AMOS 1:13 - Cho Bible Common Language 2016

¹³ Bawipa naw, “Ammon chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ami khaw ang shawng vai ah ng’tuk ami bi nak ung Kilead khaw ah käu mah ciah hnumi gui phi ami poi k’päh gui ci gui.

AMOS 1:13 Referans Kwoze

HOSEA 13:16

Samaria cu kei ana hnungtuk püi ah phäh ah m’kyuk vai nei, a chang gui cu ng’tuk nak ung sik khai gui. Nausen hta gui m’dek vawih na gui khai gui, käumah ciah hnumi gui cu k’daai gui khai gui.”

EZEKIEL 35:10

“Kei, Bawipa cu ngami ah Khanpughi ah kya lang ngäsei, nang naw pakhui gui Judah la Israel cu ami khaw mah ah na kaa ah na pyen ci, na khäm gui khai ah na pyen ci.

ISAIAH 5:8

Nami khaw mü ci nei! Nangmi naw nami mät ung om pyi ci nami m’khah nak vai ah im gui la lo gui nami hleih ci kä shou pha sei chang a hei gui ami om nak tu vai kä om law ba khai, nangmi nami mät bäng shin ah khaw ung nami om lank khai.

AMOS 1:3

Bawipa naw, “Damaskas chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw Kilead chang gui cu akshekha ah kyak na gui ci gui.

EZEKIEL 21:28

“Hnicim chang, cängbang ä, kei, uktu Bawipa naw, Israel gui shedam na gui ciah Ammonit gui ka pyen nak gui cu ng’shäu ä. Na pyen nak gui vai cu: Khimsem cu m’di ge khai ah om ci nei: cun cu ngawn nak vai la lailäp ne vai khai ah m’tui pyi nei.

NEHEMIAH 2:19

Keimi naw cun ah kami pawng püi cu, Sanballat, Tobiah la Keshen ming nak ciah Arab naw ng’ya u neta, na gaih tu gui ne ami pyen cu, “Nangmi naw a i bi vai ang nami pawng püi? Nangmi naw uktu bawi hnung tuk vai ah nami pawng ne ma?” cik ci gui.

2 SHONTÄP NAK 20:10

“Tuhbäi Ammon, Moab la Edom chang gui naw na tu gui ci gui nei. Kami pupa gui Egypt ah ka ami law ba yah ung, shin ah khaw ung nang naw kä na luh sak gui ci, cun ah kyasei kami pupa gui naw veing gui ne hteit u ne kä m’di gui ci gui.

2 SHONTÄP NAK 20:1

Api shou hta khäta, Moab la Ammon gakap gui naw ami ng’khawt püi gui Meunites gui awn a täng ah Judah cu tu lawk cu gui.

2 GHANGPUGHANG GUI 24:2

Bawipa naw abi law vai ah a changshäm prophet gui ung a pyen ah mäih ah, Babilonian, Sirian, Moabit la Ammonit gakap gui cu Judah m’di khai gui ah tüi gui ci.

THULÄÄN NAK 2:19

Nangmi cu Lot ah htangshon gui Ammonit chang gui ah khaw awn nami ng’et khai. Kä nami yaica sak gui vai, ma ne kä nami ng’tuk püi gui vai, A i ah kyasei ci ung ngami am ka pek gui pyi ah khaw api phi nangmi am kä ka ning pe gui khai.”

SAM 83:7

Gebala, Ammon, Amalek la Philistia la Tire chang gui ah kyak ci.

2 GHANGPUGHANG GUI 15:16

Menahem naw Tirzah ungka naw a hteh täng ah Tappuah mang gaw cu tu ne a cun ung chang gui la a pei ung ah khaw gui phi m’di gui ci, a i ah kyasei ci ung cun ah mang gaw naw kä ami ng’coipa ah phäh ah kyak ci. Ani naw amgai mah gui avan ah poi phi k’dai ne ngawn gui ci.

2 SAMUEL 12:31

Chang gui phi hlawh gui, k’tu shep, ghei shep la uk ng’shai cu ang ghit ah bi sak gui ci. Ani naw a hei Ammon gawnu gui ung chang gui phi acun ah bi sak gui ci. Cun kawn ah ani la a chang gui cu Jerusalem ah hteit ba ci gui.

2 GHANGPUGHANG GUI 8:12

Elisha naw, “Saya aw, a i ah kyasei na kyah nei?” cik ci. Elisha naw, “Nang naw Israel chang gui hnungtuk püi ne kyih aih vai ah na bi law vai gui cu ka hmat ah phäh ah kyak ci nei” cik ci. Nang naw ami gaw pang gui cu m’khih ne, ami chang nong kyom pi gui cu ngawn ne, ami hmawhta gui cu m’dek teuh na ne ngawn gui ne, m’gäi ciah hnumi gui cu na yawih sak gui khai” cik ci.

EZEKIEL 25:1

Bawipa naw na ng’thu püi ci.

HOSEA 14:1

Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.