2 TIMOTHI 2:2 - Cho Bible Common Language 2016

² Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.

2 TIMOTHI 2:2 Referans Kwoze

1 TIMOTHI 4:6

Nang naw shin ah m’cäi nak cu na phäi nau gui-am na peit law vai yung, na mät ah yum nak thu la na mät ah läk ah düng ciah m’theithang nak cu, läk ne Khrit Jesuh ah changshäm k’ni ah na kyak vai nei.

1 TIMOTHI 6:12

Zum nak ah dawng nak ung na näng vai ah dawng ne, angtäi ghin nak cu nak pan vai nei: cun ah ghin nak na gah vai ah nang cu Khanpughi naw a ning khü yah ung, saksi ciah chang khli ah ma ah, Bawipa na yum ah mawng cu ak küikyang ah nang kiaa pyi ci nei.

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

2 TIMOTHI 3:10

Cun ung phi nang cu kei ah m’theithang om ih, la ka ghin nak ung kang bü nak gui cu hmat ne na läk ciah kyak ci nei. Ka yum nak, ka hnimgei nak, kam hni nak, ka khüighaat nak,

JEREMIAH 23:28

Amang shek ciah prophet tumat naw mang cu mang nei cik khai, cun ung phi kei ah ng’thu ng’yak ciah prophet läi naw cun ah thu cu bekhüt ne ng’shäu khai nei. Htang awn m’tumtäng ung htang gong cu a i a ni nak om khai aw?

LUKA 12:42

Bawipa Naw, “Bekhüt ne cüivai ciah changshäm cu a u ang? Khuimah tumat naw akchangshäm gui khawngmang gui ne, uk gui ne, ei-awk phi tei gui khai ah changshäm tumat cu ghü ne m’düih khai.

EZRA 7:25

“Nang, Ezra naw Khanpughi naw aning pek ah cüvai nak cu mang ne Khanpughi ah ang thukhän awn ghing u ne, Euphratis ah akhei täng ung om ci gui ah chang avan uk gui khai ah uktu gui la suki gui cu na m’düih gui vai nei. Cun ah thukhän cu kä hmat tu phak ci päng am m’thein gui vai nei.

1 TIMOTHI 1:18

Kahtapa Timothi, cau profet gui naw nang ah mawng ami pyein man ah mäih ah, kei naw shin ah bi cu khän ne ka ning ap ci. Cun ah thu cu, ng’tuk näng nak ah li la khim ah na mang vai nei.

1 TIMOTHI 1:12

Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.

NG'THU K'THUUK~ 13:17

Shekak ciah chang tüih naw khüikha nak law püi ci. Cun ung phi bekhüt ci naw dimdeeih nak law püi ci.

1 TIMOTHI 4:14

Profet gui ah thu awn, ak tahnga gui naw, na khan ah ami kut taih ne ami ning m’shumphyuk ah mümcha m’cümhnah nak cu, a i baw düt ah kä na ngaih-en vai nei.

1 KORIN 4:2

Cun ah changshäm ung om khai ah k’thamah nak tumat cu amät ah bawi ung ang bekhüt nak ah kyak ci.

EZRA 7:10

Ezra naw a ghin nak ap neta, Bawipa ah thukhän cu ng’thei ne acun ah bi ne, thukhän gui la läk vai gui avan cu Israel chang gui am m’thei gui ci.

2 TIMOTHI 3:14

Cun ung phi nang läi cu theithang ne na dou ah thu thuuk cu ak kheng ah na yum vai. A u chang gui ah nang theithang tu te cun phi na hmat vai.

KOLOSE 1:7

Nangmi naw Khanpughi ah am gein nak cu Epaphras ah nami ng’thei ci. Ani cu mi changshäm, mikmi ah hmawk ah bekhüt ciah Bawi Khrit ah khuut bik ciah kyak ci.

SAM 101:6

Khanpughi ah bekhüt ci gui cu kei naw ka dou gui khai, ka mang im ung ka om sak gui khai. Akbe ah düng ciah chang naw kya ah khuut bik khai.

NEHEMIAH 7:2

Kei naw Jerusalem mang gaw uk khai ah chang hnih ka tha ci: ngani cu ka nau Hanani la imgawbawi Hananiah ah kyak ci. Hananiah cu a u awn kä täng ciah ngaih gep vai, Khanpughi kyih aa ciah kyak ci.

1 SAMUEL 2:35

Kei ung bekhüt khai la kei naw abi vai ka ng’yak hlü päng bik khai ah taigüpa cu kei naw ka ghü khai. Kei naw hta ng’shon nak ka pek khai, acun naw angtäi sei, kei ah ghü ah ghangpughang ah ma ah bi bik khai.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

1 TIMOTHI 5:22

Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.

MATTHE 24:25

Ngai vä bäi, shin ah a mawng gui kä a gawk law pha ung kei naw ng’daut ne ka ning m’thein gui ah kyak ci nei.

MATTHE 13:52

Cun ah kyasei Bawi Jesuh naw, “Khankho uknak kho ung düihpüi tumat ah kya lawk ciah chang phung cu, a im khei ung kaa, akhawh ak phyim akthai k’plawk ne law püi ciah, imah awn täng ci,” cine m’thein gui ci.

KHEI NAK 12:7

Cun ung phi ka changshäm Moses ka ng’thu püi cu ak küi ah kyak ci. Israel chang avan ung tängpang khai ah kei naw ani cu ka tha ah kyak ci.

2 KORIN 2:14

Cun ung phi Khanpughi kam hlüngtai ci! A i ah kyasei ci ung Khanpughi naw mikmi cu Bawi Khrih ung na kawng ät sak gui ne, Bawi Khrih ah näng nak tung ak chang phaa ah khän ne a na ng’leen püi gui ah hmawk ah kyak ci. Bawi Khrih ah mawng hmuh hmat nak cu, tui ng’ui ah mäih ah kho ng’nü ung ang ui vai ah Khanpughi naw na mang gui ci.

2 KORIN 3:5

Shin ah khuut kami bi hning ciah pyein nak vai ah keimi ung a i k’thagui phi kä om ci, Khanpughi ah na peit gui ah k’thagui bäng vah om ci.

TAIGÜTHUM 14:42

Cun ah ghawh ah lung gui ah hnün ung, a hei lung gui tha ba vai, paang cu plasta akthai awn hluk ba vai.