2 TIMOTHI 3:12 - Cho Bible Common Language 2016

¹² Bawi Khrit Jesuh ung kawng ät ne yum nak ung lünlawi hlük ciah ah chang phung cu dukdeiu nak gah khai nei.

2 TIMOTHI 3:12 Referans Kwoze

1 PETER 3:14

Cun ung phi akni nami bi ah hmawk ah ning shedam nah gui ci a om ung, yeikyai vä, kä kyikyawk en vä, kä ng’ä ng’ai en vä.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

MAKUH 10:30

a ghin yah ung shedam nak cu näng ne, a phia ah däm ciah im lo, phäi nau, pai nau, nupa, hta nau gui cu gah ba khai. Cun kawn ah gawk lawk khai ah kho ung phi angtäi ghin nak cu gah khai.

TITUS 2:12

Cun ah m’gein nak naw kä yum ne ghin nak la m’dek khan ng’yak hlü nak cu, näng nak vai nam shümthein gui ne, a htingling ah ghin nak, düng nak, la m’dek khan ung yum ne ghin nak vai gui phi nam shüm gui ci.

2 PETER 3:11

Cun ah a päng avan a dimaih yawp ah a kyak ung, nangmi cu a i mäih ah chang ah kya ne nami om khai ang?

1 KORIN 15:19

Bawi Khrih ung mi ngaih u nak cu tuhbäi mi ghin nak bäng ah phäh ah kyak ci, kä lawn ci, ah a kyak vai sü ung, m’dek ah khan ah mikmi ah kawn ah m’gein vai ci a u kä om ba khai nei.

THU PHLAAN 12:4

Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

TITUS 1:1

Kei Paul, Khanpughi ah changshäm la Jesuh Khrit ah ng’düihpüi naw ca ka gu lawk ci nei. Khanpughi naw a ghü ah chang gui ah yum nak shawihkhem gui vai la mi yum nak ah düng ciah m’theithang nak lam shüm gui vai ah kei cu ghü ne ana tüih ah kyak ci.

1 TIMOTHI 6:3

Hngihnga ciah yum nak m’theithang ne, Bawipa Jesuh Krih ah thu düng la mi yum nak ah m’theithang nak,

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

1 TIMOTHI 2:2

Mikmi cu Khanpughi ung ding gei nak la dimdeih nak awn a htingling ah ghing ne mi om vai ah ghangpughang gui la huham om ciah bawimang gui ah hmawk ah nami taigü vai nei.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

JOHAN 17:14

Nang ah ng’thu cu ngami-am ka pe gui pyi ci, Kei cu m’dek khan naw kä a na khäm ah mäih ah ngami phi kä khäm gui ci.

MATTHE 23:34

Kei naw akcang ka pyein cu, nangmi ah om nak ah profet gui, saya gui la hmuhmat ciah chang gui ka tüi lawk khai. Nangmi naw cun ah chang gui cu amshah nami ngawn khai, amshah kutlam tung ung nami tai khai, amshah pum im ah k’caw ah nami tuthat khai, am shah gui cu apigaw päng ung hteit ne nami pha gui khai.

JOSHUA 17:14

Joseph ah htangshon gui naw Joshua ah ma ah ami pyen cu, “A i ah kyasei khaw aveng hta bäng keimi ah kami kaa vai ah na na pek gui ang? Keimi cu ang htei ah chang kami da ci, a i ah kyasei ci ung Bawipa naw hriham ana pek gui ah kyak ci” cik ci gui.

2 KORIN 4:9

Mi gaa ada ung phi, teihpüi kä maih ci, ng’tään vai ah ami nam shän ung phi kä mi di ci.