Biblia Todo Logo
Bib sou entènèt

- Piblisite -




AMOS 1:11 - Cho Bible Common Language 2016

11 Bawipa naw, “Edom chang gui cu leng ba ba ne shekak ci gui, acun ah phäh ah kei naw akcang ah ka m’kyuk gui khai. Ngami naw ami phäi nau Israel gui cu yäi gui ci gui. Israel gui cu Esau ah nau Jakob ah hta ng’shon ah kyak ci gui, ngami cu Edomit gui ah pupa gui ah kyak ci. Israel gui naw m’gein nak kä m’dang ci gui. Ami m’lungshe nak cu kä ng’chüt ci, kä sih sak ci gui.

Gade chapit la Kopi




AMOS 1:11
28 Referans Kwoze  

Esau ah hta ng’shon Edomit gui naw “Mi gawnu gui cu di pyi ci, cun ung phi mi co ba khai” ami ci ung, Bawipa naw, “Co ba u sä — kei naw ka phyet pe ba gui khai nei. Chang gui naw ‘khawshe khaw’ ah khü gui khai, ‘Bawipa naw angtäi sei amlung she nak ah pakhui ah kyak khai gui nei’ ” cik ci.


Egypt cu khaw ng’gau ah kyak khai, Edom cu di pikbäih khai, a i ah kyasei ci ung ngami naw Judah khaw tu ne, changnigui ami ngawn ah phäh ah kyak ci.


Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.


O, Bawipa, nang ah kawn ah ahei Khanpughi kä om ci. Om ba ciah na chang gui ah ami katnak cu na m’gein ci, nang cu angtäi sei na m’lung kä shek ci, na na m’hni nak gui dang khai ah na yeikyai nak om ci.


Nami m’lung nami k’üüp vai; ng’u hneit nak cu guktaak nak ah kyak ci.


“Edomit chang gui kä nami päipih gui vai, ngami cu nami mätyah ah kyak ci gui. Egypt chang gui kä nami päipih gui vai; nangmi cu ngami ah khaw ung nami om tu man ci.


Nangmi cu Khanpughi ah hta nau gui ah nami kyak ci, ani ah mäih ah om vai ah nami tha nak vai.


Bawipa naw a chang gui am, “Kei naw angtäi sei ka ning m’hni gui ci nei” cik ci. Cun ung phi ngami naw, “Na na m’hni nak gui cu a i hawkcha ah na m’dang khai ang?” cik ci gui. Bawipa naw, “Esau la Jakob cu ng’phäi nau goi ah kyak ci, cun ung phi Jakob la a hta ng’shon cu kei naw ka m’hni ci.


Kei naw ka chang gui am ghin nak ka pek ci, kei naw ngami cu kä ka k’dün ba gui khai, ngawi yä kä ka m’lungshe naba gui khai.


Keimi ah khan ah angtäi sei na m’lungshe khai ma? Na m’lungshe nak kä gei phung khai ma?


Zeikyai ding gei ciah pakhui gui ah khan ah anghtei ah ka m’lungshe ci nei. A i ah kyaseici ung kei naw ka chang gui ah khan ah ka m’lungshe nak ka m’dang law vai ung, cun ah pakhui gui naw, ka chang gui ani geinvai vai ah akshe ah bik ci gui nei.


“Tuhbäi Ammon, Moab la Edom chang gui naw na tu gui ci gui nei. Kami pupa gui Egypt ah ka ami law ba yah ung, shin ah khaw ung nang naw kä na luh sak gui ci, cun ah kyasei kami pupa gui naw veing gui ne hteit u ne kä m’di gui ci gui.


Shin cu ami na thung nak gui ah kyak ci — ngami law u ne, na na pek nak gui ah khaw ungka na k’täm gui ci gui.


Akni cu ngami naw hnungtuk ci gui nei, Cun ah kyasei ngami cu ga gui naw k’täm gui ci gui.


Swiv nou:

Piblisite


Piblisite