2 TIMOTHI 1:3 - Cho Bible Common Language 2016

³ Pupa gui ah mäih ah m’lung ngaih theing awn a khuut ka bi ah Khanpughi cu kam kümto ci nei. Amü a ngawi ka taigü nak ung nang cu ning shüm ne Khanpughi cu kam kümto ci nei.

2 TIMOTHI 1:3 Referans Kwoze

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

LAMKTU 23:1

Paul naw kawngsi ng’vai gui cu kheing ne teng gui netah, “Israel phäi nau gui aw, Kei cu tuk ngawi ung khüt sei, ka ghin na chuih Khanpughi ah ma ah kam lung kyong theingcim sei ka bilo om ih ci nei” cine pyein ci.

LAMKTU 24:14

Cun ung phi ngami naw kä ng’düng ciah ami pyein ah lam ung pupa gui ah Khanpughi cu ka taigü ci. Moses ah thukhän avan la prophet gui ah cacim avan cun phi ka yum ci.

1 TIMOTHI 1:19

Na yum nak htek ne nam lung ngaih theing ciim sä. Chang am shah gui naw ami lung ung ciim sei kä ngai yäi u ne, ami yum nak cu shet sak ci gui.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

LAMKTU 24:16

Cun ah kyasei kei cu Khanpughi ah ma, chang ah ma ah, kam lung kyong theing cim khai ah angtäi sei ka k’tha nak ci.

LAMKTU 22:3

Paul naw k’täih ne, “Kei cu Cilicia kho Tarsus gawnu ung ng’tüi ciah Judah chang tumat ah ka kyak ci. Jerusalem ung däm ng’vai law ne, pu pa gui naw ami läk ah thukhän cu Kamaliela ah a lüng ah ka theithang tuk ci. Tuk ngawi nangmi Khanpughi ung nami m’lung a ling ah mäih ah kei phi kam lung ling man ci.

2 TIMOTHI 3:15

Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.

2 TIMOTHI 1:5

Na pighi Lois la na nu Eunice ah mäih ah ng’ciim ciah yum nak cu ka shüm ba ci nei. Ngahni ah mäih ah na yum ciah ka ngaih gep ci nei.

1 THESSALONIAN 3:10

Ak chang sing ming hmuh vai ah nami yum nak ung hlü ci gui cu kami ning so chan nak gui hning vai ah kami m’lung kyong avan naw amü ak hnüüp kami taigü ci nei.

EPHESIAN 1:16

nangmi ah hmawk ah angtäi ah Khanpughi kam hlüngtai ci, ning shüm gui ne ka ning taigü pe gui ci.

KALATIAN 1:14

Kei cu Jew gui ah yum nak akcang ah bi nak ung, kami thawn lawk ciah Jew chang gui ung, pupa gui ah thung law yoman cu k’tha na pi k’bäih ne ka läk ciah kyak ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

ROMAN 9:1

Kei naw akcang ka pyein cu; kei ung Bawi Khrit om ci kya sei kei kä ka hleei ci. Mumcha Theing ah uknak awn om ciah kam lung kyong naw kei kä ka hleei ah mawng cu dang sak ci.

LAMKTU 27:23

Kei ah ka Bawi, kei naw ka taigü ah Khanpughi ah khankho chang cu, yanmü kei ah law netah,

LAMKTU 26:4

“Kei ka hmaw sang ung tün ne, ka ng’tüi law nak ah kho ung phi bäi, Jerusalem gawnu ung phi bäi, a i hawkcha ka om ih man cu Judah chang gui avan naw hmat ci gui nei.

LUKA 2:37

Ani cu tuhbäi a khokum cheit-kip-lei-phli law pyi ci. Ani cu amü ak hnüüp Taigüim ah om ne ei hlawi ne taigü ci.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

1 TIMOTHI 5:5

A mät om ciah hmeinu cu m’hteihtang khai a u kä om sei, Khanpughi ngaih u ne, amü ak hnüüp taigü ne ng’yoi thäh ci nei.