3 JOHAN 1:6 - Cho Bible Common Language 2016

⁶ Ngahmi naw nang ah m’hni nak ah mawng cu khrithabum ung pyein lawk ci gui nei. Ngami naw Khanpughi naw a yei nak ah, a khuut cu ma lam ah ami bi lä thei vai ah, nam theithang gui vai nei.

3 JOHAN 1:6 Referans Kwoze

1 THESSALONIAN 2:12

Thamah nak kami ning pe gui ci, m’lung üp ngaih gep nak kami ning pe gui ci, amät ah uknak kho kyong ung lut tu ne, abämang nak nami gah tu vai ah, ning khü gui ciah Khanpughi ah ang yak hlü ah nami ghin vai ah kami ning thawhlet sak gui ci.

TITUS 3:13

Thukhän bawi Zenas la Apollos ah htehhton nak vai cu k’tha nah ne m’hteihtang goi ä, a ni ng’yak hlü gui cun phi küm khai ah teng m’kein goi ä.

LAMKTU 15:3

Khrithabum gui naw cun ah ami chang ghü gui cu pigaw k’pung ah khüt ne tha gui u sei, Rhoenicia la Samaria kho gui cu sun ne hteit ci gui. Cun ah ami hteh nak lam ah khritha gui ah ma ah changpakhui hei gui naw Khanpughi ami yum law tu a mawng cu m’thein tu gui ci gui; cun ah a mawng gui cu ng’ya u netah yum ciah chang gui cu yeikyai ci gui.

1 PETER 2:20

Nangmi cu nami cheishoh nak ah hmawk ah ng’lüm ne geinvai nak nami aut ah phäh ah ning m’hlüngtai gui vai, a i kä om ci nei, cun ung phi düng nak nami bi ah hmawk ah geinvai nak cu ng’lüm ne nami aut läi ung, Khanpughi naw bä nak ning m’shumphyuk gui khai nei.

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

PHILIPPIAN 4:14

Cun ung phi kei ka yaica yah ung nang mi naw nami nam htei cu ang htei ah bä ci nei.

2 KORIN 1:16

Macedonia kho ah ka hteh lam ah hnü ät, ka law ba lam ah hnüt ät, ka lawk khai, cun ungka naw Judea kho ah ka hteh hlawt vai ah nami na m’htei khai ah ka ngai ci.

ROMAN 15:24

tuk bäi ka law hning khai ah ka ngai ci nei. Kei cu Spain kho ah ka hteh lam ah, nang mi ah ka lawk khai ah ka ngai te ci, nang mi ah om nak ah a shäng ka om tu kawn ah, Spain kho ah ka hteh hlawt vai ah nami na m’hteihtang tu vai ka ng’ya hlük ci nei.

LAMKTU 21:5

Cun ah ngah mi awn kho hnüüp chih kami om tu kawn ah k’täi ne kami hteit ba ci. Zum ciah chang gui cu ami k’chu, ami hta gui ni, ami van naw pigaw k’pung tui kam pei ah khüt ne na tha tu ba gui u sei, tui kam ah kami van m’khuuk doong ne kami taigü ci.

3 JOHAN 1:12

Chang nüng naw Demetrius ah ni nak cu pyein ci nei, thudüng mät naw phi ani ah ni nak cu dang sak ci nei. Keimi naw ani ah ni nak cu kami be sak hlük ci, Keimi ah thu ang düng ah mawng cu, nangmi naw nami hmat ci nei.

LAMKTU 15:29

A gawn kheik ne ngawn ah sa kä ei vai, kä ng’yawpawm dütdüt vai, ciah thukhän nah kawn ah a hei phuih gih nami khan ah kä a gawk law vai ah Mumcha Theing awn keimi kami gup ät ci nei. Shin ah a mawng gui cu nami hlawi ah khoi ung nangmi ah hmawk ah bä ei khai nei. Gai ne yei ne om vä!” ciah guk ci gui.

JONAH 4:4

Bawipa naw, “Nang ung na m’lungshe nak hning vai a i om ne ang?” cine kyak nak ci.

ATÜNNAK 4:7

Ng’düng ciah bii na bi vaisü ung na hmai kiang khai süte; cung phi akshe na bik ci kyasei, katnak cu na m’kawt ung ng’boop ci nei. A cun naw ning uk vai ci nei, cun ung phi nang naw na m’khüt vai nei” cik ci.