw kä na hmat ci nei.

NG'THU K'THUUK~ 6:16

Bawipa naw a thüi nak, kä am hni gui mawng chih om ci, cun gui ci: yawshe na ne teng, hleei ciah m’lei, changningawn ciah kut, akshe ngaih-tüh ciah m’lung, akshe bi avai ah yangkhai ciah khaw, hleei pyen ne saksi nak la teihpüi gui ng’tuk vook sak ciah chang ah kyak ci.

JOB 19:3

Nangmi naw kei cu akda vei na yoshe na u ne, kä ng’aca ne nami na pyen sak ci nei.

JOB 5:19

Akhin päng ung ani naw nat nak päng ng ning hun khai;

2 GHANGPUGHANG GUI 13:7

Jehoahaz ung ng’se cum ci hmakip, yatha gha, khaw awn ng’tuk ciah gakap phia phia bäng om ba ci, cun kawn ungka gui cu Siria ghangpughang naw m’di gui ne m’vut ah khui ah a ci gui ah kyak ci.

2 GHANGPUGHANG GUI 13:3

Cun ah kyasei Bawipa cu Israel gui ah khan ah m’lungshe neta, Siria ghangpughang Hazela la a hta Benhadad am Israel cu leng ba ba ne tuk sak ci.

1 GHANGPUGHANG GUI 19:17

Hazela naw kä a ngawn gui, luat ci gui cu Jehu naw ngawn gui khai, Jehu ah kut ung phyawng ci gui cu Elisha naw ngawn gui khai.

2 GHANGPUGHANG GUI 16:9

Tiklath Pileser naw Ahaz ah khü cu k’cang na ne, a gakap gui awn law ne, Damaskas cu tu ne khäm ne, Ghangpughang Rezin cu ngawn ne, chang gui cu Kir ah hteh püi gui ne thawng chum gui ci.

ISAIAH 7:16

Cun ah khin kä a gawk law pha ung phi, nangmi naw nami kyih ah ghangpughang goi ah ami khaw cu shekak khai nei.

ISAIAH 28:27

Ani naw muzeu ui la cünggük ui gui cu akgih awn kä neen ci; ak zang, htung aläm awn neen ci.

ZEKHARIAH 9:2

Hadrak awn khawgii ciah Hamath khaw phi khäm ci, Tire la Sidon mang gaw gui ah abä nak avan phi khäm ci.