2 TIMOTHI 1:4 - Cho Bible Common Language 2016

⁴ Nang phlitui ali cu shüm ba ne ang htei ah ka ning hmu hlük ci nei. Nang ka ning hmuh ung kei cu yei nak awn ka be khai nei.

2 TIMOTHI 1:4 Referans Kwoze

2 TIMOTHI 4:9

Kei ah na law ge vai ah nak tha nak vai nei.

2 TIMOTHI 4:21

Kho kä ak sik pha ung na law vai ah nak tha nak vai nei. Eubulus, Pudens, Linus, la Klaudia ni gui la Krihta phäi nau avan cu ka yavaih na gui ci nei.

1 THESSALONIAN 2:17

Phäi nau gui aw, keimi cu nangmi awn a shäng hta nei ng’shawng ne kami om. Cun ah pumsa awn mi ng’shawng pang ung phi, kä kami ning m’hnih gui phung ci nei. Nangmi cu ang htei ah ning khaih na gui ne, ning hmuh ba gui vai ah kami tha nak ci nei.

PHILIPPIAN 1:8

Bawi Khrit Jesuh ah m’gein nak awn, nangmi ang htei ah ka ning khaih nak gui ah mawng pyein ung, Khanpughi cu saksi ah kyak ci.

THU PHLAAN 21:4

Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.

THU PHLAAN 7:17

A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.

1 JOHAN 1:4

Keimi naw yeikyai nak kümbe sei kami gah nak vai ah shin ah ca kami guk law nei.

PHILIPPIAN 2:26

Ani naw nang mi cu ning khaih na gui ci, ani ah gawpai ah mawng nami ng’yak ah hmawk ah ani cu am lung kä ni ngai ngai ci nei.

ROMAN 1:11

Nami k’thamah nak vai ah mümcha hrilham cu ning pai tu gui hlü ne, ang htei ah ka ning hmu gui hlü khäät ci.

LAMKTU 20:31

Cun ah kyasei kei naw nang mi am kho kum thum pum ung amü ak hnüüp, ka ng’phli tui kya law sei, ka ning m’theithang gui cu nami shüm ba khenggeng vai nei.

LAMKTU 20:19

Kei cu Judah chang gui ah shedam nak awn yaica nak ka gawk yah ung ka ng’phli tui kya law sei phi kam lung neim sak ne, Khanpughi ah changshäm ah kya ne a bi cu kabik ci.

JOHAN 16:24

Tuhbäi ung khüt khai ah nangmi naw kei ah ming awn a i phi kä nami ng’yoi phak ci. Nami yeikyai nak a khüm be nak vai ah ng’yoi vä, nami gah khai nei.

JOHAN 16:22

Nangmi tuhbäi nami thüisei ci, cun ung phi kei awn mi ng’hmu ba mä khai kyasei nami m’lung cu yeikyai nak awn be khai, cun ah yeikyai nak cu hnicim chang naw kä m’shet hlawt khai.

JEREMIAH 31:13

Hnumi nong gui cu ng’tam ne yei khai gui, pami gui a ghi a hmaw cu yeikyai khai gui. Kei naw ngami cu ngäng m’bom gui ne, ami thuikyah nak cu yeikyai nak ah, ami ayä nak cu yeikyai nak ah ka m’hlah pe gui khai

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

SAM 126:5

Ang phli li sei geit m’shi phu ci gui Yeikyai ne khäm ba khai gui!