3 JOHAN 1:7 - Cho Bible Common Language 2016

⁷ Ngahmi cu kä yum ci gui ah m’theithang nak kä dou u ne, Bawi Khrit ah khuut bi vai ah ng’düi lawk ci gui ah kyak ci nei.

3 JOHAN 1:7 Referans Kwoze

THU PHLAAN 2:3

Nang cu hniimgei nak om ci, kei ah hmawk ah ang htei ah na yaica ci, kä nam lungksi ci,

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

2 KORIN 12:13

Kei naw nangmi cu a hei khrithabum gui ah mäih ah m’täng ne ka ning om püi gui ci, ngui ah mawng bäng ung kä ka ning bilawh sak gui ci. Cun ah kä täng khai ah ka bi ah hmawk ah kei cu nami nam gein vai nei.

2 KORIN 4:5

Keimi naw ka mi mät ah mawng kami pyeinsak ah kä kyak ci; Jesuh Khrih cu Bawi ah a kyak ah mawng la keimi cu Bawi Jesuh ah hmawk ah nangmi ah changshäm ah kami kyak ah mawng kami pyein ci.

1 KORIN 9:18

Kei naw a i ng’cheng ka gah khai ang? Kei ah gah cu, ng’cheng kä om ciah Thu Ni ng’shäu ne pyein nak la, cun ah pyein ah phäh ah gah ah khin ci gui cu kä k’thäh ah ka om nak hning ah kyak ci.

LAMKTU 9:16

Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.

LAMKTU 8:4

A khaw hei hei ah püipiang ci gui ah yum ciah chang gui naw ng’Thu Ni cu hei pyein vük ci gui.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

JOHAN 15:21

Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.

LAMKTU 20:33

Kei naw chang ah ghui, ngui, sui awi kä kam hni ci.

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

PHILIPPIAN 2:9

Shin ah a mawng ung Khanpughi naw Bawipa cu, thawh ba sak ne, Ak hlüng pi k’bäih ah Khankho hmun ung, ming thang ni ciah hlüngtai pi ciah, ming cu pek ci.

3 JOHAN 1:8

Mikmi khritha gui naw cun ah mäih chang gui cu mi m’htei gui vai ah kyak ci nei. Cun ung vah ngami ah thudüng ah mawng bilawh nak cu mi hunshawih gui ciah kyak khai.