2 TIMOTHI 4:18 - Cho Bible Common Language 2016

¹⁸ Bawipa naw kei cu shetkat nak phung ung nak phiawn ne, amät ah Khan mawpi uknak ah ngaih gep vai ah na hteh püi khai nei. Ani ung bämang nak cu ngawiyä khäng ne om sä! Amen.

2 TIMOTHI 4:18 Referans Kwoze

SAM 121:7

Bawipa naw kyihkyawk nak phung ung ning shung vong khai; ani naw k’pang ne ning k’piawn khai.

2 THESSALONIAN 3:3

Cun ung phi Bawipa cu bekhüt ciah kya ne, thagui ning pe gui ne, akshekha ah tüihtok nak ung ning phiawn gui khai.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

1 THESSALONIAN 5:23

Dimdeeih nak ah a phung Khanpughi naw, a mawng alam avan ung ning theingcim sak gui sä! Bawipa Jesuh Khrit a kyum law ba ung ng’ä vai kä om khai ah, nami mumcha, nami m’lung ngaih, nami pumsa avan cu Khanpughi naw ning kut shum gui sä.

SAM 73:24

Nang naw na cüi vai nak awn lam na nam shüm ci, Ak hnu ah m’taam ne na na do khai.

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

2 KORIN 1:10

Cun hlawk ah kyih aih vai ah sih nak ung kaa, Bawipa naw na hun gui ci; na hun ba gui khai; cun kawn ah phi na hun ba gui mä khai ah yum ne mi ngaih u ci.

ROMAN 11:36

Ang tüi avan cu Bawipa ah tüi sho ah kyak ci. Ang tüi avan cu ani awn ghing ne, ani ah hmawk ah om ci gui. Khanpughi ah bämang nak cu angtäi sei cüi vai sä! Amen.

SAM 92:10

Nang naw kei cu pyawng ah mäih ah na gai sak ne, yeikyai nak hriham na na pek ci.

SAM 37:28

Bawipa naw düng cicu m’hni ne, bekhüt ciah ak chang cu kä nawng ci, Ani naw angtäi sei ngäng gui ci, Cun ung phi changshe ah hta ng’shon gui cu, gawt ne k’täm gui khai.

MATTHE 13:43

Cun yah ung Khanpughi ah chang gui cu ami pa ah uknak kho ung, khohni ah mäih ah khang ne om khai gui. Ng’yak nak vai ah hnga om ci phung naw ng’ya sä,” cine m’thein gui ci.

1 SHONTÄP NAK 4:10

Cun ung phi Jabez cu Israel Khanpughi ah taigü ci, Khanpughi aw, hriham na peä, khaw akda na peä. Kei cu a täng ah na om püi ne, na natsak khai ah akshe phung ungka na shung vong ä. Ani ah ak taigü cu Khanpughi naw ngaih pek ci.

JOHAN 17:15

Cun ah kya ne m’dek chang naw ngami gen gui ci gui. Ngami cu shin ah m’dek khan ung kaa, nang naw na hteh sak gui vai ah, ka taigü ah kä kyak ci, ngami naw khoshe ami phiawn nak vai ah, nam htei gui vai ah ka taigü ah kyak ci.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

ATÜNNAK 48:16

Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

1 PETER 5:11

Ani ah khan ah hlüngtai nak angtäi ah om sä! Amen.

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

KALATIAN 1:5

Khanpughi ah bämang nak cu angtäi sei deikhang sä! Amen.

ROMAN 16:27

Tumat bäng nak ciah Khanpughi nah ne, a päng avan lunglang hmuhmat ciah Khanpughi cu, Bawipa Jesuh Khrit awn angtäi sei bämang ne om sä! Amen.

LUKA 22:29

Kapa Khanpughi naw uknak vai ana peit ah mäih ah nangmi-am ka ning pe gui ci.

LUKA 11:4

“Na kat na gui ci kami m’gein ah mäih ah Kami katnak na m’gein gui ä, Tüihtok nak ung kä gawk vai ah, Kä nik ci phung ung na m’htei gui ä”, ci ne nami taigü vai cik ci.

1 SAMUEL 25:39

David naw Nabala ah a sih cu ng’ya neta, “Bawipa m’tam nei! Ani naw na yawshe nak ciah Nabala ah khan ah phu tu pyi ci nei, ana changshäm cu a hma ka bi nak vai ung ka, nak pang ci nei. Akshe ah a om ah phäh ah Nabala cu Bawipa naw m’kyuk pyi ci nei” cik ci. Cun kawn ah David naw Abigail am ng’shä tüih ne, ak chu nak ba vai ah mawng pyen ci.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

1 SAMUEL 17:37

Bawipa naw kawng la khawm ah kut ung ka na hun ci; ani naw shin ah Philistin ung ka na hun khai.” Saul naw, “Bä khai, hteit ä, Bawipa naw ning om püi khai” cik ci.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

1 KORIN 1:21

Khomdek chang ah hmuhmat nak awn Khanpughi a u naw kä a hmat hlawt vai ah, Khanpughi naw ak cüikhai nak awn pyang ci nei. Chang gui naw gu-aang nak ah ami ngaih ah, keimi ah pyein ah thu awn yum ciah chang gui cu hun gui vei ah Khanpughi naw k’bäi ci nei.

1 KORIN 15:50

Phäinau gui aw, kei naw ka pyein hlü cu, si la sa awn pyan ah chang naw Khanpughi ah uknak kho kä khäm hlawt khai. Thuka thei cicu käthuka thei ciah kä kya hlawt khai.

2 TIMOTHI 4:1

Khanpughi ah ma la aksi ak ghing avan ng’thumcha khai ah Bawi Khrit Jesuh ah ma ah kei naw khen ne ka ning m’thein cu, Bawipa cu Ghangpughang ah kya ci, kya ne uk khai ah kyum lawk ci nei.

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

2 PETER 1:11

Cun ah kyasei nangmi cu, Hunbawi Jesuh Khrit ah ng’täi ciah Uknak Kho ung luh nak vai ah ng’düng nak cu nami gah khai nei.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.