2 TIMOTHI 2:20 - Cho Bible Common Language 2016

²⁰ Mang im ng’ki ah kyong ah ghui la ngui awn pyan ni, Sing la m’dek la m’dek awn pyan ni ah khlüng la k’am gui om ci. Amshah cu aküi kyang ah kyak ci, amshah cu ang neng düt ah kyak ci.

2 TIMOTHI 2:20 Referans Kwoze

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

1 TIMOTHI 3:15

Cun ung phi kei cu ka shokshü ei ah a kyak ung, Khanpughi ah kyongkhui ung om ci gui naw, a i ah om ih vai cu nami hmat vai ah, shin ah ca ka guk law ah kyak ci nei. Cun ah kyongkhui cu ghing ciah Khanpughi ah krithabum ah kyak ci, cun ah Krithabum cu thu düng ah a tung ah kyak ci.

1 KORIN 3:9

Keimi cu Khanpughi ah khuut a täng ah kami bik ciah bik bi gui ah kami kyak ci, nangmi cu Khanpughi ah lomaa ah nami kyak ci. Nangmi cu Khanpughi ah im ah phi nami kyak ci.

NG’ÄI KYAH 4:2

Zion ung pami nong gui cu keimi ah khan ung ghui ah mäih ah phuma ci gui nei. Cun ung phi tuihbäi ngami cu van naw amang ah m’dek am ah mäih ah amikiak nak gui nei.

EZRA 6:5

Acun ah mäih ah ghui la ngui khawh gui cu ghangpughang Nebukhadnezzar naw Jerusalem Taigüim ungka Babilon ah alaw püi cu Jerusalem Taigüim a om nak ung hteh püi ba ne tha ba vä” ciah kyak ci.

EPHESIAN 2:22

Nangmi cun phi, Bawi Khrit ung kawng ät nak awn, chang khui hei gui awn a täng ah cawhkyan nak nami gah pyi ci kya ne, Mumcha awn Khanpughi ah om nak ah hmun ah nami kya lawk ci.

2 KORIN 4:7

Cung ung phi Mumcha khawh mi m’küm ciah mikmi cu, m’dek am düt ah mäih mi lawk ci kyasei, mikmi ung uknak ah hlüngtai nak kä om ci, Khanpughi bäng ung vah om ci.

EZRA 1:6

Ami pei yung ah ka gui ami van naw akda pe gui ne bawm gui ci gui. Ngui khawh gui, ghu gui, ei awk vai, phuih taih sela gui, ahei a phu tan gui la Taigüim ung douthak gui vai cu pe gui ci gui.

DANIEL 5:2

Ani awk sangung Belshazzar naw thu k’bäi ne, apa Nebukhadnezzar naw Jerusalem Taigüim ungka a law pu’i ah ghui la ngui khap gui, khawk gui ung ami law püi vai ah pyen ci. Ghangpughang naw tüi gui sei, ani, abawi mang gui, ak chu gui, ak chu ba gui cu a cun gui ung awk ci gui.

PHYAWN NAK 27:3

M’vut m’cuun nak ah k’am pyan vai, m’sawngchawi, khawk, kimkoi, la mei k’am gui cu pyan vai. Cun ah khawk gui avan cu kyei awn pyan vai.

JOHAN 8:49

Bawipa Jesuh naw, “Kei cu khoshe naw kä na kai ci, kei naw Kapa cu kamtam khah ci, cun ung phi nangmi naw kei cu nami na ng’yomsho ci.

ROMAN 9:20

Teih püi aw, nang cu a u ah kya ne, Khanpughi cu, cuk chaa na ng’shi hning vai ang! A tüi sho ah chang naw, tüi sho ciah Bawipa cu, “A i ah kya sei, nang naw kei cu shin chaa ah na na tüi sho ang,” cine ng’shi hning khai ang!