2 TIMOTHI 2:14 - Cho Bible Common Language 2016

¹⁴ Shin ah a mawng ung nak chang gui nam cäi gui vai nei, thu awn ng’vawngshang küütneet ne kä ami kyak vai ah, Khanpughi ah ma ah akheng ah khän ne nam cäi gui vai nei. Cun ah mäih naw ni nak kä pyang ci, yak ciah chang gui ah ngaihdam ah kya ne shetkat nak ah kyak ci.

2 TIMOTHI 2:14 Referans Kwoze

2 TIMOTHI 2:23

Hmühma nak la ak ang ah ng’cuhcan nak gui cu na hlawi vai, Cun gui naw ng’tukvook nak a pyan cu na hmat ci nei.

2 TIMOTHI 4:1

Khanpughi ah ma la aksi ak ghing avan ng’thumcha khai ah Bawi Khrit Jesuh ah ma ah kei naw khen ne ka ning m’thein cu, Bawipa cu Ghangpughang ah kya ci, kya ne uk khai ah kyum lawk ci nei.

ROMAN 14:1

A yum nak ken ciah chang cu nami dou vai, cun ung phi ani ah m’lung ngaih ah mawng ung kä nami ng’cuh ng’can nen püi vai.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

1 TIMOTHI 5:21

Khanpughi ah ma, Bawi Khrit Jesuh ah ma la Theingcim ciah khankho chang gui ah ma ah, kei naw thukhän ka ning peik cu, nang naw shin ah m’cäi nak gui cu läk netah ng’daut ne a i kä nam khoichaa düt en vai, chang ah hmai teng ne a i kä na bi vai.

LAMKTU 15:24

Keimi ungka chang amshah cu, u ah kä m’cäi ä ah, nangmi ah om nak ah law ne, m’lung ah cüngvawn nak vai ah ng’thu pyein ne, nangmi a mi ning yaica sak gui ah mawng cu kami ng’yak ci nei.

2 PETER 1:13

Kei ghing ne ka om yah ah chuih shin ah a mawng gui ka ning m’shümthein ba gui lä khai ah ka ngai ci nei.

1 TIMOTHI 6:13

A päng avan am ghin nak pek ciah Khanpughi la Pontius Pilate ah ma ah a yum nak a kheng geng ah m’dang ciah Khrit Jesuh ah ma ah kei naw thukhän ka ning pek ci,

2 THESSALONIAN 3:6

Phäinau gui aw, Bawipa Jesuh Khrit ah ming awn thukhän kami ning peit gui cu, damduh ciah khritha phäi nau gui la, keimi ah m’shümthein nak kä läk tuk ciah chang gui cu, kä nami kawng ät püi gui vai.

JEREMIAH 7:8

“Teng vä! Hleeihlak ciah thu ung nami ngaih gep ci nei.

1 SAMUEL 12:21

Khanpughi she gui ah hnu ah kä nami hteh tu vai; ngami naw kä ning m’htei gui hning khai, kä ning hun gui khai, ngami cu akcang ah kä kyak ci gui.

2 TIMOTHI 2:16

Zum nak kä om ciah hmühma ne thu shai cu na hlawi vai, Cun ah mäih thushai naw chang cu Khanpughi awn ng’shawng sak pi ci nei.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

EPHESIAN 4:17

Cun ah kyasei nang mi cu kä yum ci gui ah mäih ah, kä nami om ih ngaih-tüh ba lä vai ah Bawipa ming ung ka ning khän gui ci nei.

KALATIAN 1:7

Akcang ah pyein ung Bawi Khrit ah mawng “Thu Ni ahei,” kä om ci, cun ung phi chang amshah gui naw, Bawi Khrit ah ng’Thu Ni cu m’hlat shüi shüi u ne, ning awng-aa sak gui ci gui.

LAMKTU 13:10

“Khoshe ah hta, akni m’cheishoh ciah gaa, hleeihlak thei ciah chang, nang cu Khanpughi ah düng nak shek khai ah na bik ci nei.

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

HABAKKUK 2:18

Agup cu a i ah mang vai ang? Cun cu chang ah pyan ah kyak ci, cun naw a i phi kä ning m’thein gui khai, cun ung phi ning m’hleei gui khai. Ani yum ciah pyang ciam, ani naw nik ci a i ang abi pek, ani cu ng’thu ah phi kä ng’thu thei ciah khanpughi ah kyak ci!

JEREMIAH 23:36

Cun ung ngami naw ‘BAWIPA ah phuih’ ciah ng’thu cu kä mang ba khai gui nei, a i ah kyasei ci ung, tumat mat naw a pyen ba ah a kyak ung kei ah ka ng’thu cu ani ah khan ah phuih ah kyak khai ah ka bik khai nei. Chang gui ne m’gäi ciah Bawipa, ghing ciah khanpughi, ami khanpughi ah ng’thu cu m’hlat shüi ci gui nei.

JEREMIAH 23:32

Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

2 TIMOTHI 1:6

Cun ah kyasei kei naw na khan ah kut taihnak ka ning peik yah ung Khanpughi naw a ning peit ah m’cümhnah nak cu ghing khai ah na shum vai ah ka ning m’shümthein ci nei.

1 TIMOTHI 1:6

Chang amshah gui cu shin ah lam hma u ne, shetkat nak düt ng’cuhcan pyeinsak ci gui.

1 TIMOTHI 1:4

Ng’cu can düt vai ah kyak ciah pumah-awi m’cu ne ng’shon lam düt khei ci gui cun phi, cun ah kä ami kyak ba vai ah nam cäi gui vai nei. Cun gui cu Khanpughi ah ng’bü nak ah kä kya ci, yum nak kawn vah cun gui hmat vai kyak ci.

1 THESSALONIAN 4:1

Phäi nau gui aw, Khanpughi ah m’hni ah ghin nak ah mawng cu, keimi ah nami ng’thei tu pyi ci nei. Keimi naw kami ning m’thein gui ah mäih ah nami ghing ciah a kyak ung phi, cun natah bä pi sei nami ghin om thei vai ah Bawipa Jesuh ah ming ung ka ning m’cäi gui ci nei.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

JEREMIAH 2:11

Ani ah khanpughi gui cu kä a cang ah ami kyak pang ung phi, a i pakhui chang naw phi kä m’thawng hlawt khai, cun ung phi ka chang gui naw na ng’thawng sak ci gui, Ngami ah phäh ah a i ka bi hlawt ciah khanpughi gui ah hmawk ah m’tamkhah vai ah law pü gui ciah khanpughi cu ami na thawng sak ah kyak ci.

JEREMIAH 2:8

Taigü gui naw, ‘A hawi ang Bawipa?’ cine kä ng’shi thäh ci gui. Kamät ah taigü gui naw kä na hmat ci gui. Uk tu gui naw na hnungtuk püi ci gui; Prophet gui naw Baal ah ming ung thu pyen u ne, akholä ah kyak ciah a gup cu khawihnah ci gui.

TITUS 3:1

Kho uk ci gui la huham ah gui cu kyih aa ne, ami ng’thu ami ngaih vai la nik ciah bi phung bi ge vai ah ami om vai ah nak chang gui cu nam cäi gui vai nei.