AMOS 1:14 - Cho Bible Common Language 2016

¹⁴ Cun ah kyasei kei naw Rabbah mang gaw paang ah khan ah mei ka yuk chah khai, amang paang cu ka m’khih khai. Ng’tuk nak ah khaw hnüüp ung m’lau pyaan nak om khai, ami ng’tawh cu pui khokhi ah mäih ah ng’hmum khai.

AMOS 1:14 Referans Kwoze

AMOS 2:2

Kei naw Moab khaw ah khan ah mei yuk chah ne, Kerioth ah mang paang cu ka m’khih khai. Ami ng’tuk nak ng’güt nak ung Moab chang gui cu sik khai gui. Cun yah ung gakap gui cu m’lau pyaang khai gui, phyungheng gui cu ng’shan khai.

JEREMIAH 49:2

Cun ung phi mang gaw tung Rabbah ung om ciah chang gui naw ng’tuk nak ah k’aw ami ng’yak vai ah kei naw bi nak vai ah akhin cu gawk lawk ci nei, cun cu m’di neta, pigaw hta gui cu mei awn m’khih m’deih vai nei. Cun kawn ah Israel gui naw lak pe gui te ciah chang gui ah ka ami khaw cu la ba khai gui nei.

THULÄÄN NAK 3:11

(Ghangpughang Og cu Rephain ung ak hnu bäih ah kyak ci. Ani ah ih phak nak cu lung awn ami pyan, ayun dawng 9, akdang dawng 4, akcang ah ami nüt nak ung lawk ci. Cun cu Ammonit mang gaw Rabbah ung tuh güt om ci.)

ISAIAH 30:30

Bawipa naw m’gäi ciah ak’aw cu chang nü am ng’yak sak ne, am lungs he nak ah ng’tut nak cn gah sakgci khai meikdäi gui, khumei ng’baw, gäi nu gui la kyihshe ciah khok’aa cu kya lawk khai.

2 SAMUEL 12:26

Cun yah ung Ammon gui ah mang gaw Rabbah cu Joab naw tu gäk gäk ci, cun cu näng nak vai ng’et lawk ci.

ZEKHARIAH 7:14

Pui khaw ah khi ah mäih ah khi ne yon gui ngä sei, a khaw hei ah om ci gui. Shin ah khaw k’ni cu shiu khai ah ami nawng ah kyak ci, a u phi kä om ba ci.”

DANIEL 11:40

“Siria ghangpughang ah akhin ang pyi law ung, Egypt ghangpughang naw tu lawk khai. Siria ghangpughang naw a huham avan, yatha gui, ng’sela gui la htinpaw akda mang ne ng’tuk püi tuba khai. Ani naw tui klaw ah mäih ah khopäng akda cu tu gui khai.

EZEKIEL 25:5

Kei naw Rabbah mang gaw cu kalauk gui chah nak ah hmun ah ka ng’lat sak khai, Ammon khopäng avan cu, htome chah nak ah hmun ah ka ng’lat sak khai, cun ung nangmi naw kei, cu Bawipa ah nami na hmat khai.

ISAIAH 9:5

Tu law gui ciah gakap gui ah phahnak gui la si kawp ciah suisak gui avan cu mei awn m’khih vai.

SAM 83:15

pui kho ah khi ne k’täm gui ä, kuipak ng’tum ne m’kyih gui ä.

JOB 39:25

Ngami cu pyung puk ami tum päng ung ami hna ung phiit ci gui. A shou nak ah ka naw ng’tuk nak ah chim cu hät u ne, Gabawi gui ah m’lau cu ng’yak ci gui.

2 SAMUEL 11:1

Khaw kum ung khaw cing khaw a gawk law ung ghangpughang gui cu ng’tuk nak ah hteit ci gui, cun ah kyasei David naw Joab la a bawi gui la Israel gakap gui cu tüi gui ci; ngami naw Ammonit gui cu tu hnim u ne, Rabbah mang gaw cu khaai ci gui. Cun ung phi David amät cu Jerusalem ah om ci.

1 SHONTÄP NAK 20:1

A cu kum khawhting khaw ah ghangpughang gui naw ng’tuk ami bi nak man ah khin ung, Joab naw a gakap gui m’thou ne Ammon khaw cu khaai ne tuk ci; cun ung phi Ghangpughang David cu Jerusalem ung om ci. Ngami naw Rabbah mang gaw cu khaai u ne, tu ne, m’di ci gui.

ISAIAH 29:6

m’gäi ciah Bawipa naw ng’pheet ciah hmumkyeek la shihpi thüng awn ning gung gui khai nei. Ani naw puikhokhi la meikdäi ng’lam cu tüi lawk khai nei;

JEREMIAH 23:19

Ani ah m’lungshe cu puikho khi ah kyak ci, changshe gui ah lu han ah khi ciah khi nu ah kyak ci.

EZEKIEL 21:20

Tumat naw Ammonit khaw Rabbah mang gaw lam cu tawk ci, a hei tumat naw Judah khaw khäng htek ciah Jerusalem mang gaw cu tawk ci.

EZEKIEL 21:22

Tuhbäi! Jerusalem ciah m’hnüt ah m’la cu ani ah akpat täng kut ung k’paang lawk ci. Acun naw hteit ne ng’tuk nak singtawn pyan vai, ng’tuk vai ah m’lau vai, m’kawt gui hnungtuk ne shung nak tung gui tha vai, m’dek khui gui cawh vai, myawng gui cawh vai ah ani am m’thein ci.

EZEKIEL 25:7

Nangmi naw cun ah nami bi ah phäh ah kei naw ahei changpakhui gui am ka ning ap gui khai, ngami naw ning m’guk pe ne, ning guttep gui khai gui. Kei naw nangmi cu akbe ah ka ning m’di gui khai, nangmi cu changpakhui ah kä nami kya ba khai, nami mät ah khopäng khaw kä om ba khai. Cun kawn ah kei cu Bawipa ah ka kyak ciah nami na hmat khai.”

2 SAMUEL 12:31

Chang gui phi hlawh gui, k’tu shep, ghei shep la uk ng’shai cu ang ghit ah bi sak gui ci. Ani naw a hei Ammon gawnu gui ung chang gui phi acun ah bi sak gui ci. Cun kawn ah ani la a chang gui cu Jerusalem ah hteit ba ci gui.

EZEKIEL 21:25

“Nangmi chang shekha, kä theingcim ciah Israel uktu gui, nangmi ah hnüüp, nangmi ak hnu ah ning m’kyuk nak gui vai cu gawk lawk ci nei.