2 TIMOTHI 3:15 - Cho Bible Common Language 2016

¹⁵ Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.

2 TIMOTHI 3:15 Referans Kwoze

LUKA 24:45

Cun kawn ah ang düihpüi gui naw cacim ami hmat vai ah ami m’lung cu hmawn pe gui netah,

NG'THU K'THUUK~ 22:6

A hmaw cu a i cha ah a ghin vai ah m’theithang vä, cun ung a ni naw aghin nak chuih shüm ba khai nei.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

MATTHE 22:29

Bawipa Jesuh naw, “Nangmi cu cacim phi kä nami hmat ci, Khanpughi ah hlüngtai nak phi kä nami hmat ci, cun ah kyasei nami m’lung ngaih cu ng’lat ci.

2 TIMOTHI 1:5

Na pighi Lois la na nu Eunice ah mäih ah ng’ciim ciah yum nak cu ka shüm ba ci nei. Ngahni ah mäih ah na yum ciah ka ngaih gep ci nei.

LUKA 2:40

Ak hmaw cu däm ng’vai ne gaigawng ci. Ani cu cüivai lunglang ci, Khanpughi ah m’shumphyuk nak cu ani ah khan ah be ci.

SAM 19:7

Bawipa ah thukhän cu kümbe ci; thagui ak thai pek ci. Bawipa ah thumkhän htangkha ci, kä cüivai cicu cüivai sak ci.

ROMAN 16:26

Cun ung phi tuhbäi chü, cun ah ng’yih ciah ng’düng nak cu profet gui ah guk ah cacim ung dang yawp pyi ci nei. Ang täi ah ghing ciah Khanpughi ah thukhän awn, kho avan ung chang avan naw hmat ne, yum ne, ami läk vai ah cun ah ng’düng nak cu ng’shäu ne pyein pyi nei.

ROMAN 1:2

Cau pui ge ung Khanpughi naw, Thu Ni cu a purofet gui ung pek khai ah a shaitaak cu Cacim Theing ung om ci.

LAMKTU 10:43

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.

LUKA 24:32

Ngani naw lam ah ana ng’htau püi goi yah ung phi bäi, cacim ana m’thein goi yah ung bäi, m’lung kyong ah mei däi ciah mäih ah kiak ci nei, cine ani mät ng’htau ci goi.

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

SAM 71:17

Ka hmaw sang ung tün ne angtäi sei na na m’htei ci, cäicat vai ah na hnün thawh ah mawng cu ka pyen lä ci nei.

LAMKTU 17:2

Paul cu abi man ah mäih ah pum im ah hteit ne, pum hnüüp thum vei ung, cacim cu m’hlan ne tän ne pyein ne chang gui awn ng’cecäk ci gui.

1 SAMUEL 2:18

Cun yah ung ak hmaw Samuel cu Bawipa ah bi bi gäk gäk ci. Ani naw theing ciah

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

LAMKTU 13:29

Ngami naw cun ah Bawipa ah mawng cacim ung om ciah täng ah ami bi yawp kawn ah cun ah Bawipa ah ang düihpüi gui naw a gook cu kutlam tung ungka chang ba u ne, ng’cim hmun khui ung k’phuh ci gui.

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

2 PETER 3:16

Shin cu Paul naw a guk ah ca ung ang dang sak ah mawng ah kiak ci. Cun ah ca ung kä hmat yäi vai amshah om ci. Kä hmuhmat la lawklak ciah chang gui naw ang lihlat ah, khei ne pyein ci gui. A hei cacim gui cun phi acun ah mäih ah m’ki m’hlat u sei, ami mät ah dimaih nak vai ah kyak ci.

THUSHÄUTU 12:1

Nami hmaw chang yah ung, kä yei nak vai ah khohnüüp la kho kum gui kä ah gawk law pha ung, ning tüisho gui cicu shüm vä, a cun a gawk law ung nangmi naw, “Kä ka yeikyai ci nei” nami cik khai.

LUKA 1:15

Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.

THULÄÄN NAK 4:6

Nangmi naw bekhüt ne nami läk vai. Acun naw nangmi a i hlawk ah nami cüivai cu changpakhui hei gui ung dang sak khai. Ngami naw shin ah thukhän avan ami ng’yak ah a kyak ung ngami naw pyen khai gui, Shin ah dämduh ciah pakhui ung a i hlawk ah cüivai nak la lunglang nak om lawk ci ang?”

JOHAN 5:47

Cun ung phi nangmi naw Moses ah ca guk cu, kä nami yum ci kya ne, a i hawk chaa ah kei ah ng’thu cu nami yum khai ang?” cine kiak na gui ci.

LAMKTU 16:1

Paul cu Derbe la Listra pigaw gui ah gawk law ci. Listra pigaw ah Timothi ming nak ciah khritha tumat om ci. Ani cu Judah chang khritha ah kya ci, cun ung phi a pa cu Krik chang ah kya ci,

LAMKTU 26:24

Paul naw cun ah thu a pyein yah ung, Festus naw, “Paul aw, nang na gu pyi ci nei, na mät ah hmuhmat nak naw ning gu sak pyi ci nei” cine m’lau ne pyein ci.

ROMAN 2:27

Nang mi Jew chang gui cu, gu ne tai ah thukhän la vun-ah nak cu gah tu pang u ne phi, thukhän cu nami m’shet ci nei. Chang khui hei gui cu pumsa awn vun-ah nak kä a mi bi ung phi, thukhän cu läk ci gui nei. Cun ah kya sei nangmi Jew chang gui cu, chang khui hei gui naw nami katnak ning m’khoichaa gui khai gui nei.

1 KORIN 1:21

Khomdek chang ah hmuhmat nak awn Khanpughi a u naw kä a hmat hlawt vai ah, Khanpughi naw ak cüikhai nak awn pyang ci nei. Chang gui naw gu-aang nak ah ami ngaih ah, keimi ah pyein ah thu awn yum ciah chang gui cu hun gui vei ah Khanpughi naw k’bäi ci nei.

EPHESIAN 6:4

Nupa gui, nami hta hmaw gui cu ami m’lung thüi khai ah kä nami bi en vai. Cun ung phi Khanpughi ah ng’yak hlü ah khritha hläkhäm nak awn nami m’shümthein vai.

1 TIMOTHI 4:13

Kei kä ka law pha ah chuih chang gui ah ma ah caciim phat ne, thu pyein ne m’theithang ne, k’tha na ne na bi vai nei.

2 TIMOTHI 1:1

Kei Paul, Khanpughi ah yak hlü ah Bawi Khrit Jesuh ah ang düihpüi ah kya ne, Bawi Khrit Jesuh ung kawng ät nak awn, mi gah vai ah shaitaak om ciah ghin nak ah mawng, ka ng’shäu ci naw —