2 TIMOTHI 2:16 - Cho Bible Common Language 2016

¹⁶ Zum nak kä om ciah hmühma ne thu shai cu na hlawi vai, Cun ah mäih thushai naw chang cu Khanpughi awn ng’shawng sak pi ci nei.

2 TIMOTHI 2:16 Referans Kwoze

TITUS 3:9

Cun ung phi shekhak ciah ng’cuhcan nak, ng’shon lam ang sau ah guh ne pyan nak, ng’tuk vok nak, thukhän ah mawng ng’cuhcan nak gui cu na hlawi vai nei. Cun gui cu ei mang vai kä kya ne, a i phi kä ak pawih ciah a mawng gui ah kyak ci.

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

TITUS 1:14

Cun kawn ah Jew chang gui ah puma la düng nak hnu ng’tuk püi ciah chang gui ah thukhän cu kä ami kutshum men ba vai nei.

2 TIMOTHI 2:14

Shin ah a mawng ung nak chang gui nam cäi gui vai nei, thu awn ng’vawngshang küütneet ne kä ami kyak vai ah, Khanpughi ah ma ah akheng ah khän ne nam cäi gui vai nei. Cun ah mäih naw ni nak kä pyang ci, yak ciah chang gui ah ngaihdam ah kya ne shetkat nak ah kyak ci.

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

EZRA 10:10

Taigü Ezra cu ng’düi law ne ng’thu pyen ci. Ani naw, “Nangmi naw akhohei hnumi gui chu na u ne, kä bekhüt nak ah cheishoh nak cu Israel gui ah khan ah nami law püi ci.

THU PHLAAN 13:3

Khiküi ah lu tumat cu sih nak vai hlawk ah leim pang ne phi, khan ba pyi ci. Khomdek khan ah chang avan cu cäicat u ne khiküi ah hnu ah läk yawp ci gui.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

2 PETER 2:2

Cun ung phi chang akda naw shekak ciah ami lam cu läk khai nei. A i ah kyasei ci ung ngami ah bilawh nak awn chang a hei gui naw thucim ah lam cu päipih khai gui nei.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

TITUS 1:11

Ngami cu thu kä ami pyein ba vai ah khin lawk ci nei, a i ah kyasei ci ung ngami cu kä m’theithang khin vai m’theithang u ne, kyongkhui gui cu shetkat sak ci gui, lü ng’aa nak vai kyak ciah ngui ng’yak nak hlü awn ami bi ah kyak ci.

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

1 TIMOTHI 4:7

Pyein ah kä ni ne yum nak kä om ciah puma awi gui cu nami hlawi vai nei. Zum nak ung nami ghin vai ah nami mät naw nami mät nami m’thei vai nei.

1 KORIN 15:33

Ang lih lat ah kä ngai en vä. “Ang khawt püi a shet ung chang k’ni shek ci.”

1 KORIN 5:6

Nangmi cu chang ah kä nami ng’shei vai. “K’caw api hta naw m’htut den avan cu thawh sak ci” ciah thu thuuk cu nami hmat ci.

THU PHLAAN 13:14

Ani naw ak htükbäih ah khiküi ah maa ah abi hning ah cäi aih vai gui cu m’dang ne khomdek chang gui cu hmühma sak gui ci. Ani naw khim awn leim ne phi kä si ne ghing ciah khiküi m’tamkhah nak ah a gup cu pyan sak gui ci.

1 TIMOTHI 1:9

Mikmi naw mi shüm hmat vai cu, thukhän m’hnüt cu chang k’ni gui ah hmawk ah kä kya ci, thukhän m’shet ci gui, om shet ci gui, Khanpughi kä hmat ci gui la cheishoh ci gui, yum nak kä om ne mümcha lam kä shing ci gui, ami nupa ngawn ci gui, chang nagawn ci gui,

2 TIMOTHI 2:21

Cun ah ak shekha gui phung ungka theingcim ciah chang cu a bawi ah hmawk ah bä ne, ak ni phung bi ge khai ah om ciah kya ne, ak küikyang ah kyak ci, a küi kyang nak ung mang hlü vai ah kiak ci.