2 TIMOTHI 1:5 - Cho Bible Common Language 2016

⁵ Na pighi Lois la na nu Eunice ah mäih ah ng’ciim ciah yum nak cu ka shüm ba ci nei. Ngahni ah mäih ah na yum ciah ka ngaih gep ci nei.

2 TIMOTHI 1:5 Referans Kwoze

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

LAMKTU 16:1

Paul cu Derbe la Listra pigaw gui ah gawk law ci. Listra pigaw ah Timothi ming nak ciah khritha tumat om ci. Ani cu Judah chang khritha ah kya ci, cun ung phi a pa cu Krik chang ah kya ci,

1 TIMOTHI 4:6

Nang naw shin ah m’cäi nak cu na phäi nau gui-am na peit law vai yung, na mät ah yum nak thu la na mät ah läk ah düng ciah m’theithang nak cu, läk ne Khrit Jesuh ah changshäm k’ni ah na kyak vai nei.

2 TIMOTHI 3:15

Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.

ROMAN 15:14

Phäi nau gui aw, nang mi cu ni kyom nak awn be ne, hmuhmat nak phi küm sei, tumat la tumat m’theithang nak hning phi a om ah phäh ah ning ngaih gep gui ne ka yeikyai ci.

HEBRU 6:9

Cun ung phi teihpüi gui awi, cun ah thu pyein ung phi kami ning ngaih gep gui ci nei. Nangmi ung bä pi ciah m’shumphyuk nak om sei, hun nak nami khäm cu kami hmat ci nei.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

2 KORIN 6:6

Theingcim nak, htangkhaa nak, hnimgei nak, ng’awi ng’gi nak gui awn phi bäi, Mumcha Theing ah m’gein nak la kami m’hni nak ak cang awn phi bäi;

ROMAN 8:38

Cun ah kya sei, a i naw phi mikmi cu Bawipa ah m’hni nak awn kä nam chaa gui hlawt khai: sih nak la ghin nak ka phi kya, khan chang gui la khankho uk ne hlüngtai ci gui ah phi kya, tuh chü mawng nak ah phi kya, ngawi ah ma nak vai ah phi kya,

ROMAN 4:21

Khanpughi naw a shaitaak ah mäih ah bik khai cicu Abraham naw ak be ah yum ci.

SAM 116:16

Bawipa, kei cu na changshäm ah ka kyak ci nei; kanu ah bi ah mäih ah kei naw na bi ka bik ci nei. Nang naw sih nak ungka na na hun pyi ci nei.

SAM 86:16

Kei täng ah ng’hlat law ne na chimgein ä, k’thagui na k’be ne na hun ä, a i ah kyasei ci ung, kei naw ka nu ah mäih düt ah na khut ka bik ci nei.

HEBRU 11:13

Cun ah chang gui ami van cu yum nak awn sik ci gui. Ngami cu Khanpughi ah shaitaak kä gah tuk ci gui, cun ung phi a shou nak ah kaa naw hmuh u ne ana dou tuk ci gui, ngami cu khomdek khan ung akho hei chang, geinvai chang ah ami kyak ah mawng cu ng’kiaa ne pyein ci gui.

ROMAN 14:14

Bawipa Jesuh ungka kawng ät nak naw, a i ei phi ang tüi püi ah kä ah theingthap nak kä om ci, cicu na hmat sak ci; cun ung phi, shin ah ei cu kä theing ci ciah yum ciah chang ah hmawk ah cun ah ei cu kä theing ci.

ROMAN 14:5

Chang amshah naw kho hnüüp ät cu a hei kho hnüüp gui ah küikyang pi ciah ngai ci, chang amshah naw kho hnüüp gui avan cu täng ciah ngai ci. Ngami cu a i ah ami ngaih ung phi, cun ah ami ngaih cu düng ciah ngaih gep u sä.

LAMKTU 26:26

Ghangpughang mang aw, nang naw shin ah a mawng cu na hmat pyi ci kiasei, na ma ah shicha ka pyein hning ah kyak ci nei. Shin ah a mawng gui cu ang thuh nak ung dang ciah kä kyak ci, nang ghangpughang naw phi avan na hmat pyi ciah ka ngai ci nei.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

JEREMIAH 3:10

Shing gui avan ah kawn ah Israel ah kä bekhüt ciah anau Jodah cu ng’she ne kei ah law ba ci, ani cu amlung kä theing ci, kei Bawipa naw ka pyen nei.”

SAM 81:15

Kei na thüi nak ci gui cu ka ma ah kyi ne kawp khai gui; Ngami ami m’kyuk nak cu kä ng’pyi hlawt khai nei.

SAM 77:6

Ak thuuk ah ngaih-tüh ne, khomü ka ng’pyi sak ci; Tüüp ne ngai neta, shicha ah ka mät cu ka ng’shik ci:

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

SAM 22:10

Kei cu ka ng’tüi law ge ung nang ung ka ng’yung ci, nang cu angtäi sei ka Khanpughi ah na kyak ci.

SAM 18:44

Kho hei chang gui ka ma ah kawp ci gui; Ka mawng ami ng’yak ung na ngai ci gui.

SAM 17:1

O Bawipa, düng ci lam ah om ne, ka ng’hui cu na ngaih peä; Ka kyah nak cu na dou pe ne, na m’htei ä! Düngnak awn ka taigü cu na ngaih peä.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.