2 TIMOTHI 4:17 - Cho Bible Common Language 2016

¹⁷ Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

2 TIMOTHI 4:17 Referans Kwoze

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

SAM 22:21

Kawng gui ah m’gawng ung nak phyawn nä; Shin ah se nget gui ung kei nak phyawn khai kä om ci nei,

1 SAMUEL 17:37

Bawipa naw kawng la khawm ah kut ung ka na hun ci; ani naw shin ah Philistin ung ka na hun khai.” Saul naw, “Bä khai, hteit ä, Bawipa naw ning om püi khai” cik ci.

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

HEBRU 11:33

Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

SAM 109:31

a i ah kyasei ci ung, ani naw dukhaih ci gui cu shungvong gui ne, sihnak ah ami m’kyuk nak gui ungka hun gui ci.

LAMKTU 23:11

Acun mü Khanpughi cu Paul ah ma ah ng’düi netah, “Kä na kyih vai, nang cu Jerusalem ung kei ah mawng na saksi ah mäih ah Rom ung phi na saksi ba khai nei” cine pyen nak ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

MATTHE 10:19

Cun gui ah kut ung ami ning ap gui ung, a i pyein ne ng’thu vai, a i ah ng’thu vai cu kä nami ng’ä vai;

DANIEL 6:27

Ani naw hun ci, gung ci nei; Ani naw cäicat gui vai la cäi aih gui vai cu khankho la khomdek ung dang sak ci nei. Ani naw Daniela cu phongkawng gui naw ami lawh vai süte hun ci nei.”

ISAIAH 41:14

Bawipa naw pyen ci, “Israel gui, nangmi nami zaw ken pang ung phi, kä nami kyihkyawk vai nei, kaning m’htei gui khai nei. Kei, Theingcim ciah Israel khanpughi cu nangmi ning hun gui ciah ka kyak ci nei.

2 TIMOTHI 3:11

ka dukdeiu nak, la ka geinvai nak gui cun phi nak shing pyi ci nei. Antioch, Iconium, Listra gawnu gui ung, kei naw a i hlawk ah dukdeiu nak ka buiaut gui cu na hmat ci nei. Cun ung phi Bawipa naw cun gui ungka nak phiawn pyi ci nei.

1 TIMOTHI 1:12

Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

2 KORIN 12:9

Cun ung phi ani ah nam shan nak cu, “Nang nak tha a ken yah ung kei ah hlüngtai nak cu, ak kuikyang pi ah kyak ci, cun ah kyasei kei ah m’gein nak bäng cu nang ung hlü ciah kyak ci” ciah kyak ci. Cun ah kyasei kei cu Bawi Khrit ah hlüngtai nak ung ka ng’yii nak vai ah, kak tha a ken ah hmawk ah, yeikyai aih ne ka khäghah ci nei.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

NG'THU K'THUUK~ 28:15

Dukhaih ci gui cu uktu gi naw hnu na gui u sei amgein kaa ah kyak ci gui. Ani cu m’ngawk ciah kawng la khawm ah maih ah kyih vai ah kyak ci.

NG'THU K'THUUK~ 20:2

M’ngawk ciah phongkawng kyih ah maih ah m’lungshe ciah ghangpughang cu nami kyih vai. Ani m’lungshe sak cicu ng’cawh ciah kyak ci.

LUKA 1:1

Mikmi ah yum nak ung dang pyi ciah a mawng tung gui cu chang akda naw aknipi ah gu ne pyang pyi ci gui.

ROMAN 15:31

Judea kho ah kä yum ciah chang gui ka phiawn nak gui vai ah kei ah m’hteihtang nak gui cu, Jerusalem a kaa Khanpughi ah chang gui naw yeikyai ne ami dou nak hning vai ah, nami taigü vai nei.

2 TIMOTHI 2:1

Ka hta, Bawi Khrit Jesuh ung kawng ät nak awn mi gah ah m’geinsei nak awn k’thamah ne om ä.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

2 TIMOTHI 4:5

Cun ung phi nang läi cu, a i chü ah a mawng ama na buiaut ung phi, na mät ngaihmah ne na om vai, geinvai nak na näng vai, Thu Ni cu ng’shäu ne na pyein vai, Khanpughi ah changshäm ah kya ne bi vai phung cu m’khüt näng ne na bi vai.

TITUS 1:3

Akhin küm law khätah, cun ah angtäi ghin nak cu, ang thu awn dang law sak ci. Cun ah Thu Ni cu kei am ana ap ah kyasei, mi Hunbawi Khanpughi ah k’bäi nak awn kei naw ka ng’shäu ci nei.