2 TIMOTHI 4:2 - Cho Bible Common Language 2016

² Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

2 TIMOTHI 4:2 Referans Kwoze

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

TITUS 2:15

Shin ah a mawng cu m’theithang gui ne, thagui na peit nak gui la nam cäi m’ä nak gui ung, na huham cu ak be ah na mang vai nei. A u chang naw phi nang cu kä ning yokshe en ah sä.

1 TIMOTHI 4:13

Kei kä ka law pha ah chuih chang gui ah ma ah caciim phat ne, thu pyein ne m’theithang ne, k’tha na ne na bi vai nei.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

2 TIMOTHI 2:21

Cun ah ak shekha gui phung ungka theingcim ciah chang cu a bawi ah hmawk ah bä ne, ak ni phung bi ge khai ah om ciah kya ne, ak küikyang ah kyak ci, a küi kyang nak ung mang hlü vai ah kiak ci.

KALATIAN 6:6

Khritha thuni ng’theithang tuk ciah chang naw, m’thei tuk ci-am ngui ghui khawh chaam cu a peit taak vai nei.

ROMAN 12:12

Nami ngaih u om ci kya sei nami yeikyai vai, yaica geinvai nak nami aut law ung hnimgein nak om sä, angtäi sei nami k’taigü vai nei.

2 TIMOTHI 3:10

Cun ung phi nang cu kei ah m’theithang om ih, la ka ghin nak ung kang bü nak gui cu hmat ne na läk ciah kyak ci nei. Ka yum nak, ka hnimgei nak, kam hni nak, ka khüighaat nak,

1 TIMOTHI 5:20

Shetkat nak bik ciah chang cu, chang a hei gui ami kyihkyawk vai ah phäh ah, chang khli ah lung ah nami m’cäi vai nei.

KOLOSE 1:25

Khanpughi naw kei cu khrithabum ah changshäm ah na pyang pyi ci nei, cun cu nangmi ah ni kyom nak vai ah kei-am ana peit ah kyak ci. Cun cu Thu Ni kümbe khai ah ng’shäu ne pyein nak vai ah kyak ci.

ROMAN 10:15

Thu ng’shäu khai a u naw kä a tüih ung, a u naw thu ng’shäu ne pyein khai ang! Cacim theing naw, “Thu Ni yon lawk ciah thukpüi gui ah law nak cu ng’khän häih häih ci nei”,

JONAH 3:2

Ani naw, “Nineveh mang gaw ah na hteh vai, ka ning pek ah thuni cu chang gui ah ng’lung ah na shäu vai “ci ne kyak nak ci.

LAMKTU 20:7

Hnüüp chih hnüüp ung keimi cu vunvai ne ei auk vai ah kami ng’bum ci. Paul cu a ngawi ung hteit law ba khai ah kya netah cu mü kho cawih ung khüt sei thu pyein ne m’thei thang gui ci.

LAMKTU 16:13

Kyin hnüüp ung keimi cu pigaw k’pung ah lut law u ne, Judah chang gui ah taigü nak hmun om khai ah kami ngaih nak ah tui kam pei ah kami hteit ci. Acun ung hnumi gui ana ngo u sei, ngoh tu u ne kami m’thein tu gui ci.

LUKA 9:60

Bawipa Jesuh naw, “Aksi cu aksi gui naw m’cim u sä, nang hteit ne Khanpughi ah Uknak kho ah mawng cu na pyein vai nei” ci nak ci.

LUKA 7:4

Bawipa Jesuh ah gawk u netah, “Shin ah gabawi cu nang naw nam gein vai ah bä ci nei.

1 THESSALONIAN 5:20

Mumcha Theing awn ak phyutheh ah küikyang ciah thu cu kä nami päipih vai.

LUKA 7:23

Kei ah khan ah ang ngaih gep cicu yeikyai nak akda om ci nei” cine m’thein goi ci.

SAM 40:9

Bawipa, na chang gui avan kami ng’bum nak ung, Na na hun gui ah mawng thu ni cu ka pyen khai nei. Kei naw kä ng’düm phung ne ka pyen vai cu nang naw na hmat ci nei.

2 TIMOTHI 2:25

Ani hnu ng’tuk püi ciah chang gui cu ang awi gi ah m’cäi thei ciah kiak khai. Cun ah chang gui cu ng’ya ba u ne, thu thuuk ami hmat tu vai ah Khanpughi naw akhin k’ni pe gui khai nei.

HEBRU 13:22

Phäi nau gui aw, shin ah k’tha peit nak cu hnimgei ne nami ngaih vai ah ka ning paa nah gui ci nei. Tuhbäi ca ka ning guk law gui cu kä ng’sau aih hnga ci nei.

LAMKTU 28:16

Romah kami gawk awn ah Paul cu, amät bäng, gaakap tumat naw angäng tu hnga vai ah a khin gah ci.

LAMKTU 13:5

Ngahni cu Salamis ah gawk ni netah Judah gui ah pum im ung Khanpughi ah thu pyein ci goi. Johan Makuh cun phi ani bi bi lawh püi gui ne ng’gui tuk ci.

KOLOSE 4:3

Keimi ah hmawk ah phi nami taigü vai. Cun ung Khanpughi naw keimi-am a khin k’ni cu na pe gui sei, keimi naw ng’yih ciah Bawi Khrit ah mawng, ng’Thu Ni cu kami shui khai. Acun ah hmawk ah kei cu tuhbäi chü thawng ung ka kium ci nei.

1 THESSALONIAN 1:6

Nangmi naw keimi la Bawipa cu nami na ng’thei nak gui ci; nangmi cu yaica geinvai ne nami kya pang ung phi, Mumcha Theing awn lawk ciah Thu Ni cu yeikyai ne nami gah ci.