Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.
Kei cet ne ami na ng’shi sang ung, kei na hunshawih khai ah a u phi kä ng’düi lawk ci, van naw kei cu na nawng ci gui nei. Khanpughi naw ngami ah bi nak cu kä ngaihdam men pe gui sä!
Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.
Ngahmi cu lam düng nawng ne lam hma pyi ci gui, ngami cu Balaam ah htapa Beor ah lam läk pyi ci gui. Balaam cu cheishoh nak awn gah ah ngui cu m’hni ci kya ne,
Kei awn yum nak täng ne ka hta akcang ah kyak ciah Titus am ca ka guk lawk ci nei. Pa Khanpughi la mi Hunbawi Khrit Jesuh naw geinsei nak la dimdeeih nak cu ning pe sä.
Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.
A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.
Cun ah Paul naw Berea gawnu ung Khanpughi ah Thu Ni a pyein ah mawng cu Thesslonika ah Judah chang gui naw ng’ya u netah, Berea ah law u ne chang gui cu touk ne thüngphyong sak ci gui.
Cun ung phi Paul naw ami bi bi nak ang pyi güt ah kä hteh tu ah nawng en gui ne Pamphilia ung hlah ta gui te ci kyasei, ani khü tu ba vai cu kä yum ci.
Paul la a paw gui cu Paphos gawnu ungka htinpaw awn Pamphilia kho, Perka gawnu ah gawk ci gui. Acun ung Johan Makuh naw nawng gui shüt ne Jerusalem ah hteit ba ci.
A u chang phi bawimang hnih ah changshäm ah kä kya hning ci, Ani cu tumat gen ne tumat m’hni lawk khai. Tumat ah khan ah ng’düng nak awn om ne, tumat cu a i ah kä sui ba khai. Nangmi cu Khanpughi la khomdek khawhchaam ah ng’yak hlü cu a täng ah kä nami bi hlawt khai” cik ci.
Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.