3 JOHAN 1:4 - Cho Bible Common Language 2016

⁴ Ka hta gui thudüng ung nami ghin ah mawng cu ng’ya ne ka yei ah kawn ah, kei na yei sak ci a i kä om ba ci nei.

3 JOHAN 1:4 Referans Kwoze

KALATIAN 4:19

Kam hni ah ka hta nau gui aw! Bawi Khrit ah m’lung ngaih nangmi ung kä a om pha ah chuih, kei cu hta lawk khai ah nu ah mäih ah ka yaica ci nei.

2 TIMOTHI 1:2

Kam hni ah ka hta Timothi am ca ka ning guk lawk ci nei: Pa Khanpughi la Hunbawi Khrit Jesuh ah m’gein nak, chihnaa nak la dimdeih nak cu nak khan ah om sä.

1 TIMOTHI 1:2

Zum nak ung ka hta akcang ah kya ciah Tomithi-am ca ka guk law ci nei: Mi Pa Khanpughi lah Bawi Khrih Jesuh ah geinsei nak, chimhnat nak la dimdeih nak cu nang ung om sä.

NG'THU K'THUUK~ 23:24

Düng ciah chang ah apa cu a yeikyai nak vai ah amawng akni om ci. Nang cu cüvai ciah na hta awn na khäghah hning ci.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

1 GHANGPUGHANG GUI 3:6

Solomon naw, “Nang naw angtäi sei, na changshäm kapa David ung dämduh ciah m’hni nak cu na m’dang ci. Ani cu nang ung ang mätyah nak awn ni ne, bekhüt ne, düng ciah kyak ci. Nang naw k’täi ne, amät ah hnün ung tuhngawi uk ba khai ah htapa pe ne, dämduh ci la ng’täi ciah na m’hni nak cu na m’dang ci.

1 GHANGPUGHANG GUI 2:4

Nang naw na ngaih ah a kyak ung, Bawipa naw abi ah shaitak cu k’pang khai, ani naw ana pyen nak cu, kei ah ka htang’shon gui naw ami m’lung kyong m’lung ngaih avan awn ani ah thumkhän cu bekhüt ne, geing na ne ami läk ah chuih Israel cu uk khai gui nei.

KALATIAN 2:14

Cun ah ngami ah bilawh cu ng’Thu Ni ah ng’düng nak awn kä ah ng’müi law cu, kei naw hmu netah, chang gui ah ma ah, Peter-am, “Nang cu Jew chang ah na kyak ci, cun ung phi chang khui hei ah mäih ah na om ci, Jew chang ah mäih ah kä na om ci. Cun ah kya lang ne a i ah kyasei khui hei chang gui Jew chang gui ah mäih ah ami om tu vai ah na ling nak gui ang?” cine ka ng’shik ci.

PHILIMON 1:10

Cun ah kyasei Bawi Chrit ung ka hta ah kyak ciah Onesimus ah hmawk ah kei naw ka ning pa nak ci a i ah kyasei ci ung, thawng ka kium nak ah kei cu, mümcha lam ung ani ah pa ah ka kyak lawk ci.

ISAIAH 8:18

Shin ung kei cu Bawipa naw ana pek ah ak hmaw gui awn atäng ah ka om ci nei. M’gäi ciah Bawipa, Zien m’htung ung among kyang om ci naw, Israel chang gui am, ghing ciah thu.

ISAIAH 38:3

“Na shümbaä, Bawipa, kei naw bekhüt nak la düng nak awn nabi ka bik ci nei, nang naw ka bi vai ah na ng’yak hlü gui cu k’tha na ne ka bik ci nei,” Cun ci neta ani cu aktä ah kyap ci.

2 KORIN 6:13

Tuhbäi kei naw ka hta gui ah mäih ah ka ning m’cäi gui ci nei; Keimi ah ning ngaih gui ah mäih ah na ngai gui u ne, nami m’lung choh a ng’shawng ah k’hmawng vä!

1 THESSALONIAN 2:11

Apa naw a hta am htei ah mäih ah keimi naw ak chang sing kami ning m’htei gui cu, nami hmat ci.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

2 JOHAN 1:4

Na hta amshah gui cu, Khanpughi ah thukhän ah mäih ah, thudüng ung ami ghin cu hmat ne, ang htei ah ka yei ci nei.