2 TIMOTHI 4:16 - Cho Bible Common Language 2016

¹⁶ Kei cet ne ami na ng’shi sang ung, kei na hunshawih khai ah a u phi kä ng’düi lawk ci, van naw kei cu na nawng ci gui nei. Khanpughi naw ngami ah bi nak cu kä ngaihdam men pe gui sä!

2 TIMOTHI 4:16 Referans Kwoze

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

JOHAN 16:32

Nangmi nami im phäh phäh ah püi ne nami dawng nak ba vai ah a khin gawk lawk khai nei. Kei cu ka mät nami na nawng shüt khai. Cun ung phi akcang ah ka mät kä ka om khai, Kapa naw na om püi khai.

MAKUH 14:50

Cun yah ung ang düihpüi gui cu Bawipa Jesuh nawng shüt ne püi ne dawng yawp ci gui.

1 PETER 3:15

Nami m’lung kyong ung Bawi Khrit cu kyih aa u ne, Bawipa nei ci ne m’tamkhah vä, Ani yum ne nami ngaih u ah mawng ning shi gui ci a om ung, nami m’thein tu ge thei vai ah nami om vai nei.

2 TIMOTHI 4:10

Demas cu m’dek khan am hni nak awn, kei na nawng ne, Thessalonika ah hteit ci nei. Creseens cu Kalatia ah, Titus cu Dalmatia ah hteit ci gui nei.

2 TIMOTHI 1:15

Na hmat pyi ah mäih ah Asia khopäng, Phigelus la Hermogenes gawnu gui ung chang gui naw kei cu na hnu na pyi ci gui nei.

PHILIPPIAN 1:17

Chang amshah gui naw Bawi Khrit ah mawng cu m’lung ngaih k’ni awn ah kä kyak ciah ami mät ami m’hlüngtai nak hlü awn pyeinsak ci gui. Ngami naw thawng ka kyum ciah kei cu ka yaica nak pi vai ah ami bi ah kyak ci.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

2 KORIN 7:11

Nami thüisei nak ung Khanpughi ah bi bi cu teng vä! Nami k’thamah law pyi ci, nami katnak a theing ah mawng nami m’dang law pyi ci, nami m’lung k’she ah phäh ah nami ng’ä pyi ci, nami kyikyawk pyi ci, nami ng’ap pyi ci, cheishoh nak m’kat vai nami hmat pyi ci, a mawng avan ung katnak nami phyawn nak ah mawng nami mät naw nami m’dang pyi ci nei.

1 KORIN 9:3

Kei na täitawk ciah chang gui ah ma ah shikchaa ah ka ng’thu hlük ci:

LAMKTU 25:16

Kei naw, ami chak ah chang tumat cu, chak ci gui ah chang gui awn mik hmai ng’chum sei kä ng’hmu sak ah, ngami ah chak nak ah mawng cu am hlan nak tu ba gui vai ah, a khin kä peit ah, k’sung ne m’kat cu, Roman thung ah kä kyak ci, cine kam thein gui ci.

LAMKTU 22:1

“Israel chang nupa phäi nau gui aw, tuk bäi ka mät ah mawng phlehphlang ne ka pyein lawk khai na ngai tu vä!

LUKA 12:11

“Chang gui naw nangmi cu, yung ah m’kawt mang ah khlaak ung phi bäi, bawi ah maa mang ah maa ah phi bäi, khaw ne ami ning düih sak gui ung, a i chaa ah ka ng’thu khai, cine kä nami ng’ä vai,

1 KORIN 13:5

M’Hni nak cu ak she kä shui ci, mät ah chaw ah kä k’hman ci, kä m’lung k’she ci, chang ah katnak kä m’kat ci:

2 TIMOTHI 4:15

Nang naw phi ani cu na ngaih nak vai nei, ani cu mikmi ah thu pyein, hlinghling ah hnu ng’tuk püi ne, thu pyein ciah chang ah kiak ci nei.