2 TIMOTHI 1:8 - Cho Bible Common Language 2016

⁸ Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

2 TIMOTHI 1:8 Referans Kwoze

ROMAN 1:16

Kei cu Thu Ni ung kam lung üp ngaih gep ci; cun ah Thu Ni cu yum ci gui ah, Jew chang gui la changpakhui hei gui cu, a hun nak ah Khanpughi ah hlüngtai nak ah kya ci.

MAKUH 8:38

Khanpughi kä shüm ne shetkat nak ah tuhchü akhin ung, kei ah hmawk la kei ah m’theithang ah hmawk ah lü ng’a ciah chang cu, Apa Khanpughi ah bämang nak awn, chang ah Htapa, khanchang theing gui naw’ kiuung u sei a kyum law ba hnüüp ung ani ah hmawk ah lü ng’a nak om khai nei” cine kyak na gui ci.

2 TIMOTHI 4:5

Cun ung phi nang läi cu, a i chü ah a mawng ama na buiaut ung phi, na mät ngaihmah ne na om vai, geinvai nak na näng vai, Thu Ni cu ng’shäu ne na pyein vai, Khanpughi ah changshäm ah kya ne bi vai phung cu m’khüt näng ne na bi vai.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

EPHESIAN 3:1

Shin ah a mawng ung Bawi Khrit ah thawng kyum ah ka kyak ciah kei Paul naw, nangmi chang khuihei gui ah hmawk ah Khanpughi ah ka taigü ci nei.

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

LUKA 9:26

Kei la kei ah ng’thu ah hmawk ah lü ng’aa ciah chang cu, chang ah Htapa amät ah bämang nak la Apa ah bämang nak, khankho chang theing gui ah bämang nak awn, a kyum law ba hnüüp ung, ani ah hmawk ah lü ng’aa nak om khai.

2 TIMOTHI 1:16

Onesiphorus ni ah kyongkhui ung Bawipa ah chimgein nak om sä, ani naw akda vei kei ah lung cu na hüiyang sak ci nei. Kei cu thawng k’kium ah ka kyak ung phi, ani naw kei cu kä na ng’aa nak ci nei,

EPHESIAN 4:1

Cun ah kyasei Bawipa ah khuut ka bi hmawk ah thawng ka kyum ciah kei naw ka ning m’tholet gui ci nei. Nangmi cu Khanpughi naw khü ne a ning m’düih nak gui awn ng’müi khai ah, hnu m’khin, ma m’hlawi ne nami ghin vai nei.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

2 TIMOTHI 2:3

Bawi Khrit Jesuh ah bekhüt ciah gakaap ah kya ne geinvai nak cu na dou vai nei.

1 THESSALONIAN 3:4

Keimi dukdeiu nak kami gah law vai ah mawng cu nangmi awn atäng ah kami om yah ung ka ning m’thein gui pyi ah kyak ci. Kei naw ka pyein ah mäih ah tuhbäi akcang ah a kyak law cu nangmi naw nami hmat ci.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

EPHESIAN 3:13

Cun ah kyasei kä nami ng’yochaw vai, nangmi ah hmawk ah kei cu geinvai nak ka gah ci, cun cu nangmi ah ng’läh nak vai ah kiak ci, cun ah kyasei kä nami ng’yochaw vai nei.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

ROMAN 9:33

Cacim Theing ung; “Teng vä, chang gui naw ami ng’vawn nak vai ah, lung tumat cu Zion m’htung khan ah ka m’shän khai nei, Chang gui cu cun ah lung ung ng’vawn ne ng’täng khai gui nei. Cun ung phi Lung ah kyak ciah Bawi Khrit yum ciah chang gui cu, a i yah ung phi ami thüisei nak kä om khai nei,” ciah om ci.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

THU PHLAAN 1:2

Johan naw Khanpughi ah ng’thu la Jesuh Khrit ah m’dang ah düng nak cu a hmuh ah mäih bä bä ah a guk ba ah kyak ci.

1 KORIN 1:6

Keimi naw kami pyeinsak ah Bawi Khrit ah mawng cu nami m’lung kyong ung phung ghing ne khäng pym ci.

JOHAN 19:35

(Shin ah a mawng gui cu nangmi naw phi nami yum tu vai ah hmu tuk ci amät naw a pyein ah kyak ci. Ani ah pyein cu hman ci, ani naw amät akcang a pyein phi hmat ci.)

SAM 119:46

Na thumkhän gui cu kei naw ghangpughang gui ah ma ah ka ng’shäu khai, kei cu kä ka lü ng’aa khai.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

EPHESIAN 4:17

Cun ah kyasei nang mi cu kä yum ci gui ah mäih ah, kä nami om ih ngaih-tüh ba lä vai ah Bawipa ming ung ka ning khän gui ci nei.

2 KORIN 6:7

ng’düng ciah ng’thu pyein nak la Khanpughi ah hlüngtai nak awn phi bäi, keimi cu Khanpughi ah changshäm ah kami kyak ah mawng cu kami dang sak ci. Ng’tuk bi nak la gaa shung nak ung, ng’düng nak cu, kami li khim ah mäih ah kami mang ci.

ROMAN 8:36

Cacim Theing ung; “Bawipa ah Hmawk ah Kei mi cu, ak hnüüp pum ung, sih nak gaa awn kami ng’aut ci nei; Ngawn vai ah ami k’bäi ah htome ah mäih ah, Chang naw kei mi cu na ngai gui ci nei”, ciah om ciah mäih ah kyak ci.

JOHAN 15:27

Nangmi naw phi kei ah mawng thu nami pyein khai, a i ah kya sei ci ung akhtük ge ung nangmi cu kei awn a täng ah nami om ci kyak ci.

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

SAM 19:7

Bawipa ah thukhän cu kümbe ci; thagui ak thai pek ci. Bawipa ah thumkhän htangkha ci, kä cüivai cicu cüivai sak ci.

1 TIMOTHI 2:6

Cun ah Bawi naw hnicim chang gui phiawn khai ah a pumsa ap ci. Cun cu chang nüng hun vai ah, a khin ni ah a kyak ah mawng, Khanpughi ah ang yak hlü cu am dang nak ah kyak ci.

KOLOSE 1:11

Amät ah bämang hlüngtai nak ungka lawk ciah khüighaat nak naw ning k’thamah sak gui sä, cun ung a päng avan cu hniimgei nak awn nami näng khai nei. Zeikiai nak awn Pa Khanpughi cu m’hlüngtai vai, ani naw akdei ah uknak kho ah, chang ah hmawk nak cu nangmi naw ng’müi ne nami chaw nak tu vai ah ning pyang gui ci nei.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

2 TIMOTHI 1:10

Cun ung phi tuhchü, mi Hunbawi Khrit Jesuh a kyum law kawn ah, cun ah m’gein nak cu, mikmi ung dang lawk ci. Bawipa naw sih nak ah hlüngtai nak cu m’shiu netah, Thu Ni awn käng khuk hlat ciah ang täi ghin nak cu dang sak ci nei.

2 TIMOTHI 2:8

David ah ng’shon, sih nak näng ne tho ba ciah Bawi khrit Jesuh cu na shüm kheng vai nei, cun cu kam theithang nak ah Thu Ni ung ka pyein ah kyak ci nei.