AMOS 1:12 - Cho Bible Common Language 2016

¹² Cun ah kyasei kei naw Teman mang gaw khan ah mei yuk chah ne Bozrah mang paang cu ka m’khih khai.”

AMOS 1:12 Referans Kwoze

JEREMIAH 49:20

Cun ah kyasei Edom chang gui hnungtuk püi gui vai ah ka pawng püi cu ngai vä, Teman mang gaw chang gui ung kei naw bi vai ah ka pawng püi phi ngai vä. Ami hta nau gui cu sawkaih gui khai gui, chang nü cu kyi kyawk khai.

JEREMIAH 49:7

Shin cu Edom ah mawng m’gäi ciah Bawipa naw a pyen ah kyak ci; “Edom chang gui naw nik ciah ami m’kheicha nak gui maih sak u ne ma? Ngami m’shüm thein ciah chang gui naw a i bi vai cicu kä m’thein ba gui u ne ma? Ami cüivai nak avan cu maih yawp ne ma?

JEREMIAH 49:22

Hmu naw angphia k’phiant ne amtawn ah mäih ah ga gui naw Bozrah cu tuk khai gui. Cun ah hnüüp ung Edom gakap gui cu anau poi m’hneh ciah hnumi ah mäih ah kyi kyawk khai gui.”

JEREMIAH 49:13

Kei ka mät ka ng’taam ci nei, Borah mang gaw cu hmuh vai ah kyihkyawk vai ah kya ne, bung ah kyak khai nei; chang gui naw m’lepse u ne, aming cu plah taam nak ah mang khai gui nei. Apei yung ah pigaw gui avan cu khonglän ung di khai gui nei. Kei, Bawipa naw ka pyen nei.”

ISAIAH 34:6

Khawihnah nak ah htome la me ah asi la athai khim ung a kawk ah mäih ah ani ah khimsem cu ngami ah si lo thai naw küm khai. Bawipa naw shin ah khawihnah nak cu Bozrah mang gaw bik khai; ani naw shin ah däimduh ciah ngawn sih nak cu Edom kho ung bik khai.

ATÜNNAK 36:11

Eliphaza ah hta gui cu; Teman, Omara, Zepho, Katam la Keneza ah kyak ci.

ISAIAH 34:5

Bawipa naw akhimsem cu khankho ah pawng püi ge ci, ani naw m’di gui vai ah am kyuk pyi ah kho chang Edom kho cu tuhbäi tuk khai.

ISAIAH 63:1

“Edom khaw, Bozrah mang gaw ung lawk ciah chang cu a u ang? A sen ak kyom ah sui ne, huham la k’thamah nak awn ma tawn lawk cicu a u ang?” Hun nak vai awn be ne, a näng nak ng’shäu khai ah lawk ci cu, Bawipa nei.”

EZEKIEL 25:13

Tuhbäi kei naw ka ng’shäu ci, kei naw Edom cu m’kyuk ne, chang la seime ang nü ka ngawn khai. Kei naw Teman mang gaw ung ka naw Dedan mang gaw ung khüt sei ka shiu sak khai, chang gui cu ng’tuk nak ung ngawn gui khai gui.

OBADIAH 1:1

Shin cu Obadiah ah ng’cäbang — Edom pakhui ah mawng, Uktu Bawipa ah ng’thu pyen ah kyak ci. Bawipa naw ang shächang cu pakhui nü ah tüi ci, cun kawn ah ang thu cu kami ng’ya pyi ci: “Pawng vä! Edom tuk vai ah mi hteit kaw!”

HABAKKUK 3:3

Khanpughi cu Edom khaw ah ka law ba ci nei; Khanpughi theing cu Paran m’htung ah ka kyum lawk ci nei, Ani ah hlüngtai nak naw khankho cu küm ci’ khomdek cu ani m’taam nak awn be ci nei.