3 JOHAN 1:8 - Cho Bible Common Language 2016

⁸ Mikmi khritha gui naw cun ah mäih chang gui cu mi m’htei gui vai ah kyak ci nei. Cun ung vah ngami ah thudüng ah mawng bilawh nak cu mi hunshawih gui ciah kyak khai.

3 JOHAN 1:8 Referans Kwoze

3 JOHAN 1:10

Kei ka law ung ani ah bilawh gui phung cu ka ning m’thein gui khai nei. Ani naw mikmi cu kä na yei nah gui ne, nam hleei gui ne thu pyein ci nei. Cun bäng ah kä kyak ciah, Khritha phäi nau gui ami law ung kä dou gui ci, dou gui hlük ciah chang gui phi maa nah gui ne, khrithabum ungka k’täm gui vai ah phi k’tha nak ci nei.

PHILIMON 1:24

Kei naw a täng ah kami bi ghawm ciah Makuh, Aristakas, Demas la Luka gui naw phi acun ah yeikyai ne yavaih nak pyein ci gui nei.

PHILIMON 1:2

nang mi awn pum ci gui ah khrithabum ni, mi be Apphia la gakap mi teihpüi Archippus ni awn ca ka ning guk law gui ci nei.

1 THESSALONIAN 3:2

Bawi Khrit ah mawng Thu Ni pyein nak ung keimi awn a täng ah Khanpughi ah khuut bik ciah kami nau Timothi cu kami tüi lawk ci nei. Ani naw nangmi-am thagui ning pe gui ne, nami yum nak ning hnünthawh püi gui khai ah kami tüih law ah kyak ci nei.

KOLOSE 4:11

Justus ami ciah Joshua naw phi ning yavaih na gui ci nei. Acun ah ng’thu gui cu yum ciah Jew chang gui ah kya u ne, Khanpughi ah uknak kho ah hmawk ah kei awn a täng ah bi bi u ne, kei cu aktung ah nam hteihtang ci gui nei.

PHILIPPIAN 4:3

Ka ngaih u, ka ning paw nang naw, cun ah hnumi gui cu nam hteihtang tu gui vai nei. Ngah mi cu Thu Ni ng’shäu ne pyein nak ung kei awn a täng ah k’tha nah ne bilo ci gui ah kyak ci. Cun ah bi nak ung Clement la Khanpughi ah ghin nak ca-uk ung a ming om pyi ciah, a hei bilo tuk ciah chang gui phi om ci gui.

2 KORIN 8:23

Titus cu nangmi ah hmawk ah kei awn a täng ah bi bik ciah kyak ci; ani awn lawk ci gui ah kami nau gui cu, khrithabum ah ghü gui, Bawi Khrih ah bämang nak law püi ci gui ah kyak ci.

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

LUKA 11:7

Im mah naw “Kä na k’pam cai gui ä, choh kami khai pyi ci nei, kei ka hta gui awn kami ip pyi ci nei, let law ba ne m’htut kä ka ning hang pe ba hlawt khai nei” cine kyong ah om ne ak pyein khai.

MATTHE 10:40

‘Nangmi ning dou gui cicu kei na dou ciah kyak ci.

MATTHE 10:14

Kä ning dou gui ne nami ng’thu kä ngai ciah im, pigaw a om ah a kiak ung, acun ungka lut law ba ne, nami kho ung m’vut phi nami khawn shüt vai.

3 JOHAN 1:7

Ngahmi cu kä yum ci gui ah m’theithang nak kä dou u ne, Bawi Khrit ah khuut bi vai ah ng’düi lawk ci gui ah kyak ci nei.

3 JOHAN 1:9

Kei naw khrithabum-am ca gu ne ka pek ci, cun ung phi ami ng’vaihta Diotrephes naw kei ah thu cu kä ngai ci nei.

SAM 94:16

Changshe gui hnu ng’tuk püi ne, kei täng ah ng’düi khai a u ang? Cheishoh ci gui hnu na ne, kei täng ah om khai a u ang?