2 TIMOTHI 2:26 - Cho Bible Common Language 2016

²⁶ Cun ung ngami cu düng nak hmu law u ne, ang yak hlü phung läk khai gui ah pha ne shum gui ciah khoshe ah kut ungka phiawng khai gui nei.

2 TIMOTHI 2:26 Referans Kwoze

1 TIMOTHI 3:7

Ani cu Khrithabum ah ak pung ah chang hei gui naw phi ami chang m’sui tu ah kyak khai, cun ung vah khoshe ah kut ung phi kä gawk hlawt khai.

SAM 124:7

Kha cuung ciah cuun ungka phyawng ciah kha ah mäih ah, mikmi cu mi phyawng ci nei. Cuun cu hnget sei, mikmi cu mi lawt ci nei!

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

ISAIAH 8:15

Chang akda cu ng’vawn khai gui; ng’tääk ne kyu u ne, ng’pyäuh khai gui. Ngami cu cun ung gawk khai gui.”

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

JOB 1:12

Bawipa naw Satan a pyen nak ba cu; “Ä ya, ani ung om ci nü cu, nang ah huham ung ka ning ap ci, Cun ung phi Joba amät cu kä na nat sak en vai,” ci nak ci, cun ah kyasei Satan cu hteit ci.

1 TIMOTHI 1:20

Acun gui ung Himenaeus la Alexander phi om tuk ci goi. Shin ah mawng naw m’theithang gui sei, nangmi naw Khanpughi ami shetkat nak ami nawng vai ah, kei naw ngami cu Satan ah kut ung ka ap gui ci.

KOLOSE 1:13

Ani naw mühmüp ah huham ung kaa, na k’plawk gui ne, A Htapa ah uknak kho ung phyawng ne gawk vai ah na hteh püi gui ci nei.

1 KORIN 15:34

Ng’düng nak awn law vä, nami katnak phung nawng shüt vä. Nangmi ungka amshah naw Khanpughi kä hmat ci, cun ah ka pyein cu nami lü ng’aa nak vai ah hmawk ah kyak ci.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

LAMKTU 5:3

Peter naw, “Ananias, nang cu na lai na yawih k’pai ne na gim ah phäh ah Mumcha Theing nam hleei pyi ci nei, a i vai khoshe ah pyein ah na bi ang?

JOHAN 13:27

Cun ah m’htut la ne a ei vai-am satan cu ani ah kyong ah lut pyi ci.

JOHAN 13:2

Bawipa Jesuh la ang Düihpüi gui cu mü-ei ei ci gui. Khoshe naw Simon Iskariot a hta Judas cu, gaa ah kut ung Bawipa Jesuh cu a ap vai ah am lung kyong ah am cäi pyi ah kyak ci.

LUKA 15:17

Cun ah kho ah ani cu akcang ah ng’yu ba netah kapa ah im ah bi bik ci gui ah chang gui hngaw ami phü ah ei awk ci gui. Kei läi shin ung ang htai ah cawi gha ne ka gein vai ci.

LUKA 11:21

“K’thamah ciah chang naw ak pyu a im a ngäng ung akhawh cham cu ngaih gep ci.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

ISAIAH 28:13

Cun ah kyasei Bawipa naw ca ng’lung päng, ca kiawngpäng, amawng päng a ning m’thei thang gui ah kyak ci nei. Cun ah kyasei nangmi cu nami m’khan päng ung nami ng’täng khai nei. Nangmi cu nami leim khai, cun ung nami awk khai, thawng ung nami kium khai nei.

JOB 2:6

Cun ah kyasei Bawipa naw Satan cu pyen nak ci, “Ä ya! ani cu nang ah huham kyong ung om ci nei, cun ung phi kä na ngawn en vai nei,” cik ci.

2 KORIN 2:11

Cun ung vah Satan cu mikmi ah khan ah kä a näng vai ah mi shung hlawt khai; Satan ah theileh cu mikmi naw mi hmat ci.

LUKA 5:10

Simon ah apaw goi Zebedee ah hta goi James la Johan phi cäi tuk ci goi. Bawipa Jesuh naw, Simon-am, “Kä kyikyawk vä, tuhbäi ung tün ne nangmi cu chang phak ciah nga k’pha ah nami kyak khai nei” ci ne pyen na gui ci.