2 TIMOTHI 3:14 - Cho Bible Common Language 2016

¹⁴ Cun ung phi nang läi cu theithang ne na dou ah thu thuuk cu ak kheng ah na yum vai. A u chang gui ah nang theithang tu te cun phi na hmat vai.

2 TIMOTHI 3:14 Referans Kwoze

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

2 TIMOTHI 2:2

Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.

2 TIMOTHI 1:13

Kei naw ka ning m’theithang ah thu düng cu, thei nak vai ah ak htek ah kutshum ne, Bawi Khrit Jesuh ung kawng ät nak awn mi gah ah yum nak la m’hni nak cu na läk vai nei.

1 THESSALONIAN 1:5

Keimi naw ng’Thu Ni ka mi ning thak law gui cu, thu m’gawng bäng awn ah kä kyak ci, hlüngtai nak, Mumcha Theing la düng nak kümbe ciah yum nak awn ah kyak ci. Keimi cu nangmi awn atäng ah kami om yah ung a i ah kami om cu nami hmat ci; cun cu nang mi ah ni kyom nak vai ah kyak ci.

HEBRU 10:22

Cun ah kyasei mikmi cu mi m’lung ngaih theingcim sak ne, mi pumsa tuikci awn m’si netah, ng’cim ciah m’lung, ng’htei ciah yum nak awn, Khanpughi ah pei ah ming et khai nei.

HEBRU 6:11

Keimi naw kami ng’yak hlü pi bäih cu, nangmi ak chang sing naw ak hnu bäih a gawk ung khüt khai ah, nami thawhlet nak cu, nami khän htek sak vai, cun ung nami ngaih u nak cu akcang ah dang lawk khai, ciah kyak ci.

1 TIMOTHI 4:16

Geik na ne om ne nam theithang vai nei. Shin ah a mawng gui cu k’tha na ne na bilawh vai nei, cun ung na mät la na thu ngai yak ciah chang gui cu hun nak gah khai gui nei.

2 TIMOTHI 3:15

Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.

ROMAN 14:5

Chang amshah naw kho hnüüp ät cu a hei kho hnüüp gui ah küikyang pi ciah ngai ci, chang amshah naw kho hnüüp gui avan cu täng ciah ngai ci. Ngami cu a i ah ami ngaih ung phi, cun ah ami ngaih cu düng ciah ngaih gep u sä.

KOLOSE 2:2

Kei naw shin ka bi cu, ngami ami k’tha abe nak vai la m’hni nak ung ami m’lung ngaih a ät nak vai ah kyak ci. Cun ah kyasei ngami cu akcang ah lunglang nak law püi ciah bümbe ciah ngaih gep nak cu gah ci gui. Ashin ah lam awn ngami naw Khanpughi naw am yih ah Bawi Khrit amät cu hmat ci gui.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

TITUS 1:9

Ani cu bä ciah thu, yum nak awn ät ci cu, khäng khai ah kutshum ciah chang ah kyak khai. Cun ung vah ani naw düng ciah m’thei thang nak awn chang hei gui cu m’hläm gui hlawt khai, hnu ng’tuk püi ci gui ah cheishoh nak phi tawk pe hlawt khai.